Isaya 59:8 - KITABU KITAKATIFU

⁸ Simumanyi zinzira zie mirembe kali hakuzu mba; kandi sihali ho ni likalaga lirungi mu zinzira zienyu mba. Mumali kwelombera zinzira ziachama. Ku vosi ogendaa kuzio sialava mu mirembe kali hakuzu mba.

Isaya 59:8 Iomraidhean Croise

Zaburi 125:5

Navuzwa lwa uhaana mageri ku avachamu, uhaane mageri kandi ku yavo avalekaa zinzira zizio. Mirembe jive ku Isiraeli.

Tsing'ano 2:13

Yavo na vandu vasuura limenya liu vulungi, navuzwa komenya mu kisundi chu vwoni.

Tsing'ano 2:15

avandu vaveeye avachamu, kandi avataveeye avasuuvirifu.

Tsing'ano 21:8

Inzira yumundu mudamanu eveeye yu vuchamu, navuzwa inzira yumundu mulungi eveeye inungi.

Tsing'ano 28:18

Mundu oveeye mulungi alahonywa kutura muvudinyu, navuzwa oyo utaveeye musuuvirifu alagwa mu liliina.

Tsing'ano 3:17

Ovogeri volomba limenya liilio kuva nuvuyanzi, kandi vukwimiliraa mu mirembe.

Isaya 48:22

Yahova avoora, “Mirembe sijiveeye ho ku voni mba.”

Isaya 5:7

Isiraeli eveeye kizabibu cha Yahova Wuvunyali, na vandu vi Ivuyuda vaveeye mizabibu ja Yahova yasimika. Yavalindilira vakole amalahi, navuzwa vakora uvudamanu vwu kwita. Yahova yavalindilira vakole amalungi, navuzwa vadambiza yavo avanira vanyoore vulungi.

Isaya 59:11

Kwosi kufuma kuli zidubu, kuliraa vuzwa kuli amakuulu. Kwenyelerizaa likalaga lirungi navuzwa siliveeye ho mba. Kwenyelerizaa ovohonyi, navuzwa voveeye ihale ni kunyi.

Isaya 59:9

Avandu vavoola, likalaga lirungi liveeye ihale ni kunyi; na uvulungi sivoveeye mu kunyi mba. Kwenyelerizaa konyoole uvulavu; navuzwa haveeye kisundi chele; kwenyelerizanga konyoole uvwaku kogenda mu navuzwa kisundi cheng'ine keveeye ho.

Isaya 65:2

Inzi mali kwetegeka vuli kazozo kwingiliza wange avandu vaveeye vibaali, avagendaa kuzinzira zitaveeye zindahi, kandi avalondaa iziganagani ziavo aveene.

Jeremia 5:1

Munyi avandu va Jerusalemi, munyaguli yiyi ni yiyi mu zinzira! Muhenze vuli muzimbega na mwelolere aveene! Mwenyelerizi mu vilitu! Munyala konyoora mundu mulala okolaa agaveeye amalungi, kandi ogerizaa kuva musuuvirifu ku Nyasaye? Niiva mulamunyoola, Yahova alamusamiiha.

Matayo 23:23

“O, vayaye kilaamo kenene keveeye ku munyi, avigizi vi Lilaga kandi Avafarisayo! Avagaadi munyi! Muhaanaa ku Nyasaye kidieli chi likomi kali izaka yi vitagwa vifunya mwayu ni vimuli, nu mudalasini, navuzwa muleki kugumira amigizu gaveeye amanene agi Lilaga kuli uvulungi, livelererwa, kandi uvusuuvirifu. Agene yaga nigo agamuduukira mukore vugira koleka agandi.

Luka 1:79

Vong'ereng'ane ku yavo vosi avamenyaa mu kisundi kenene chi chiriri chilikuza; kwimilira virenge vietu munzira yi mirembe.”

Varumi 3:17

Si vagimanyi inzira yi mirembe mba,