Isaya 6:11 - KITABU KITAKATIFU

¹¹ Ndaateva, “O, Yahova, yaga galava kuli ndi kuduuka ing'inga ki?” Yativura, “Kuduuka lwa madaala manene gadivizwa ligali nokokorwa hazwa, kuduuka lwi zinyumba zitigala vugira mundu, kandi kuduuka lwi kivala chene kidivizwa ligali.

Isaya 6:11 Iomraidhean Croise

Zaburi 74:10

O, Nyasaye, avasigu viitu, valakokolera kehenyahenye kuduuka ng'inga ki? Valanyega lieta liilio mihiga ni mihiga?

Zaburi 79:5

O, Yahova, ivi ulakusinyikira kuduuka mihiga ni mihiga? Uvutima vuvwo vulazizagilira kwaduka kuli muliru?

Zaburi 90:13

Uvutima vuvwo vulahindira kuduuka ng'inga ki? O, Yahova, overerere avatumikiri vovo.

Zaburi 94:3

O, Yahova, vachamu valasangala kuduuka ng'inga ki? Valasangalira uvudamanu vwa vakora kuduuka ng'inga ki?

Isaya 1:7

Kivala chienyu kinganyiywi, madaala ginyu manene gasambiywi goosi nu muliru. Avageni vavugura kivala chienyu nukukidiviza ligali na munyi nimulolaa.

Isaya 13:12

Avandu valitigala ndavakora kuva avakeekeke ligali kuli izahabu indahi; vandu valakava vakekeeke kuli izahabu ya Ofura.

Isaya 3:26

Avalindi vu mu virivwa viavo valakaliri nu kusioma. Lidaala linene lia Jerusalemi lilatigala liere, kuli mukali walekwa yikaye hasi naveeye chahonyo.

Isaya 3:8

Jerusalemi imali kudivizwa! Na Ivuyuda imali kugwa vindu viosi via vavoola kandi via vakoolaa vivihiliriza Yahova; na vanyega Nyasaye; havulavu.

Isaya 32:14

Kali inyumba yu vwami ilakalekwe, kandi lidaala liveeye linene ligali lilakang'anywi. Hango ho vomenyo kandi, minaara jaavakinga vilava amang'anye mihiga ni mihiga. Zibunda ziu mumulitu zilagendagenda mu, kandi amagondi galakanyole yo uvwayiru.

Isaya 35:1

Changarangwi kandi kivala chumu vilasaangala, kandi vimuli vilalaviza mwigendanyama.

Isaya 5:9

Inzi mali kuhulira Yahova Wuvunyali navoora, “Ligali zinyumba ziosi ziveeye zinene kandi zindahi ligali zilatigala mang'anye. Mundu sialamenya muzio kali mulala mba.

Isaya 60:15

“Munyi si mulalekwa, kandi si muladunyirwa mba, Lidaala linene lialekwa kandi mundu si alavitila mulio mba. Ndamukora kuva avanene ligali amakura na amakura. Kandi lilava lidaala linene liu vusangali mihiga ni mihiga.

Isaya 64:10

Amadara googo amatakatifu gaveeye kuli changalangwi; Ziyoni imali kuva changalangwi, na Jerusalemi imali kuva hazwa.

Jeremia 22:6

“Inyumba yu vwami yi Ivuyuda eveeye indahi ligali ku inzi kuli kivala cha Gileadi, kandi kuli vigulu via Lebanoni; navuzwa ndagekola eve kuli changalangwi, havundu ha avandu vatamenya mba.

Jeremia 4:7

Kuli isimba itulaa havundu hukwivisa hayo, umudivizi wizihiiri umali kutura ichova. Yaazaa kudiviza avandu vi Ivuyuda. Amadara gi Ivuyuda galatigala amang'anye, kandi siaveeyeho kali mulala ulimenya mu mba.

Jeremia 44:2

Yahova Wuvunyali, Nyasaye wa avandu va Isiraeli avoora, “Munyi aveene mumali kolola lidiviza liandaaleeta ku Jerusalemi kandi madaala gandi goosi gi Ivuyuda. Kali kuduuka kalunu ndi gaveeye vuzwa amang'anye, kandi sihaveeyeho nu mundu omenyi mugo mba,

Jeremia 52:27

mukivala cha Hamazi. Hene yaho, mwami yalaga vakuywi ma viitwi. Kunangwa avandu vi Ivuyuda vaahirwa ihale mu vuhambe kutura mukivala chavo.

Ezekieli 6:6

Amadara goosi ga Isiraeli galadivizwa, kunangwa vwali vwavo vwosi kandi ivifananyi viavo vilavunaganywa mu vidonye, vwali vwavo vwi vifunya mwayu viladegerizwa, na vuli kindu chavalomba kilagota.

Danyeli 8:13

Maku ndaahulira engelosi indala neteeva iyindi, “Vindu vialoleka mu malola yivi vilazizagilira kuduuka ngi'ngaki? Uvwoni vwa vandu vakora vulazizagilira kuvugura vwiyangu vwi visiuviliru kuduuka ng'inga ki? Liihi liu mwigulu kandi Litembeli vilazizagilira kwonogonywa kuduuka ng'inga ki?”

Kyavalevi 26:31

Ndakora madaala ginyu manene kugwa mang'anye, ndononyia havundu ahatakatifu hinyu hukusigamira vifananyi kandi ndasuura kuvugilira visiuviliru vienyu.

Kyavalevi 26:33

Ndaleta vulwani ku munyi nokumusalanyia muvivala vigeni. Kivala chienyu kilang'anywa na madaala manene ginyu galatigala mang'anye.

Mika 2:4

Lwi ing'inga yene yiyi iduuka, avandu valatumikira makuva ginyu kuli kelolero chi kivi, na valimba ulwimbu yilu lwu kukuza mwoyo. Kigira vindu viamwavitiramu: Kumali kudivizwa ligali! Yahova umali kuvugura milimi jietu, kandi ujigavuliyi yavo avakuhila muvuhambe.”

Mika 5:11

Ndakononyie madaala manene mu kivala chienyu nukusambula zimbinga zienyu.

Mika 6:13

Kunangwa mali kokora munyi hazwa kandi kuvadiviza kigira uvwoni vwinyu.

Mika 7:13

Navuzwa lirova llilagwa changalangwe kigira vuchamu vwa avandu vamenyi kulio.

Kwidzulitsa 28:62

Kali ni muliiva avanyingi kuli zing'ereng'ani muvwerefu ni vakekeeke vuzwa ku munyi avalihononoka, kigira mwavura kuhulira Yahova Nyasaye winyu;

Kwidzulitsa 28:63

kandi galava, kuli gayaanziza Yahova kumukolera vulahi mu lizizagilira nokumukola muve avanyingi, kandi ndio galamuyaanziza mu livadiviza kandi mu lileeta kivi kumunyi. Mulatulizwa mu kivala cha muveeye ahimbi kwidikira mu.