Isaya 63:1 - KITABU KITAKATIFU

¹ “Nivwaha uyu uzaa kutura mu lidaala linene lia Bozira mu kivala cha Edomu? Nivwaha uyu, uwiviiki zinguvu zinzakanyu, na ziuvukumi, uzizaa imbiri mu vonene vwi zinguru zizie?” “Ni Yahova, wizingulu okohonyia, uzaa kulandiza uvuguuti vwivwe.”

Isaya 63:1 Iomraidhean Croise

Litanga 36:33

Lwa Bela yakuza, Jobabu mwana wa Zera kutura mu lidaala lia Bozira yamiha mu vogono vwivwe.

Litanga 49:11

Alavoha ibunda yeeye ku muzabibu. Kandi alavoha mwana wi ibunda yeeye ku muzabibu mutovole. Alafuuya zinguvu zizie mu iwaini, kandi alafuuya ziganza zizie mu masahi go muzabibu.

1 Kyetsinyinga 1:44

Lwu mwami Bela yakuza, Jobabu muyaayi wa Zera kutura mu kivala cha Bozira, yamiha mu vogono vwivwe.

Zaburi 108:13

Nyasaye naveeye olovega lwiitu kulaguuta, alakuguutira avasigu viitu.

Zaburi 137:7

O, Yahova, wizulizi aga vandu va Edomu vaakora ku lidiku lia Jerusalemi liagumirwa. Wizulizi kuli vavoola, “Mu livululi lidaala linene lia Jerusalemi yilio! Muyavugululi kali mise jalio!”

Zaburi 65:6

Ivi usingirizaa vigulu nizinguru zizio. Ivi oveeye nizinguru zinene ligali.

Lwimbu lwa Solomoni 3:6

Nivwaha uyu uzaa kutura mu changalangwi kuli itiiru yu mwoki, yayivaka maguta gu mwayu ga manemane kandi gi kimuli, galombwa kutura ku mudarasini gwa vakiranyi?

Lwimbu lwa Solomoni 6:10

Nivwaha uyu ololekaa kuli mumavwevwe? Aveeye mulavu kuli mweli, kandi wovulavu kuli liuva, agendaa kuli muganda gwi liihi nebendera yaavo imbiri?

Lwimbu lwa Solomoni 8:5

Nivwaha uzaa kutura mu changalangwi, vagumilani nu muyanze weve? Ndakuvukiza nogonaa muchiriri chu musaala gwu mukuyu, hamama wowo yakoverekera, hayaali ni numwa na kwivulilwa ho.

Isaya 11:14

Vombi harara vatangilira Avafilisitia ku lovega lwi madioli nukulanya avandu vamenyaa ku lovega lwi Ivugwi. Valaguuta avandu va Edomu na Moabu, kandi avandu va Amoni valavatia.

Isaya 34:1

O, munyi avandu vi zihiiri ziosi, mwisunde ahimbi muhuliri! Munyi avandu vi lirova liosi, kandi ni viosi vimenyi mulio, mwisundi ahimbi muhuliri.

Isaya 42:1

Yahova avoora, “Uyu nu mutumikiri wange, wa inzi mali kuha zinguru, kandi wamali kotovola wu mwoyo gwange gusangaliraa. Mali kumukola mugulu, kandi mali kuviika muye Roho gwange; alareta likalaga lirungi mu zihiiri ziosi.

Isaya 42:3

Sialavunanyia kidundu chavedeka mba, anoho sialavunanyia itaya yu ludambi imulamula mba. Alaleeta likalaga lirungi ku vandu vosi.

Isaya 45:19

Simbolaa amakuva gange mu vwivisu mba, anoho kutura mu kivala chi kisundi mba. Sindenya avandu va Isiraeli konyenya ha vundu heere vuzwa mba. Inzi mbeeye Yahova, kandi mboraa agiligali kandi nandizaa amalungi.”

Isaya 45:23

Lisuuvirizwa liange liveeye lia agaligali, kandi silinyala kugirung'anywa mba. Inzi mali kumusuuviriza ndi, vuli mundu woosi alaza nu kusigama imbiri wange, kandi valisuuha kuva avasuuvirifu imbiri wange.

Isaya 9:5

Vilato via mahi gingiliraa kandi zinguvu ziavo ziosi zie viba via masahi vilasambwa nu muliru.

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Jeremia 48:24

Keriozi na Bozira, harara na amadara goosi ga Moabu agihale na himbi.

Jeremia 49:13

Inzi mwene mali kwisuha ndi lidaala lia Bozira lilava havundu hukutihiza kandi changalangwi; avandu valali kolera kehenyahenye nukutumikira lieta lialio kuli kilaamo. Amadara goosi gahimbi galava hazwa kazozo. Inzi Yahova mali kovora.”

Ezekieli 25:12

Yahova Wuvunyali yavoola, “Avandu va Edomu vavaanzaa kisaalia kidamanu ku vandu vi Ivuyuda; akisaalia yicho chakola vandu va Edomu kuva nilihiolo liemihiga ni mihiga.

Ezekieli 35:1

Yahova yamoloma na inzi.

Ezekieli 38:17

Ivi niyie uwa ndaamoloma naye zing'inga ziavita lwa ndalandiza kuvitira mu vatumikiri vange, avaporofeti va Isiraeli, ndi mu madiku gaza ndakaleete mundu kwingilira vandu va Isiraeli.” Yahova Wuvunyali umali kovora.

Obadia 1:1

Yivu novoporofeti vwa Obadia, makuva ga Yahova Wuvunyali yavoola kigira Edomu. Yahova umali kutuma mutumikiri weve ku zihiiri, kandi kumali kuhulira makuva geege agaavoola: “Mwetegeke! Gendi kuzie kulwaana Edomu!”

Obadia 1:9

Avasaza vizingulu vu vulwani va Temani valakatiihizwi, kandi vuli musikari mu Edomu alakitwi.

Zefania 3:17

Yahova Nyasaye winyu aveeye harara na munyi. Zinguru zizie zilamuha liguuta. Yahova alayanzizwa na munyi kandi mu vuyanzi vwivwe, alamuha livamwoyo lihia. Alimba nukusangara kigira munyi.

Malaki 1:2

Yahova avooreraa vandu veve, “Inzi ndamuyaanza zing'inga ziosi.” Navuzwa vandu vaativura, “Ivi ukuyaanza kuli ndi?” Yahova yativura, “Esau na Yakobo vaali avamwavo, navuzwa ndayaanza Yakobo.

Livalidza 23:19

Nyasaye siaveeye kuli avandu, unyala koveha mba; siaveeye ho nu mundu unyala kugirung'anyia zing'anagani zizie mba. Choosi chalagaa, akolaa; amolomaa, ma gekoleka.

Matayo 21:10

Lwa Yeso yaali ni yingiraa Jerusalemi, lidaala liosi liali ni ligoonya. Avandu vateva, “Ivwaha uyu?”

Vahebraina 7:25

Kandi ndio anyala, kalunu na kazozo, kohonyia yavo avaazaa ku Nyasaye kuvitira muye, kigira aveeye mwoyo mihiga ni mihiga, kandi avasaaliraa ku Nyasaye kazozo.

1 Petro 1:5

Vugasu yivu voveeye ku munyi, avakingwa ni zinguru zia Nyasaye kuvitira mu lisuuvira kigira vohonyi vwetekekiziywi kololekizwa mu ing'inga ye keheri.

Likunula 19:13

Yaali ni yiviiki inguvu iyaali ni yiniywi mu masahi, ni ilieta lilie liveeye “Likuva lia Nyasaye.”