Isaya 60:12 - KITABU KITAKATIFU

¹² Navuzwa zihiiri anoho uvwami vuvura kumutumikira, vuladivizwa ligali.

Isaya 60:12 Iomraidhean Croise

Litanga 27:29

Zihiiri ziosi zilakutumikira, kandi avandu valakusigamira, ulamiha ku viko vovo vosi, kandi visukululwi via mama woovo vilakusigamira. Ndalaama yavo avakulaama, kandi ndagasiza yavo avakugaasizaa.”

Zaburi 108:13

Nyasaye naveeye olovega lwiitu kulaguuta, alakuguutira avasigu viitu.

Zaburi 2:12

mudegere nukumwinamira gase uvutima vwivwe vulaaka, na munyi mukuzi vwangu. Vaveeye nuvugasu yavo vosi avanyagura kuye vanyoore likingwa.

Isaya 14:2

Zihiiri zindi zinyingi zilakonya avandu va Isiraeli kwirana mu kivala icha Yahova yavaha. Hene yaho, zihiiri zindi zilatumikira avandu va Isiraeli kuli avatugwa. Yavo avaari ni vagumira avandu va Isiraeli, kalunu Isiraeli ilavagumira, na vandu va Isiraeli valamiha ku yavo avavadambizaa ing'inga yindi.

Isaya 41:11

“Yavo avamudunyira, valaduuka mu zisoni ziukuguutwa; yavo avahing'anaa nimunyi valava kindu vuzwa kandi valadiva.

Isaya 54:15

Niiva mundu woosi alakwingilira, sialava naatumiywi na inzi mba; ku vosi ukwingilira nukukulwaana, alagwa mwene imbiri woovo.

Jeremia 12:17

Navuzwa niiva ihiiri yoosi sielakatie mba, maku ndagituliza ho nukugidiviza ligali. Inzi, Yahova mali kovora.”

Danyeli 2:34

Lwa waali nohenza kifananyi yiki, ligina linene liadika kutura ku lwanda vugira mundu kulidiira; liaduya vilenge vie kivia kandi zinduvatiru zie kifananyi yiki, kandi liavisionoranyia ligali.

Danyeli 2:35

Nonoho kivia, lidohi, mugasa, ifeza kandi izahabu viavunguluka nivigwa kuli luguki ku loze mu madiku gu muvasu. Imbuza yaginga luguki yilu lwosi, na yaleka loze lwere. Navuzwa ligina liamera niliviluka ni ligwa kiguru kenene chafuma lirova liosi.

Danyeli 7:18

Avandu va Nyasaye Wuvunyali valanyora zinguru ziu vukumi, kandi valava nazio mihiga ni mihiga.”

Danyeli 7:27

Zinguru no vonene vwu vwamihi ku lirova vulakahevwe ku vandu va Nyasaye Wuvunyali. Zinguru ziavo ziu vukumi si zilakahere mba kandi vamiihi vosi vi kivala valakavatumikiri nu kuvatia.”

Zekaria 9:10

Yahova avoora, “Ndakatulizi magare gu vulwani kutura mu Isiraeli, kandi ndavugura zibarasi kutura mu Jerusalemi; ndakononyie uvuta vwu vulwani. Mwami winyu alakaleete mirembe hagati hi zihiiri, alakamiihi kutura ku inyanza kuduuka ku inyanza, kandi kutura ku mugera gwa Efurate kuduuka ku keheri chi lirova.”

Matayo 21:44

Uyu ugwa ku ligina yili alavunikana ividonye; na ni ligwira umundu woosi, lilamusionolanyia.

Luka 19:27

Navuzwa avasigu vange avatayaanzaa inzi nzamiihi kuvo, mu valeete hano, muviitiri imbiri wange.’ ”