Isaya 63:2 - KITABU KITAKATIFU

² “Kigira ki zinguvu zizie ziveeye zinzakanyu, zinzakanyu ligali kuli ziu mundu uduvagaa mazabibu uukamulaa iwaini?”

Isaya 63:2 Iomraidhean Croise

Litanga 49:11

Alavoha ibunda yeeye ku muzabibu. Kandi alavoha mwana wi ibunda yeeye ku muzabibu mutovole. Alafuuya zinguvu zizie mu iwaini, kandi alafuuya ziganza zizie mu masahi go muzabibu.

Isaya 59:17

Aliviika likalaga lirungi kuli likoti lie salamba, na zinguru ziovohonyi kuli igudwa. Aliiviika umwene uvugulu vonene kulungikiza ivindu kandi ukuhaana mageri nukuvaanza kisaalia cha vandu vasalira.

Isaya 63:1

“Nivwaha uyu uzaa kutura mu lidaala linene lia Bozira mu kivala cha Edomu? Nivwaha uyu, uwiviiki zinguvu zinzakanyu, na ziuvukumi, uzizaa imbiri mu vonene vwi zinguru zizie?” “Ni Yahova, wizingulu okohonyia, uzaa kulandiza uvuguuti vwivwe.”

Ezekieli 35:6

Kulwayago, ligali kuli inzi Mwami Munene Yahova, mbeeye Nyasaye omenya. Likuza liladuuka ku munyi na si mulahononoka mba. Mumali kololeka kuva avalumindi kulwayago, mulakuza.

Likunula 14:19

Engelosi zana yanuya engonono yeyo ku lirova, naahalula umuzabibu gwi lirova, navungiza amazabibu gagwo nu kugaviika mu kiminiru kenene chu uvutima vwa Nyasaye.

Likunula 19:13

Yaali ni yiviiki inguvu iyaali ni yiniywi mu masahi, ni ilieta lilie liveeye “Likuva lia Nyasaye.”

Likunula 19:15

Kivavi ichuugi chatula mu munwa mwimwe, cha liguutira zihiiri. Alavamiha ni imbimbu yi kivia. Aladuvaga kandi iwaini mu kiminilu chi iwaini yu uvululu vwu uvutima vwa Nyasaye Wuvunyali.