Isaya 6:13 - KITABU KITAKATIFU

¹³ Kali niiva mundu mulala ku likomi atigala mu kivala yiki, oyo kandi aladivizwa; alava kuli kitinya chu musaala gwa mwaloni ugwatemwa.” Kitinya yicho keveeye kuli litanga lihia lia vandu va Nyasaye mu kivala.

Isaya 6:13 Iomraidhean Croise

Litanga 22:18

Zihiiri ziosi zilakandeve nizigasiza kuli ndagasiza visukululwi vivio - Yaga goosi galakekoleke kigira ivi watia lilago liange.”

Ezara 9:2

Avasaza vaavugura vakana kutura mu zihiiri yizi kuva avakali vayaayi vaavo kandi avakali navana vaavo. Kali avandu va Nyasaye avatakatifu vazugana harara na vandu vi vivala yivi. Avanene vaavo aviimiliri kandi avamihi nivo vaakora uvudamanu vwu kumaliriza.

Ezara 9:8

O, Yahova Nyasaye wiitu, kalunu ku ing'inga engekeeke, ivi umali kukumanyia liyaanzilira kandi okoli valala kukunyi kohononoka kutura mu vuhambe nokomenya mu mirembe havundu hatakatifu hano. Ivi umali kokovoholora kutura mu vuhambe kandi okoheeye livamwoyo lihia.

Isaya 1:9

Yahova Wuvunyali alavula koleka valala ku avandu zana vave mwoyo ngano Jerusalemi liadivizwa ligali kuli madaala ga Sodoma na Gomora gadivizwa.

Isaya 11:1

Avinyumba yu vwami vwa Daudi vaveeye kuli umusaala gumali kotemagwa; navuzwa kuli visivu visivukaa kutura ku kitinya, nindio mwami muhia alasingira kutura hagati hi visukululwi via Daudi.

Isaya 4:3

Vuli mundu woosi watigala mu Jerusalemi, awa Nyasaye yatovola amenye, alalaangwa mutakatifu.

Ezekieli 6:8

“Inzi ndakaleke valala vahononoke ku liitwa kandi vasalanywi hagati hizihiiri,

Amosi 5:3

Yahova avoora, “Lidaala linene mu Isiraeli litumaa avasikari elefu indala, navuzwa avasikari imia indala viirana; kandi lidaala linene litumaa vasikari imia indala, navuzwa avasikari likomi veng'ine viirana.”

Mika 5:6

Valakamihi kivala cha Asiria nikivavi; kandi kivala cha Nimurodi ni kivavi chetegeki kotema. Valakakohonye kutura ku vandu va Siria lwa valingila kivala chietu, nukogenda mu zinzako zietu.

Zefania 3:12

Navuzwa ndakaleke hagati hinyu avandu vegehizi kandi avahocha; valakenye ovokonyi kutura kuinzi.

Zekaria 13:8

Avandu viduma viviri ku vivaga mu kivala choosi valitwa, ni kiduma kilala ku vivaga kilatigala mwoyo.

Malaki 2:15

Nyasaye yalomba munyi vosi kuva muviri mulala kandi Roho mulala. Lienya lilie liali ndi muduuki konyoora avana vaveeye vandu va giligali va Nyasaye. Kunangwa mulole ndi mutavunaga lilagana lienyu na vakali vienyu mba. Vuli mundu agumili lilagana lilie nu mukali weve.

Matayo 24:22

Navuzwa Nyasaye umali kwimbihiza amadiku yago. Alavula kokora ndio, ngano sihaveeyeho nu mundu woosi uwakahoni mba. Navuzwa kigira avatovole veve, Nyasaye alakimbihiza madiku yago.

Marko 13:20

Navuzwa Umwami yayimbihiza amadiku gene yago; alavula kwimbihiza amadiku, avandu vosi vaali vakadivi. Navuzwa kigira avandu veve avatovole, Umwami yayimbihiza amadiku yago.

Varumi 9:5

vaveeye visukululwi via vaguuga Vaheburaina vamanyikana na Kristo kuli mundu aveeye wi ihiiri yaavo. Nyasaye wamihaa ku vandu vosi, yizominywi mihiga ni mihiga! Amini.

Kwidzulitsa 28:62

Kali ni muliiva avanyingi kuli zing'ereng'ani muvwerefu ni vakekeeke vuzwa ku munyi avalihononoka, kigira mwavura kuhulira Yahova Nyasaye winyu;

Kwidzulitsa 7:6

Mukore ndio kigira muveeye vandu va Yahova Nyasaye winyu. Kutura mu vandu vosi vilirova, Yahova Nyasaye winyu yamutovola muve avandu veve avadukiru kuvita avandu vandi.