Isaya 63:7 - KITABU KITAKATIFU

⁷ Ndavolera avandu amakuva gu vuyanzi vwa Yahova uvutali ne kegero. Ndamwizominya kolondekana ku goosi aga Yahova amali kokolera kunyi. Yee, umali kokora ivindu vinyingi ku vandu va Isiraeli; kolondekana ni livererera lilie kandi kuli zimbavasi zizie zitahera.

Isaya 63:7 Iomraidhean Croise

1 Avami 8:66

Ku lidiku lia munane, yaasindukiza vandu vazie. Vagaasiza mwami ma ni vazia yengo wavo nuvusangali kandi nuvuyanzi mu mioyo jaavo kigira vulahi vwosi vwa Yahova Nyasaye wavo yaakolera Daudi mutumikiri weve kandi ku vandu veve, Isiraeli.

2 Kyetsinyinga 7:10

kandi ku lidiku lialonda ku, lidiku lia 23 liu mweli gwa Saba, Solomoni yatuma avandu vazie yengo wavo. Vaali nu vuyanzi ku vugasu vwosi vwa Yahova yaali nahaani ku vandu veve Isiraeli, ku Daudi kandi ku Solomoni.

Nehemia 9:25

Avandu vovo vagumira madaala manene gizimbinga, kivala kenoru, izinyumba zizura vutugi, nividaho viamala kuyavwa, milimi ja mizeituni, misaala ja makuyu manyingi kandi ni vizabibu. Valia viosi via venya nukwiguta, kandi nivakomera; vasangalira ivindu viosi vilahi via ivi wavaha.

Nehemia 9:27

Kunangwa ivi waleka avasigu vaavo vavaguuti nukuvamiiha. Mu vudinyu vwavo, vanira ku ivi uvakonye, na ivi waavativulira kutura mwigulu. Mu zimbavasi zizio zinene, ivi wavatumila aviimiliri avavahonyia kutura ku vasigu vaavo.

Nehemia 9:31

Navuzwa mu zimbavasi ziveeye zinene, ivi siwavaleka kinga kuvaadiviza mba; kigira ivi oveeye Nyasaye wizimbavasi kandi wi livererera!

Nehemia 9:35

Kigira vugaswa vuvwo Avami vamiiha avandu, lwa vamenya mu kivala kenene ni ekenoru cha ivi wavaha; navuzwa vasuura kugirung'ana kutura muvwoni vwavo nu kukutumikira.

Zaburi 103:2

Nzizominyaa Yahova, kandi sindivilira viosi vilahi viayangoleraa mba.

Zaburi 107:15

Kuduuka vasandizi Yahova, kigira uvuyanzi vwivwe vutaveeye ne keheri, kandi kigira vindu vivie viokogenyia via yavakolera.

Zaburi 107:21

Kuduuka avandu yavo vasandizi Yahova kigira uvuyanzi vwivwe uvutaveeye ne keheri, kandi kigira vindu vivie viokogenyia viayavakolera.

Zaburi 107:31

Avandu yava vasandizaa Yahova kigira aveeye wuvuyanzi vwivwe vutaveeye ne keheri, kandi kigira vindu vivie viokogenyia viayavakolera.

Zaburi 107:8

Kuduuka vasandizi Yahova kigira uvuyanzi vwivwe vutaveeye ne keheri, kandi kigira ku vindu viokogenyia viayavakolera.

Zaburi 145:7

Avandu valamoloma kigira uvulahi vuvwo vwosi, kandi valimba zinyimbu kigira uvulungi vuvwo.

Zaburi 25:6

O, Yahova, wizulizi, uvugasu kandi uvuyanzi vuvwo uvutahera mba. Uvwa umali kumanyia kunyi kutura kale.

Zaburi 51:1

O, Nyasaye, ombere zimbavasi kolondekana nu vuyanzi vuvwo uvutali nekeheri. Tuliza ho uvwoni vwange kolondekana nu uvunyingi vwi livererera liilo!

Zaburi 63:3

Uvuyanzi vuvwo uvutali nekeheri voveeye uvulahi kuvita livamwoyo liene, nandio ndizominya ivi ligali.

Zaburi 86:15

Navuzwa ivi, O, Yahova, oveeye Nyasaye wu vuyanzi kandi wi zimbavasi, oveeye mwikuziri, wuvuyanzi vutaveeye ne keheri kandi musuuvirifu kazozo.

Zaburi 86:5

Ivi oveeye mulahi ku kunyi, kandi usamihaa uvwoni vwitu, wayizula uvuyanzi vutaveeye ne keheri ku yavo vosi avasaalaa ku ivi.

Zaburi 92:2

kulandiza uvuyanzi vuvwo vutaveeye nekeheri vuli mugambazuri, kandi ukulandiza vusuuvirifu vuvwo vuli vudiku,

Kutwula 18:9

Lwa Jezero yahulira yaga goosi, yayanza

Isaya 26:13

O, Yahova, Nyasaye wiitu, kwamala kwamiifwa navandu vandi, navuzwa ivi weng'ine oveeye Yahova wiitu.

Isaya 51:2

Heenzi ku Aburahamu baba winyu, kandi ku Sara uwamwivula; lwa yaali yeng'ine inzi ndaamulanga ni ndamugasiza ma nimuha avana. Ndakora visukululwi veve kuva vanyingi.”

Isaya 54:10

Vigulu vinyala kutura ho, utugulu tunyala kutulizwa ho, navuzwa zimbavasi ziu vuyanzi vwange vutali ne keheri sivulatula ku ivi kali hakuzu mba. Lilagana liange lie mirembe sililatulizwa ho mba.” Inzi Yahova overereraa ivi mali kovora.

Isaya 54:7

“Ndaakoleka ku ing'inga engekeeke; navuzwa ku uvuyanzi vonene ligali, ndakwilanyia hango kandi.

Isaya 54:8

Ndaagirung'ana kutura ku ivi mu vutima vonene ku ing'inga engekeeke, navuzwa kalunu ndakumanyia uvuyanzi vwange vutali nekeheri. Nindio Yahova ohonyiaa.

Isaya 55:7

Avadamanu valeke zinzira ziavo zindamanu. Avandu vachamu valeke zing'anagani ziavo ziuvuchamu viirane ku Yahova Nyasaye wiitu kigira aveeye wi zimbavasi vavererera; kandi aveeye mwangu kusaamiha.

Isaya 64:5

Ivi uvugilira yavo avasangalira mu likora agaveeye malungi, yavo avizulizanga kuli wenya vaduuki komeya. Waali nu vutima ni kunyi, navuzwa kwazizagilira kokora uvwoni; kali mu vutima vuvwo ovonene, kunyi kumali kokora uvudamanu kutura ing'inga yakale. Kunyala ndi konyoora ovohonyi?

Lisyoma lya Jeremia 3:32

Kali niiva aletaa ovovereri, alamanyia, uvuyanzi vwivwe kukuinyi voveeye vwi ligali kandi uvwizingulu ligali.

Hosea 2:19

Avandu va Isiraeli, ndamukora muve umukali vange; ndava wa agiligali kandi musuuvirifu, Ndamanyia uvuyanzi vwange kandi zimbavasi ziange zitaveeye nekeheri; kandi ndamukora muve avandu vange mihiga ni mihiga.

Zekaria 9:17

Kivala kilakave kilahi kandi chu kuyaanziza ligali kuli ndi vayaayi vasoleri valakaviluki ni zinguru kigira vuswage, vakana valakaviluki kigira iwaini imbia.

Matayo 7:11

Niiva munyi, kali ni muveeye avadamanu, mumanyi kuhaana ku avana vinyu ivindu vilahi, Baba winyu oveeye mwigulu sialakira kuhaana ivindu vilahi ligali ku yavo vosi avateevaa kutura kuye!

Varumi 2:4

Anoho hawundi uchayaa zimbavasi zizie, uvwikuzihizi kandi uvwikuziri vwivwe. Ivi siumanyi ndi Nyasaye nuwizimbavasi kigira yivu vwenya koleta kuivi ligerizaa kukwimilira onyoore lieganira.

Varumi 5:20

Lilaga liaza liduuki komeeda vudamanu; navuzwa hu vwoni vwameedeka, zimbavasi zia Nyasaye ziamedeka ligali kuvita.

Vafeso 2:4

Navuzwa livelererwa lia Nyasaye, liveeye linene ligali kandi uvuyanzi vwivwe ku kunyi voveeye vonene kuvita kegero;