Isaya 59:6 - KITABU KITAKATIFU

⁶ Miluvu ja valomba kutura ku zimbusi zie zimbuvi sivanyala kwikunika ni viavaanavaa mba. Miyinzi jiavo jiveeye miyinzi ju vudamanu kandi vikolwa viekirage viveeye mu amakono gaavo.

Isaya 59:6 Iomraidhean Croise

Litanga 6:11

Vuli umundu yaali mudamanu imbiri wa Nyasaye kandi kirage chaali havundu hoosi.

Ayubu 16:17

Kali vutindi ni vutaveeye mu inzi, lisaala liange liveeye lirungi imbiri wa Nyasaye.

Zaburi 55:11

Liononya lie vindu liveeye vuli havundu hoosi, zinzira ziosi ziizuye navandu vu kudambiza kandi vuvugadi.

Zaburi 58:2

Awa! Munyi muganaganaa vuzwa uvudamanu vwa munyala kokora, kandi muvunagaa malago nuvutindi vwu kusaliriza mu kivala.

Isaya 30:1

Yahova umali kovora, “Kivi keveeye ku yavo avamiiha Ivuyuda kigira vamali kwibaala ku inzi. Valonda liloohiza lia inzi mburi kolomba, kandi valomba livugilizana liavo vugira inzi, nivameeda uvwoni ku vundi.

Isaya 5:7

Isiraeli eveeye kizabibu cha Yahova Wuvunyali, na vandu vi Ivuyuda vaveeye mizabibu ja Yahova yasimika. Yavalindilira vakole amalahi, navuzwa vakora uvudamanu vwu kwita. Yahova yavalindilira vakole amalungi, navuzwa vadambiza yavo avanira vanyoore vulungi.

Isaya 57:12

Muganaganaa ndi agamukolaa gaveeye malungi, navuzwa inzi ndalang'aminya ivikolwa vienyu, na ivifananyi vienyu sivilamukoonya mba.

Isaya 58:4

Lihonga lilia lienyu limukolaa avatindi, kandi mulembanaa nukulwana. Muganaganaa lihonga lilia lienyu kuli yili lilaangola mbulirizi ku kusaala lienyu?

Isaya 64:6

Kunyi kwosi kwaveeye avoni, kali vikolwa vietu vilungi viveeye kuli inguvu ifunyaa vugundu. Kigira uvwoni vwitu, koveeye kuli amatu ganiara ma gabulukizwa nimbuuza.

Jeremia 6:7

Kuli kidaho kilinda mazi gacho vulahi, nindio avandu va Jerusalemi valinda uvudamanu vwavo vulahi. Mbulira kilage ligali niliononyia mu lidaala; ndolaa uvulwaye nizingwagu.

Ezekieli 18:12

kudambiza vadaka, kwiva, kuvula kutunga magovi, nu kuzia kusigamira misambwa kandi vifananyi viu kuvihiliriza

Ezekieli 7:11

Kirage kemedaa uvuchamu vunyingi. Avandu vaavo, anoho uvuhinda vwavo anoho uvukumi vwavo si navitigale mba.

Ezekieli 7:23

“Vuli kindu keveeye muligoyana kandi kivala chizuuyi avalumindi kandi avandu vikirage vizuye madaala manene.

Ezekieli 9:9

Nyasaye yativura, “Avandu va Isiraeli na vandu vi Ivuyuda vamali kokora vwoni vudamanu ligali. Vamali kwita vandu mu kivala choosi kandi vamali kuviika likalaga litaveeye lirungi mu Jerusalemi. Vavoola ndi inzi Yahova, mali koleka kivala chavo kandi si mbalolaa mba.

Amosi 3:10

Yahova avoora, “Avandu yava sivakora agaveeye amalahi mba, avaviika ivindu via vanura nukwivila avandu mu zinyumba ziavo.

Amosi 6:3

O, kivi keveeye ku munyi ava muvura kuvugilira ndi lidiku lidamanu liekivi liizaa navuzwa gamukolaa galetaa lidiku yili himbi kirage?

Mika 2:8

Yahova ativulaa, “Munyi mwingiliraa vandu vange kuli avasigu. Avasaza viranaa kutura mu vulwani, nivaganaganaa vaveeye mu mirembe yengo, navuzwa uwene yeyo, mulindiliraa kuvanyaga amakooti gaavo.

Mika 6:12

Avatugi vinyu vanyaga vadaka, kandi munyi mwosi muveeye avagaadi.

Zefania 1:9

Ndakahaane mageri ku vosi avasigamiraa vifananyi kandi yavo avivaa nu kwiita kunangwa vaduuki kwizuliza zinyumba zia vami vaavo ni vindu via valanyi.”

Zefania 3:1

O, vayaayi, lidaala lia Jerusalemi lidamanu kandi liebaali, lidambizaa vandu valio limali kudivizwa.

Malaki 2:16

Yahova Nyasaye wa Isiraeli avoora, “Ndasuura likunga mukali, kandi ndasuura lwa mulala ku munyi akoleraa mukali weve vudamanu. Mulole ndi mutavunaga lilagana liamwalomba mundu nu mukali weve mba. Vuli mundu ave musuuvirifu nu mukali weve.”