Isaya 6:2 - KITABU KITAKATIFU

² Zingelosi zisingiyi igulu weve, vuli indala yaali nizimbaha sita; yakunika mumoni mwimwe nizimbaha ziviri, kandi yakunika muviri gwigwe nizimbaha ziviri, nitumikira zimbaha zindi ziviri kuburuka.

Isaya 6:2 Iomraidhean Croise

Litanga 17:3

Aburamu yinama hasi mamumama kandi Nyasaye yavoola,

1 Avami 19:13

Lwa Elija yahulira mwoyo yigwo, yafuma mumoni mwimwe ninguvu yeeye yukwiyuhira; nazia ichova kandi nasingira ha vwingiliru vwuluhangaywa. Mwoyo gwamuvoolera, “Elija, okolaa ki hano?”

1 Avami 22:19

Mikaya yaazizagilira kovora, “Kalunu huliri cha Yahova avola! Ndoli Yahova niyikaye koendeve yeeye yu vwami mwigulu naveeye harara nizingelosi veve vosi nivasingiyi ku zimbega zizie ziombi;

1 Avami 6:24

Luvaha lulala lwu Mukerubi wu kutanga lwali zimita 2.2 na lundi kandi, zimita 2.2. Kunangwa zimbaha yizi ziali zimita 4.4 kutura ku esonga kuduuka ku esonga yindi.

1 Avami 6:27

Viavikwa kukagatana na Havundu Hatakatifu ligali Hoosi, kunangwa zimbaha ziavio nizinyirika ziadirana hagati he keng'oze; niizisonga zie zimbaha zindi nazio nizidiira madigi.

1 Avami 8:7

Zimbaha ziavio zianyilika ziafuma lisandugu kandi misaala ja liagingilwa ku.

Nehemia 9:6

Maku kandi avandu va Isiraeli vasaala lisaala yili: Ivi, Yahova, ivi oveeye Yahova weng'ine; walomba ligulu ni zing'ereng'ani ziu muvwerefu. Ivi walomba lirova nizinyanza na viosi iviveeye mu; wahaana livamwoyo ku viosi. Uvwamihi vwizingulu vwu mwigulu vuinamaa hasi nukusigamira.

Ayubu 1:6

Lwa lidiku liaduuka lie zingelosi va Nyasaye vazia kwimanyia imbiri wa Yahova, Setani naye kandi yazia harara navo.

Ayubu 15:15

Henza Nyasaye siasuviraa kali zingelosi veve mba, kali si vaveeye valahi imbiri weve mba.

Ayubu 4:18

Kali Nyasaye si asuviraa vatumikiri veve vatakatifu, kandi anyoora zingelosi veve na mahiolo mba.

Zaburi 103:20

Mwizominyi Yahova, O, munyi zingelosi vizingulu kandi vuvunyali, avahulira amalago geege, kandi avahulirizaa aga avoolaa.

Zaburi 104:4

Ivi utumikira imbuza kuli avatumwa vovo, nolomemo lwu muliru kuli avatumikiri vovo.

Zaburi 18:10

Yikala ku zimbaha ziu Mukerubi; ma nabuluka vwangu ku zimbaha zie imbuza.

Zaburi 89:7

Ivi oveeye Nyasaye utiivwa mu livugana lia vatakatifu, vosi vasingilaa mu liegehiza imbiri woovo.

Kutwula 25:20

Okole vakerubi yava vahenzane ku kikuniku yiki ni zimbaha ziazio zilafuuma kikuniku yiki.

Kutwula 3:6

Inzi mbeeye Nyasaye wa avaguuga vinyu, Nyasaye wa Aburahamu, Isaka na Yakobo.” Kunangwa Musa yafuma mumoni mwimwe, kigira yatia kohenza Nyasaye.

Kutwula 37:9

Avakerubi zana vahenzana, nivavaambuyi zimbaha igulu, kukinga endeve zana. Avakerubi viinama kohenza endeve yi zimbavasi.

Isaya 6:6

Maku indala ku zingelosi yaaburuka kuuza ku inzi nigingi lianda liu muliru liayaali nivuguyi ni kigumiliru kutura ku vwali.

Ezekieli 1:11

Zimbaha ziviri zia vuli kelombe ziavambuka igulu nizidiira ku zimbaha zie vilombe vindi ku lovega lundi, zimbaha zindi ziviri ziakunika muviri gwa vuli kelombe.

Ezekieli 1:24

Lwi vilombe yivi viaburuka, ndaahulira liyoga lie zimbaha ziavio. Liyoga yili liahulirika kuli muhuumu gwa mazi ginyanza, kuli liyoga lie liihi linene, kandi kuli mwoyo gwa Nyasaye Wuvunyali. Lwa vialekera kuburuka vialingaa zimbaha ziavio,

Ezekieli 1:4

Ndahenza igulu na ndaalora kihuzuzi nikihuuzaa kutura Ivaale. Uvwaku vwahemahema kutura mu malesi, kandi kisundi chakumbiriza iligulu. Mu lihemahema liu vwaku yivwo, kindu chaloreka kuli uvwakanyu vwu mugasa.

Ezekieli 1:6

navuzwa vuli kilala kuvio chaali ni mumoni haali kane kandi ni zimbaha zine.

Ezekieli 1:9

Zimbaha ziviri zia vuli kelombe ziavambuka kandi nizidirana ni zielomba virombe vindi. Vuli kelombe chazia imbiri vulungi vugira kugirung'ana.

Ezekieli 10:16

nokogenda, amagurudumu kandi gagendaa harara navio. Lwa vakerubi vavambula zimbaha ziavio kuburuka, amagurudumu kandi gaazia harara navio.

Ezekieli 10:21

Vuli mukerubi yaali ni lifana liu mumoni haali kane, zimbaha zine, kandi lifana lia makono gwu mundu isi wa vuli luvaha.

Danyeli 7:10

mugera gwu muliru gwasundukaa kutura muyo. Vaali ho vandu zielefu zinyingi vamutumikira kandi vandi zimilioni vasingira imbiri weve. Kiyaalo chatanga miyinzi, kandi vitabu viakunulwa.

Danyeli 9:21

Lwa ndaali ni mbeeye mulisaala, Engelosi Gabirieli ya ndaali nindoli mu malola gange gaali gu kutanga yaza kuinzi. Yaali ing'inga ya hamugorova yu kuhaana visiuviliru.

Zekaria 3:4

Engelosi yavolera vatumikiri veve vumwigulu, “Mutulizi zinguvu ziayiviki zifunyaa yizi.” Maku yavolera Joshua, “Ndatuliza vwoni vuvwo kandi ndakuha zinguvu zimbia wiviki.”

Luka 1:10

Kiduma kenene chavandu vaali ni vasaala ichova ing'inga yukusaamba kimuli.

Vahebraina 1:7

Navuzwa ko zingelosi, Nyasaye yavoola ndi, “Nyasaye akolaa zingelosi veve kuva zimbuza kandi avatumikiri veve kuva lumemo lwu muliru.”

Likunula 14:6

Ndaalora kandi engelosi yindi nibulukaa hagati hu uvwerefu, na yaali ni Ivangeri yi mihiga ni mihiga ya Nyasaye kwilwaazira vandu avamenyaa mu lirova ku vuli zihiiri, ni zinimi, kandi avandu va amagondo vosi.

Likunula 4:8

Vuli kilala ku velombe viveeye mwoyo vine yivio, chaali ni zimbaha sita, iziali ni ziafuuma mu zimoni; yigulu ni isi wi zimbaha. Mumbasu nuvudiku sivialekela kwimba nivivoola: “Mutakatifu, Mutakatifu, Mutakatifu, ni Mwami Nyasaye Wuvunyali, uwaali ho, oveeye ho, na uzaa.”

Likunula 7:11

Zingelosi vosi vasingira kukumbiriza endeve yu vwami, avakulundu, ni vilombe vine iviveeye mwoyo. Maku vaagwa hasi mamumama imbiri wendeve yu vwami nivasigamiraa Nyasaye,

Likunula 8:13

Lwa lwa ndahenza, ndaahulira indizu, iyaali nibulukaa igulu mwigulu mu uvwerefu, nevoola nu mwoyo umunene, “O, vayaayi! Vayaayi! Kilakave kivi lugano ki ikiliduuka ku yavo avamenyi mu lirova lwi visiliva vie zingelosi vavaga vatigaye vaduukana vakubi.”