Isaya 59:2 - KITABU KITAKATIFU

² Uvwoni vwinyu nivwo uvwavukanyiaa munyi kutura ku Nyasaye winyu. Gaveeye kigira uvwoni vwinyu uvumali kumukola yiivise ihale kutura ku munyi, kali avuli kuhulira lianira lienyu lwa mu musigamira.

Isaya 59:2 Iomraidhean Croise

Tsing'ano 15:29

Lwa vandu valungi vasaala Yahova ahuliraa, navuzwa alekaa yavo avaveeye vadamanu.

Isaya 1:15

“Lwa mugingaa makono ginyu igulu mu lisaala, sindamuheenza mba. Kali ni musaala kuli ndi, inzi sindahuliriza kali hakuzu mba, kigira amakono ginyu gizuyi amasahi.

Isaya 50:1

Yahova avoora, “Muganaganaa ndakunga avandu vange kuzia ihale, kuli musaza akungaa mukali weve? Eveeye hayi ibarwa ya ndaamukungira? Muganaganaa ndaamuguliza mu kivala chu vutugwa kuli mundu agulizaa avana veve kuli vatugwa? Kandi mwagulizwa kuli avatugwa kigira amahiolo ginyu. Kandi kigira uvwoni vwinyu mama winyu yakungwa.

Isaya 57:17

Ndavasinyikira kigira uvwoni nu vuviti vwavo, kunangwa ndaavaha mageri, kandi nimbaleka. Navuzwa vahindagiriza nivazizagilira kuzia mu zinzira ziavo aveene.

Isaya 58:4

Lihonga lilia lienyu limukolaa avatindi, kandi mulembanaa nukulwana. Muganaganaa lihonga lilia lienyu kuli yili lilaangola mbulirizi ku kusaala lienyu?

Jeremia 5:25

Uvudamanu vwinyu vumali kugirung'anyia vindu yivi viosi, kandi uvwoni vwinyu vumali kwigalira ivindu vilahi viosi kutura ku munyi.

Lisyoma lya Jeremia 1:8

Avandu va Jerusalemi vaakora uvwoni vwi livereriza ligali, na vagwiyi kuli kindu kifunyaa vugundu. Vosi avahaana uluyali kuvo vavalegerizaa kigira vamali kolola chahonyo chavo. Vakenya aveene kandi agirung'ana nukwivisa mu zisoni.

Ezekieli 39:29

Ndaviika Roho gwange ku vandu va Isiraeli, kandi sindagirung'ana kutura kuvo mba. Inzi Yahova Wuvunyali mali kovora.”

Mika 3:4

Ing'inga yiza iya mulisara ku Yahova, navuzwa sialimutivulira mba. Ku ing'inga yeyo, alakavisi mumoni mwimwe kutura ku munyi kigira uvudamanu vwa mumali kokora.”

Joshua 7:11

Avandu va Isiraeli vamali kokora uvwoni! Vamali kuvunaga lilagana lia ndaavalaga valindi! Vamali kuvugura vilala ku vindu vialagwa viononywe viiva vindu zana, nivaveeha, kandi nivaviviika harara ni vindu viavo aveene.

1 Samweli 4:3

Lwa avatigara mwoyo virana hokososa, aviimiliri va Isiraeli vateevana nivavoora, “Kigira ki Yahova naleka Vandu va Filisitia vakuguute lidiku lia Lero? Gendi kuzie koleta Lisandugu lie Lilagana lia Yahova kutura Shilo, kunangwa ave harara ni kunyi kandi akohonyie kutura ku vasigu viitu.”