Isaya 59:9 - KITABU KITAKATIFU

⁹ Avandu vavoola, likalaga lirungi liveeye ihale ni kunyi; na uvulungi sivoveeye mu kunyi mba. Kwenyelerizaa konyoole uvulavu; navuzwa haveeye kisundi chele; kwenyelerizanga konyoole uvwaku kogenda mu navuzwa kisundi cheng'ine keveeye ho.

Isaya 59:9 Iomraidhean Croise

Ayubu 19:8

Anyinyi inzira yange kunangwa mburi kuvita, kandi uviiki kisundi mu zinzira ziange.

Ayubu 30:26

Navuzwa lwa ndahenzelera uvulahi, uvudamanu vwaduuka. Kandi lwa ndalindilira nyoore uvulavu, kisundi chaduuka.

Zaburi 82:5

“Munyi simumanyi kindu kali kilala kandi simumanyirizaa mba! Munyi mugendaa mu kisundi chi ligota, misingi josi ji lirova jidegeriziywi!

Tsing'ano 4:19

Inzira ya vachamu, eveeye kisundi kuli vudiku. Vagwiza, navuzwa sivalola ha vikigatiyi mba.

Isaya 5:30

Lwa lidiku yilio liliduuka, zilahumira Isiraeli vudinyu ligali kuli lihuma lie inyanza eveeye nu vutima. Henza ku kivala yiki! Kisundi ni kivi! Uvulavu vukunikiywi ni kisundi.

Isaya 59:11

Kwosi kufuma kuli zidubu, kuliraa vuzwa kuli amakuulu. Kwenyelerizaa likalaga lirungi navuzwa siliveeye ho mba. Kwenyelerizaa ovohonyi, navuzwa voveeye ihale ni kunyi.

Isaya 59:14

Likalaga lirungi liviikiywi halovega, na uvulungi vusingiyi ihale. Agiligali gikigitaye nukuduvagwa mu viina; na uvusuuvirifu sivunyala konyoora ovogono muzio mba.

Isaya 59:8

Simumanyi zinzira zie mirembe kali hakuzu mba; kandi sihali ho ni likalaga lirungi mu zinzira zienyu mba. Mumali kwelombera zinzira ziachama. Ku vosi ogendaa kuzio sialava mu mirembe kali hakuzu mba.

Isaya 8:21

Avandu valagendagenda mu kivala, mu linyang'ana kandi ninzara. Mu inzara nu vutima vwavo, valalaama avami vaavo kandi Nyasaye wavo. Vanyara kohenza igulu mwigulu

Isaya 8:22

anoho kohenza hasi, navuzwa si valalora kindu mba, nitali vudinyu, kisundi chi litihiza kenene ichavahirwa mu.

Jeremia 13:16

Uhaane luyali ku Yahova, Nyasaye winyu, nakikiri koleta kisundi, kandi nukikiri kwisigatira ku vigulu; nakikiri kugirung'anyia uvulavu vwa wasuuviramu kugwa kisundi kenene.

Jeremia 14:19

Yahova, ivi umali kusuura Ivuyuda ligali? Umali kudunyira avandu va Ziyoni? Kigira ki ivi umali kusaliriza kunyi vudamanu ligali na si kunyala kohona mba? Kwahenzelera mirembe, navuzwa kindu kilahi si chekoleka mba. Kwegomba kohonywa, navuzwa mu vogono vwene yivwo litihiza liaza.

Jeremia 8:15

Kwahenzelera kove mu mirembe, navuzwa uvulahi sivwaali ho mba; kandi kwahenzelera kove mu mirembe nilihonywa, navuzwa kwaali mu litihizwa.

Lisyoma lya Jeremia 3:2

Umali kumbira ihale kandi no kongola kogenda mukisundi.

Lisyoma lya Jeremia 4:14

Kalunu avatumikiri vaavo vagendagenda mu zinzira kuli avavoku. Vayoneka kigira masahi gavatahiza, na mundu si anyala kwisunda ahimbi nukuvagumira mba.

Amosi 8:9

Yahova Nyasaye Wanyala Viosi avoora, “Lidiku lizaa lwa ndikola iliuva koyeera mu zisa zia mbasu hagati, na ndaleta kisundi ku kivala ing'inga ya mbasu.”

Mika 1:12

Avandu va Marozi valinda nu vuha konyoora livoholorwa, kigira Yahova umali koleta lidiviza ahimbi ni lidaala linene lia Jerusalemi.

Habakuk 1:13

Navuzwa ivi unyala kuhulirizana ndi na vandu vaveeye vagadi kandi vadamanu kuli yava? Ivi oveeye mutakatifu ligali kolola vudamanu, kandi wikuziraa kolola vandu ni vakora vudamanu. Kigira ki ukiring'anaa lwa vandu yava vadiviza vandu vovo avaveeye valungi ligali kuvita yavo.

1 Vatesalonike 5:3

Lwa vandu vava nivakevoola ndi, “Jiveeye mirembe kandi vindu viosi viveeye vulahi kandi liveeye lielemeriza,” nonoho kivi kilakaduuki kuvo vwangu kuli lilumwa liduka ku mukali oveeye inda, kandi avandu si vahononoka ligali mba.