Isaya 60:6 - KITABU KITAKATIFU

⁶ Zing'amia zilaza mu vwingi kutura Midia kandi Efa. Zilaza kutura, Sheva valaleta izahabu kandi ni kimuli, kandi valavoora amakuva amalahi aga Yahova amali kuvakolera.

Isaya 60:6 Iomraidhean Croise

Litanga 10:7

Visukululwi via Kushi viali, Seba, Havila, Sabita, Raama na Sabuteka. Visukululwi via Raama viali avandu kutura Sheba na Dedani.

Litanga 25:13

Ishimaeli yaali navayayi 12 mulilohiza yili kolondekana kulivulwa liavo: Nebayozi, Kedari, Adibeeli, Mibisamu,

1 Avami 10:2

Yazia harara nu muganda munene gwa vatumikiri, kandi ni zing'amia nizigingi mudalasini mwayu, izahabu inyingi ligali kandi magina guvuguli vonene. Lwa Solomoni yagana, nu mukali oyo yamuteeva mateeva goosi ga yaali anyala kuganaganyia.

2 Avami 8:9

Kunangwa Hazaeli yadwiika zing'amia arubaini misigo ji zing'ano ziosi zie vindu vilahi ligali ivialombwa kutura Damasiko ma Lwa Hazaeli yagana naye, yavoola, “Mutumikiri woovo, mwami Benihadadi umali kutuma inzi ngoteeve niiva alahona kutura mu vulwaye vwivwe anoho mba.”

1 Kyetsinyinga 1:33

Midiani yaali na vayaayi vatano: Efa, Eferi, Hanoki, Abida na Elida. Yava vosi vaali visukululwi via Ketura.

2 Kyetsinyinga 9:1

Mwami wi kikali wa Sheba yahulira lusuma lwu mwami Solomoni, yazia Jerusalemi kumugeriza na amateeva madinyu. Yazia harara ni kiduma kenene cha vadendi, harara ni zing'amia ziali nizigingi viseve viafunya mwayu, izahabu inyingi na magina guvuguli vunyingi. Lwu mwami wi kikali wa Sheba na vadendi veve vaagana na Solomoni, yamuteeva mateeva ga yaali nago.

Zaburi 67:4

Leka zihiiri ziosi zive nu vuyanzi kandi vimbi nuvusangali, kigira ivi ukalagiraa avandu nuvulungi; Kandi wimiliraa vuli ihiiri ku lirova.

Zaburi 72:10

Avami va Sipeini na vivisulu valamuha vihaanwa; avami va Sheba na Seba valamuleetera vihaanwa.

Zaburi 72:15

Mwami ahindiri ligali! Ahevwe izahabu kutura Sheba; avandu vamusaliri masaala zing'inga ziosi; uvugasu vwa Nyasaye vove kuye kazozo.

Isaya 30:6

Yili ni Likuva lia Nyasaye ku zinyama zimenyi mu changarangwi chi Isavaalu kilangwa Negebu, “Avatumwa vagenda kuvitira mu vivara viveeye nu vuhimwa, wi Zisimba zimenyaa kandi wi Vihirigoma kandi Zinzoka ziburukaa ziuvusungu zimenyaa. Avatumwa yava vagingira uvutugi vwavo ku zibunda kandi zing'amia kuhilira ihiiri itaveeye novokonyi kuvo.

Isaya 42:10

Mwimbiri Yahova lwimbu luhia; avandu vosi, mwizominye Yahova, avandu vosi aveelemaa ku inyanza, mwizominye Yahova. Vilombe viosi viu munyanza, mwizominye Yahova, avandu vosi avamenyi mu visulu mwimbi nu kwizominya Yahova.

Isaya 45:14

Yahova avooreraa avandu va Isiraeli ndi; “Uvutugi vwa Egebeti na Ezopia vulava uvwinyu, kandi avandu vaveeye avataambi ava Seba valava avatugwa vinyu; valaza ku munyi nivavoheywi minyororo, kandi valagwa hasi imbiri winyu nivavoora, ‘Nyasaye aveeye harara ni munyi, kandi siaveeye ho nuwundi mba.

Isaya 60:9

Vaveeye kuli zimeri zia Tarishishi izitulaa mu visulu vie inyanza, ziletaa avandu va Nyasaye kutura muvivala vie ihale. Valaleta ifeza kandi izahabu kuhaana luyali ku lieta lia Yahova, Nyasaye Mutakatifu wa Isiraeli, uwa lomba zihiiri ziosi kuhaana uluyali ku vandu veve.

Isaya 61:6

Navuzwa munyi mulalangwa avasaalisi va Yahova, avatumikiri va Nyasaye wiitu. Mulalia nu kusangalira uvutugi vwi zihiiri, kandi nu kwiyizominya nokovoora ndi uvutugi yivu voveeye uvwinyu.

Jeremia 6:20

Simbugilira ku kimuli chamundetera kutura Sheba anoho ivindu vifunya umwayu kutura mukivala chihale mba? Sindavugilira zisadaka ziavo anoho sindayanzilira ivisiuviliru viavo mba.

Ezekieli 27:22

Avandu va Sheba na Rama vakiranyia ni munyi. Mwagulana navo ku viosi vifunya mwayu mulahi ligali, amagina goosi guvuguli uvudinyu ligali, kandi izahabu.

Zefania 3:10

Kali avandu vange avasalanywa ihale kuli Ezopia, valakaleete vihaanwa kuinzi.

Zekaria 14:16

Maku vosi avalihononoka kutura mu zihiiri zilikave ni zingiliye Jerusalemi, valakazie wene yeyo vuli muhiga kusigamira Yahova Wuvunyali kuli mwami. Valakave ni lisavo lia madiri.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Matayo 2:11

Vingira munyumba, ni valora umwana na Maria mama weve; na viinama imbiri weve ni vamusigamira. Vavoholora iziakiiba ziavo, ni vamuha vihaanwa viezahabu, ikimuli na manemane.

Varumi 15:9

Avandu vizihiiri navo vaduuki kukuminya Nyasaye ku zimbavasi zizie, kuli Mang'oda Matakatifu gavoora, “ Ndakwizominya hagati ha vandu vizihiiri. Kandi ndakwimbira zinyimbu ziu kukwizominya.”

Kwidzulitsa 32:43

“Zihiiri, kuduuka mwizominye avandu va Yahova ahaanaa mageri ku yavo vosi avaviita. Avanzaa kisaalia ku avasigu veve kandi asamiiha uvwoni vwa avandu veve.”

Vafilipi 2:17

Hawundi amasahi gi livamwoyo liange gaduukanaa gasundulwi kuli kihanwa ku kisiuviriru chi lisuuvira lienyu lihaana ku Nyasaye. Niiva gaveeye ndio, inzi nyanza, kandi sangala harara ni munyi mwosi.

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

Vakalagi 6:5

Vaza ni mitugu jaavo harara na mahema gaavo nivafaana kiduma chi zisigi. Izing'amia ziavo harara naveene ziali izitanyara kuvalizwa. Vingira mu kivala yicho nivachononyia ligali.

Vakalagi 7:12

Avandu va Midiani, Maleki harara na avandu vi zihiiri ziu mwigendanyama vaaloreka kuva vanyingi mulivoona kuli izisigi, na vaali ni zing'amia izinyingi kuli umuyeka kulujinga lwinyanza.