Isaya 61:10 - KITABU KITAKATIFU

¹⁰ Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Isaya 61:10 Iomraidhean Croise

Litanga 24:53

Yahaana ku Rabeka viju vie zahabu kandi ifeza harara ni zinguvu. Kandi yahaana ku mbozo weve na mama weve vihaanwa viu vuguli vudinyu ligali.

2 Kyetsinyinga 6:41

Kalunu singira, O, Yahova Nyasaye, kandi harara ni Lisandugu lie Lilagana liilio, liveeye kelolero chi zinguru zizio, ma wingiri mu Litembeli ma omenye mu mihiga ni mihiga. Gasiza avasaalisi vovo ku goosi ga vakora, kandi yaanza avandu vovo vosi vave nu vusangali kigira uvulahi vuvwo kuvo.

Nehemia 8:10

Hene yaho Nehemia yavavolera, muzie yengo, mulombe lilia lilahi ligali kandi munwi iwaini indahi, na musange viukulia viavo na yavo avatali navio. Lidiku lia kalunu liveeye litakatifu ku Yahova wiitu; kandi mutaverera mba, kigira uvusangari vwa Yahova voveeye zinguru zienyu.”

Ayubu 29:14

Vutakatifu vwange vwangunika kuli inguvu, kandi uvulungi vwange vwali kuli iganza ni igudwa.

Zaburi 132:16

Ndagasiza avasaalisi valio mu viosi via vakora, kandi avandu valio valimba nukukuba isango kigira uvusangari.

Zaburi 132:9

Leka avasaalisi vovo vakole agaveeye malungi kazozo; leka avandu vovo vakubi isango kigira uvusangari!

Zaburi 28:7

Yahova aveeye zinguru ziange, kandi inguva yange; inzi suuviraa muye: mwoyo gwange gu lamusangalira ligali; kigira amali kongonya; ndamwizominya ni zinyimbu ziu kumusandiza ligali.

Zaburi 35:9

Hene yaho, ndasangara ku aga ivi Yahova umali kongolera! Ndayaanza kigira umali kombonyia.

Lwimbu lwa Solomoni 1:10

Zisaya zizio ziveeye zindahi ligali ni midindi ji liisu liilio; jayelera ku ligoti liilio kuli magina guvuguli.

Isaya 12:1

Lidiku liizaa lwa vandu valimba, “Nzizominyaa ivi, Yahova! Ivi waali nu vutima ninzi, navuzwa uvutima vuvwo vutuli ho, na kalunu umali koneminya mwoyo.

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Isaya 17:10

Isiraeli, mumali kwivilira Nyasaye Umuhonyia kandi Umukinga kuli lwanda lwi zinguru. Mu vogono yivwo, musimikaa misaala mu milimi mitakatifu kunangwa muduuki kusigamira munyasaye mugeni.

Isaya 25:1

O, Yahova, Ivi oveeye Nyasaye wange; Ndakuha uluyali nukukwizominya. Ivi umali kokora vindu viokogenyia; ivi musuuvirifu umali kuduukiza lilohiza liilio liawalomba kale.

Isaya 25:9

Lwi lidiku yilio liduka, avandu vosi valakavoole, “Uyu niyie Nyasaye wiitu! Kumali kuviika lisuuvira lietu muye, kandi umali kokosola. Aveeye Yahova, kandi kwamala kuviika lisuuvira lietu muye, kandi kalunu koveeye nuvuyanzi kandi nuvusangali ligali kigira umali kukohonyia.”

Isaya 35:10

Valaduuka mu Jerusalemi nu vuyanzi, ni vimba nivakuba isango yu vusangali. Valava nu vuyanzi kandi nuvusangali mihiga ni mihiga, kandi sivalava ni liverera kandi nilihenda mwoyo mba.

Isaya 41:16

Mulavwilura nimbuuza ilatulizamu mukuzi, kandi ilasalanyia mukuzi zana yigwo. Maku mulasangala kigira mulizominya inzi Yahova winyu, inzi Nyasaye Mutakatifu wa avandu va Isiraeli.

Isaya 48:18

“Mulava ni mwahulira amalago gange, ngano uvugasu vwayituluka ku munyi kuli migera ja amazi jilivula kukama mba. Kandi ngano mwaali muve ni liguuta kuli viguvuli via mazi ku inyanza.

Isaya 49:18

Heenzi zimbega ziosi mulole agaakoleka! Avandu vinyu vazaa kwivungiza harara vazaa yengo; Ligali kuli inzi mbeeye Nyasaye oveeye mwoyo, munyi muligingilira avandu vinyu, kuli umwiha yiyanziza ni yisiahi iviuma.

Isaya 49:4

Inzi ndaavoora, “Ndaakola minyinzi, navuzwa jiveeye vuzwa! Ndaatumikira zinguru ziange ku miyinzi, navuzwa sindaakonya kindu kali hakuzu mba.” Kali ndio ndaasuuvira Yahova Nyasaye wange, alamba amadanyi ku likora liange.

Isaya 51:11

Yavo ava umali kohonyia valilana Jerusalemi mu nuvusangali, nivimba kandi nivahanzuka kigira uvusangari. Valayaanza mihiga ni mihiga, kigira vovereri nilisioma vilatulizwa ho mihiga ni mihiga.

Isaya 51:3

Inzi Yahova, “Ndaleminya Jerusalemi mwoyo. Kandi ndaleminya mwoyo yavo vosi avamenyaa mu mang'anye galio. Kali niiva kivala chalio keveeye ichangalangwe, ndakekola keve mulimi kuli gwa Edeni ugwa ndataaga. Uvuyanzi nuvusangali vilava yo, kandi zinyimbu zieliizominya kandi lisandiza ziliimbwa ku inzi.

Isaya 52:1

Avandu va Jerusalemi, muve nizinguru zinene kandi! Lidaala litakatifu lia Nyasaye, mwiviki munyi aveene vukumi! Avandu vatamanyi Nyasaye, sivalingira mu virivwa vivio kandi mba.

Isaya 56:7

“Ndamuleeta muduuki mu Ziyoni, kiguru change Kitakatifu, ndamuha uvusangari munyumba yange yilisaala, kandi ndavugilira visiuviliru vienyu via muhaanaa ku vwali vwange. Litembeli liange lilalangwa inyumba yilisaala ku vandu vi zihiiri ziosi.”

Isaya 58:14

hene yaho, mulanyola uvusangari uvutulaa ku lindumikira. Ndamukora muhevwe uluyali ku lirova liosi, kandi mulasangalira kivala cha ndaha guuga winyu Yakobo. Inzi Yahova mali kovora yaga.”

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Isaya 65:18

Kunangwa muyanze kandi musangare mihiga ni mihiga mu via inzi nombaa. Jerusalemi imbia ya inzi nombaa, ilava yu vusangali ligali, kandi avandu vi lidaala yili valava nuvuyanzi.

Jeremia 2:32

Mukaana musoleri anyala kwivilira viukwisiaha vivie vie zahabu, anoho mukaana osererwa anyala kwivilira inguvu yeeye ye keserero? Navuzwa avandu vange vamali kunzivilira ku madiku manyingi agatavalizwa mba.

Ezekieli 42:14

Lwa avasaalisi vamali kuva mu Litembeli, kandi venya kuzia mu mugizi gwi ichova, kuduuka valeke mu ving'oze yivi zinguvu zindakatifu ziavivikaa lwavatumikiraa Yahova. Kuduuka viviki zinguvu zindi nivakikiri kuzia ichova havundu havandu vivungizaa.”

Habakuk 3:18

ndakazizagiliri kuva nu vuyanzi kandi nu vusangali, kigira Yahova Nyasaye aveeye muhonyi wange.

Zekaria 10:7

Avandu va Isiraeli valakave ni zinguru kuli vasikari, valakave nu vuyanzi kuli avandu vamali kunwa iwaini, visukululwi viavo vilakizulizi liguuta yili, kandi valakave nu vuyanzi ku ga inzi Yahova mali kokora.

Zekaria 3:5

Yahova yalaga vatumikiri kuviika Joshua kelemba kinifu kumutwi gwigwe; vakora ndio, kandi vamuvika zinguvu zimbia lwengelosi wa Yahova yaali na siingi hene yaho.

Luka 15:22

Navuzwa baba weve yavolera avatumikiri veve: ‘Koli vwangu! Leeti inguvu indahi mumuviiki kandi muviiki ebede ku kedete chiche ni ivilatu mu virenge vivie.

Varumi 13:14

Navuzwa muvuguli viugi viu Mwami Yeso Kristo, kandi muleke kuganaganyia iliiva lienyu liu vwoni liukwigutiza likayirwa liavwo.

Varumi 14:17

Uvwami vwa Nyasaye sivoveeye lilia kandi linwa mba, navuzwa voveeye uvulungi, imirembe kandi uvuyanzi voleetwa na Roho Mutakatifu.

Varumi 3:22

Nyasaye akolaa vandu kuva avalungi imbiri weve ku lisuuvira liavo mu Yeso Kristo. Nyasaye akolaa ndio ku vosi avasuuviraa mu Kristo, kigira siaveeye ni lieriza.

Varumi 5:11

Si gaveeye yaga geng'ine, navuzwa kandi kusangara mu Nyasaye kuvitira mu Mwami wiitu Yeso Kristo, umali kukuhambanyia na Nyasaye.

Vagalatia 3:27

Munyi vosi avabatizwa mu lihambanywa harara na Kristo, kandi mumali kuva kuli Kristo mwene.

Vafilipi 3:9

Kandi nduuki kuhambanywa naye ligali. Inzi simbeeye nu vulungi vwange umwene, yivwo ovonyoleka ku lilonda Lilaga. Inzi kalunu mbeeye nu vulungi uvuhaanwa kuvitira mu lisuuvira mu Kristo. Uvulungi vuturaa ku Nyasaye kandi uvweledaa ku lisuuvira.

Vafilipi 4:4

Mu sangale mu Mwami kazozo. Mboraa kandi musangare!

1 Petro 1:8

Munyi mumuyanzaa kali niiva simwamulola, kandi musuuviraa muye, kali niiva simumulolaa kalunu mba. Kunangwa musangare nu vusangali ovonene uvutanyala kovoolwa mu makuva vuzwa,

Likunula 21:2

Kandi ndaalora Lidaala Litakatifu, Jerusalemi imbia, nilikaa kutura mwigulu ku Nyasaye, nilietegekizwi kuli umwiha uwisiahiyi umusaza weve.

Likunula 21:9

Mulala ku zingelosi saba avaari ni zibakuli saba, zizura amaduywa saba gukumaliriza, yaza ku inzi nambolera, “Hamba yinu, na ndakumanyia umwiha; mukali wu Mwana wi Ligondi.”

Likunula 4:4

Zindeve sirini na ine ziakumbiriza endeve yu uvwami yeyo. Ku zindeve zana yizio avakulundu sirini na ine viikara kuzio. Viviika zinguvu zindavu kandi zitaji zie zahabu ku mitwi jaavo.

1 Samweli 2:1

Hana yasaala navoora: “Mwoyo gwange gusangalanga mu Yahova. Zinguru ziange zinenehiziywi mu Yahova. Munwa gwange gosekelizaa avasigu vange, kigira inzi sangaliraa mu vohonyi vuvwo. Mbeeye nuvusangali vonene kigira Nyasaye umali kongonya!