Isaya 61:8 - KITABU KITAKATIFU

⁸ Yahova avoora, “Inzi ndayaanza likalaga liu vulungi, kandi ndunyiraa likora uvudamanu ndahaana amadanyi ku avandu vange mu vusuuvirifu. ndaalomba lilagana liange navo lie mihiga ni mihiga.

Isaya 61:8 Iomraidhean Croise

Litanga 17:7

“Inzi ndakalindi lilagana liange ku ivi kandi ku visukululwi vivio mu makura gaaza kuli lilagana lihindira mihiga ni mihiga. Inzi ndakave Nyasaye woovo kandi wi visukululwi vivio.

2 Samweli 23:5

Kandi nindio Nyasaye aligasiza kisukururwi change, kigira umali kolomba lilagana lie mihiga ni mihiga ninzi, lilagana ililivula kuvunanywa, lisuuvirizwa ililivula kugirung'anywa. Yicho nicho choosi (ichanzegombaa); ikiliva liguuta liange, Na Nyasaye alakakitwekizi.

Zaburi 105:10

Yahova yalomba lilagana na Yakobo, nalio lilava ku Isiraeli mihiga ni mihiga.

Zaburi 11:7

Yahova aveeye mulungi, kandi ayaanza vikolwa viveeye viu vulungi; avaveeye avalungi, valamenya harara naye, mihiga ni mihiga.

Zaburi 32:8

Yahova ovola, “Ndakwigiza zinzira zia uziira ku; kandi ndakwidera nu kukuha zing'anagani.

Zaburi 33:5

Yahova ayaanza uvulungi kandi likalaga lirungi. Lirova lizuuyi vuyanzi vwivwe uvutali ne keheri.

Zaburi 37:28

Yahova ayaanza likalaga lirungi kandi sialekaa avasuuvirifu veve mba. Alavalinda mihiga ni mihiga. Navuzwa avandu vadamanu alavatuliza mu kivala cha avasuuvirifu.

Zaburi 45:7

Ivi uyaanzaa uvulungi, udunyiraa uvuchamu. Kigira yaga, yiki ni kigira Yahova, Nyasaye woovo umali kukotovola. Kandi umali kuzuka uvugasu vunyingi ku ivi kuvita mwami wundi woosi.

Zaburi 50:5

Nyasaye avoora, “Leki avandu vange avasuuvirifu vaze ku inzi, yavo avaloomba lilagana niinzi mu lihaana kisiuvilu.”

Zaburi 62:10

Mutaviika lisuuvira lienyu litumikira lidambiza; mu lienyolera uvutugi mu vugadi mutasuuvira mu lienyolera vindu ku linuura. Kali niiva uvutugi vuvwo vomedeka, uteeleda kuvwo mba.

Zaburi 99:4

Ivi oveeye mwami wizingulu ligali uyanzaa agaveeye malungi; umali kusingiriza likalaga lirungi mu kivala cha Isiraeli; umali koleta vulungi kandi likalaga lia giligali vugira liyaanzilira.

Tsing'ano 3:6

Wizulizi Yahova mu vindu viosi viokolaa, kandi alakumanyia inzira inungi.

Tsing'ano 8:20

Ng'endaa kunzira yu vulungi; nondaa zinzira ziageligali.

Isaya 28:17

Likalaga lirungi lilava mugoye gwi kibimu chu musingi na uvusuuvirifu vulava kibimu chi kabiro yagwo.” Imbura yamagina ileeya ovovehi vwosi vwa musuuviraa mu na migelera gilononyia liekinga lienyu liosi.

Isaya 30:18

Navuzwa Yahova alindiliraa kumuvererera zimbavasi. Aveeye mwetegeke kumanyia zimbavasi ku mwinye kigira akolaa agaveeye malungi kazozo. Vaveeye nu vugasu yavo avasuuviraa mu Yahova.

Isaya 5:16

Navuzwa Yahova Wuvunyali amanyia ovonene vwivwe mu likora lilie lirungi, kandi avuulaa uvutakatifu vwivwe mu likalagira avandu veve.

Isaya 54:10

Vigulu vinyala kutura ho, utugulu tunyala kutulizwa ho, navuzwa zimbavasi ziu vuyanzi vwange vutali ne keheri sivulatula ku ivi kali hakuzu mba. Lilagana liange lie mirembe sililatulizwa ho mba.” Inzi Yahova overereraa ivi mali kovora.

Isaya 55:3

“Muhulirizi kalunu munyi avandu vange, na muuzi ku inzi; muuzi ku inzi; na mulava ni livamwoyo! Ndalomba lilagana lihindiraa mihiga ni mihiga ni munyi, kandi ndamuha uvugasu vwa ndasuuviriza kuhaana ku Daudi.

Isaya 56:1

Yahova avolera avandu veve ndi, “Mukore likalaga lieligali kandi liveeye lilungi, kigira ovohonyi vwange ku munyi voveeye ahimbi kuza, na ovohonyi vwange vulalang'aminywa vwangu ligali.

Isaya 66:22

“Avandu vange harara ni visukululwi viavo valamenya mihiga ni mihiga, kuli ligulu lihia kandi lirova lihia via ndilomba vilakamenye mihiga ni mihiga.

Jeremia 32:40

Ndalomba lilagana liange navo lie mihiga ni mihiga. Ndazizagilira kuvakolera vindu vilahi, kandi ndavakora vatie inzi ni mioyo jaavo josi, kunangwa vavuli kugirung'ana kutura ku inzi.

Jeremia 9:24

Niiva mulala yenya kwigingira, gamuduukira yigingiri ndi yamanya kandi amanyirizaa inzi, kigira uvuyanzi vwange vutaveeye nekeheri, kandi ngolaa agaveeye malungi kandi malahi. Yivi nivio vindu viyanziza. Inzi Yahova mali kovora.”

Ezekieli 16:60

Navuzwa nambane luyali ku lilagana liandalomba ni munyi lwa mwaali nimukikiri vasoleri. Nanombe lilagana ni munyi liaza lihindiri mihiga ni mihiga.

Ezekieli 34:25

Ndakalombe lilagana liange navo liu kuvasuuviriza mirembe. Ndakatulizi mu kivala zinyama ziosi ziu vuhimwa, kunangwa magondi gange galamenya mu milimi kandi kogona mu militu mu mirembe.

Malaki 1:13

Muvooraa, ‘Kunyi kuluhi ni vindu yivi viosi!’ Na mugilung'anaa ni mumbezaa. Lwa muhaanaa ku inzi muletaa vihaanwa vie zinyama zia mumali kwiva, anaho inyama yalema anoho ilwalaa, muganaganaa ndazivugilira?

Matayo 23:13

“O, vayaye, kilaamo keveeye ku munyi, avigizi vi Lilaga kandi Avafarisayo! Avagaadi munyi! Kigira muhanaa ikiliango chingira mu Vwami vwu mwigulu mu zimoni zia avandu, navuzwa munyi aveene si mwingira mu mba, anoho si muhaanaa uvwiyangu ku yavo avagerizaa kwingira mu mba!

2 Vatesalonike 3:5

Mwami ayaanze yimiliri munyi kuduuka mu limanyiriza linene liu vuyanzi vwa Nyasaye kandi mu vwikuziri vuhaanwa na Kristo.