Isaya 60:7 - KITABU KITAKATIFU

⁷ Chayo cha amagondi goosi ga Keda kandi Nebaiozi; galaletwa ku munyi kuli visiuviliru, kandi galahaanwa ku vwali kuyaanziza Yahova. Yahova alalomba Litembeli lilie kuva liu vukumi ligali kuvita maziambiri.

Isaya 60:7 Iomraidhean Croise

Litanga 25:13

Ishimaeli yaali navayayi 12 mulilohiza yili kolondekana kulivulwa liavo: Nebayozi, Kedari, Adibeeli, Mibisamu,

Ayubu 42:8

Kalunu, muvuguli zigiriki saba na magondi makore saba na muzie ku mutumikiri wange Ayubu, mwihaaniri aveene kisiuviriru chu kusambwa. Umutumikiri wange Ayubu alamusaalira, kandi inzi ndavugilira lisaala lilie mburi kumbika muzisoni kolondekana nuvusiru vwinyu mba. Munyi si mwavoora agiligali kigira inzi kuli mutumikiri wange Ayubu mba.”

Zaburi 120:5

Komenya hagati hinyu koveeye vudamanu ligali kuli komenya mu Mesheki anoho komenya hagati havandu va Kedari.

Lwimbu lwa Solomoni 1:5

O, avakali va Jerusalemi, inzi mbeeye ni ligondo limwamu, navuzwa mulahi ligali, mbeeye mumwamu kuli lihema lia Kedari, navuzwa mbeeye mulahi ligali kuli zisuka munyumba ya Solomoni yu vwami.

Isaya 19:19

Lwi ing'inga yeyo iduuka uvwali vwa Yahova vulava mu kivala cha Egebeti kandi munara gwi ligina gwa Yahova gulaviikwa kulwako lwa Egebeti.

Isaya 19:21

Yahova alakaloleke umwene ku vandu va Egebeti, maku vandu va Egebeti valakamanye Yahova nu kumusigamira nukumuletera visiuvilu harara ni vihaanwa. Valalomba lilagana lie liesuuha na Yahova nu kugatwekiza.

Isaya 21:16

Maku Yahova yambolera, “Mu muhiga mulala, ovonene vwi ihiiri ya Kedari vuladuuka ku keheri.

Isaya 42:11

Avandu vamenyi mu changarangwi, kandi avandu vamenyi mu madaala vizominye Nyasaye; avandu vamenyi mu madaala ga Kedari vamwizominye! Avandu vamenyi mu lidaala lia Sela vimbi ni vasaangala kutura kuzindongozi zie vigulu.

Isaya 56:7

“Ndamuleeta muduuki mu Ziyoni, kiguru change Kitakatifu, ndamuha uvusangari munyumba yange yilisaala, kandi ndavugilira visiuviliru vienyu via muhaanaa ku vwali vwange. Litembeli liange lilalangwa inyumba yilisaala ku vandu vi zihiiri ziosi.”

Isaya 60:13

“Misaala milahi ligali kutura mu mulitu gwa Lebanoni, midaragwa, mitimbao kandi miduguyu jilaletwa kutumikirwa kwumbaka uvuhia lidaala linene lia Jerusalemi, kolomba Litembeli liange kuva linifu, kandi kolomba lidaala liange kuva liu uvukumi.

Ezekieli 20:40

Mu kivala yicho, ku kiguru change kitakatifu, kiguru cha Isiraeli kitambi, munyi mwosi avandu va Isiraeli mulakasigamiri. Ndakamuvugiliri kandi ndaakayanzwi ni munyi koleta ku Inzi visiuviliru vienyu, Isadaka yinyu indahi ligali kandi vihaanwa vienyu vitakatifu.

Ezekieli 27:21

Avandu va Arebia na aviimiliri vosi va Kedari vaali avakiranyi vinyu avamwayaanzilira mu likiranyia lie vimeme, amagondi amakole kandi zimburi.

Mika 4:1

Mu madiku gaaza mukigulu chi Litembeli liumbakwa, kilakave kiguru kitambi ligali kuvita vigulu vindi viosi. Zihiiri zinyingi zilangunyana kuzia mu kiguru yiki,

Zefania 3:10

Kali avandu vange avasalanywa ihale kuli Ezopia, valakaleete vihaanwa kuinzi.

Zekaria 2:8

Mundu woosi ukuduka amanyirizi ndi aduyaa endolero yemoni yeeye.” Kunangwa Yahova Wuvunyali yanduma na makuva yaga ku zihiiri ziali ni zialanya vandu veve.

Varumi 12:1

Kunangwa mugoonyaa nu mwoyo gwosi ligali, avaamitu vange, kigira ovonene vwi zimbavasi zia Nyasaye ku kunyi, mwihaane munyi aveene ku Nyasaye kuli kisiuviriru keveeye mwoyo, kitakatifu kivugiliywi kandi chukuyaanziza Nyasaye. Yiyi niyio inzira yinyu ya giligali idukanaa kusigamira Nyasaye mu Roho.

Varumi 15:16

nduuki kuva mutumikiri wa Yeso Kristo ku vandu vizihiiri. Ndumikaa kuli musaalisi mu lilwaza makuva malahi kutura ku Nyasaye, ku vandu vizihiiri vaduuki kuva isadaka ivugilirwa na Nyasaye, kandi kihanwa chatakaswa na Roho Mutakatifu.

Vahebraina 13:10

Avasaalisi vatumikaa havundu ha Vayuda vasigamira, sivaveeye nuvunyari kulia ku visiuviliru via vahaana ku vwali vwitu mba.