Isaya 59:4 - KITABU KITAKATIFU

⁴ Munyi muzizaa mukiyaro, navuzwa simuveeye nilikalaga liuvulungi kolovega lwinyu mba. Mweredaa ku ovovehi kuguuta ichiina. Mwetegekiza zing'anagani zienyu ziuvudamanu kusaliriza avandi.

Isaya 59:4 Iomraidhean Croise

Ayubu 15:31

Atasuuvira mu makuva gataveeye nikindu nu kwigaada mwene mba; kunangwa vudamanu vulava amadanyi geege.

Ayubu 15:35

Yava nivo avandu vi mioyo jaavo jizula uvugadi, kandi avalohizaa koleta uvuchamu no kokora uvudamanu.”

Zaburi 12:3

O, Yahova, kiringanyia vandu vavola uvugadi yava! Uhanyie minwa jimolomaa amakuva gu kwigingira nukovola.

Zaburi 62:10

Mutaviika lisuuvira lienyu litumikira lidambiza; mu lienyolera uvutugi mu vugadi mutasuuvira mu lienyolera vindu ku linuura. Kali niiva uvutugi vuvwo vomedeka, uteeleda kuvwo mba.

Zaburi 62:4

Munyi mwenya vuzwa kumwikiza kutura havundu hehe huluyali; munyi musangaliraa mu vovehi. Munyi mumolomaa amakuva gi ligasiza, navuzwa mu mioyo jinyu, mumulaamaa.

Zaburi 7:15

Navuzwa yavo aveene vamali kugumirwa mu mitego ja valombera avandi.

Tsing'ano 4:16

Vandu vachamu sivanyala kogona nivatakoli kindu kidamanu mba. Vagona nivahenza kuduuka lwa vasaliriza mundu.

Isaya 10:1

O, Vayaye kivi keveeye ku munyi! Munyi avalomba amalago kuva amachamu nu kudambiza avandu vange.

Isaya 26:18

Kwali mu vuzunu vwi liivula, navuzwa kwivura kindu mba! Sikwanyoola liguuta liosi kigira kivala chietu mba. Sikwanyoola kindu mba.

Isaya 28:15

“Mwiyizominyaa ndi mwalomba lilagana liuvuhambani ni likuza, mwalomba livugilirizana ni kivala chavakuzu. Lwikivi kiiza sikilakakudiiri mba, kigira mwasuuvira mu vovehi nuvugadi kuva chukwivisamu chiinyu.”

Isaya 29:20

Kilava keheri cha yavo avadambizaa avandu vandi kandi vachaya Nyasaye. Vosi avakolaa uvwoni valakadivizwi.

Isaya 30:12

Navuzwa yaga nigo aga Nyasaye Mutakatifu wa Isiraeli avoora: “Musuraa aga inzi muvooleraa na musuuviraa mu vutindi kandi mu vugadi.

Isaya 30:9

Avandu yava vibaaraa ku Nyasaye vuli kazozo, vaveeye vana vuvugadi, avana valivula kuhulira miigizu ga Yahova.

Isaya 33:11

Munyi mulomba lilohiza litanyala kokoonya kindu kandi vindu viosi via mukoraa viveeye via vuzwa. Mwika gwange goveeye kuli muliru ugwaza gumudivizi.

Isaya 44:20

Akombaa ligoke litaveeye kindu kuye. Zing'anagani zizie ziuvusiru zimugotizi ligali kali sianyala konyoora vokonyi kali hakuzu mba. Sianyala kuvugilira umwene ndi kifananyi cha agumiyi mu mukono gwigwe sikeveeye nyasaye mba.

Isaya 47:10

“Mwayanzilira kokora uvudamanu, mwaganagana ndi mundu kali mulala siyaali anyala kumulora mba. Ovogeri kandi limanya lienyu viamugotiza, kandi mwavoora mu mioyo jinyu, ‘Kunyi koveeye Nyasaye, siaveeye ho nu wundi kuli kunyi mba.’

Isaya 5:18

O, vayaayi, kivi keveeye ku yavo avang'usaa uvwoni nimigoye jovovehi! Avang'usaa uvudamanu ni migoye ji ligale lie zing'ombe.

Isaya 5:7

Isiraeli eveeye kizabibu cha Yahova Wuvunyali, na vandu vi Ivuyuda vaveeye mizabibu ja Yahova yasimika. Yavalindilira vakole amalahi, navuzwa vakora uvudamanu vwu kwita. Yahova yavalindilira vakole amalungi, navuzwa vadambiza yavo avanira vanyoore vulungi.

Isaya 59:15

Agiligali sigaveeye ho mba kali ku vosi oleka likora uvudamanu yiviika umwene mu lidambizwa.” Yahova umali kolola yaga, kandi uvihiliriziywi konyoora ndi sihali ni likalaga lirungi mba.

Isaya 59:16

Yahova ogenyi kolola ndi si haali nu mulala okonyaa avadambi mba. Kunangwa alatumikira zinguru zizie kuvasoora kandi kuvaha iliguuta.

Isaya 59:3

Kigira munyi mwitaa na makono ginyu kandi mukoraa uvudamanu ni videte vienyu, muvooraa ovovehi ni minwa jinyu kandi zinimi zienyu zimonya uvuchamu.

Isaya 64:7

Siaveeye ho mundu kali mulala usaala ku lieta liilio mba, anoho mundu kali mulala uzaa ku ivi anyoore ovokonyi mba. Ivi umali kwivisa kutura ku kunyi kandi umali kokoleka kigira uvwoni vwitu.

Isaya 9:15

Avasaakulu navasaza vuluyali vaveeye mitwi, na avaporofeti ava miigizu gu vugadi vaveeye mikira!

Jeremia 48:7

“Munyi avandu va Moabu, mwasuuvira mu zinguru zienyu kandi mu vutugi vwinyu, navuzwa kalunu kali mulaguutwa; munyasaye winyu Kemoshi alahirwa mu lihaminywa, harara na avanene veve kandi avasaalisi veve.

Jeremia 5:1

Munyi avandu va Jerusalemi, munyaguli yiyi ni yiyi mu zinzira! Muhenze vuli muzimbega na mwelolere aveene! Mwenyelerizi mu vilitu! Munyala konyoora mundu mulala okolaa agaveeye amalungi, kandi ogerizaa kuva musuuvirifu ku Nyasaye? Niiva mulamunyoola, Yahova alamusamiiha.

Jeremia 7:4

Mutasuuvira amakuva gu vugadi yaga mba: ‘Yili ni Litembeli lia Yahova, yili ni Litembeli lia Yahova!’

Jeremia 7:8

“Henza, munyi musuuviraa mu amakuva gu vugadi.

Hosea 4:1

Yahova aveeye nikiyaalo ku avandu vamenya mukivala yiki. Muhuliri avandu va Isiraeli, ku agaavoola: “Siaveeye ho kali mulala oveeye musuvirifu anoho wuvuyanzi mukivala, kandi avandu mukivala sivamanyiriza inzi kuli Nyasaye mba.

Mika 2:1

O, vayaayi, kivi keve kuyavo avasavira kokora uvudamanu; kandi avalohizaa kokora uvudamanu mu vidali viavo! Lwa vuchezaa, nonoho lwa vaveeye nuvwiyangu, vakora uvudamanu vwavalohizi kokora.

Vikolwa 24:9

Avayuda vahambana kandi kudinyiriza amayaalo yago kuva agiligali.

Yakobo 1:15

Maku likayirwa lilie lidamanu zana yilio liverekaa ma liivula uvwoni, nuvwoni lwa vumala kuviruka, vwivulanga likuza.