Isaya 59:18 - KITABU KITAKATIFU

¹⁸ Alahaana mageri ku vasigu veve kolondekana ku agavamali kokora. Yee, uvutima vwivwe ni livaanza kisaalia chiche viladuuka ku vasigu veve. Alahaana mageri kali ku yavo avamenyaa muvivala vie ihale.

Isaya 59:18 Iomraidhean Croise

Ayubu 34:11

Nyasaye ahaanaa madanyi ku vandu kugavakolaa kandi avakolera kuli gavadukiraa vakolelwe.

Zaburi 62:12

kandi ndi uvuyanzi uvutali nekeheri voveeye uvwivwe. Ivi umwene, O, Yahova, utunganga sa mulala amadanyi kolondekana ku vikolwa vivie.

Isaya 1:24

Kunangwa kalunu, muhuliri aga Yahova Wuvunyali, Nyasaye Wizingulu wa Isiraeli, avoora: “Ndavanza kisaalia ku munyi, avasigu vange, na simulangubiza kivi kandi mba.

Isaya 35:4

Muvoolere vuli mundu woosi utaveeye ni lilema mwoyo ndi, “Muve nizinguru kandi mutava avati mba! Nyasaye alaza kumusoola, kandi alahaana amageri ku vasigu vinyu.”

Isaya 40:10

Yahova Wuvunyali yaazaa kwamiiha ni zinguru, kandi alaza kuhaana amadanyi ku yavo avayahonyia.

Isaya 49:4

Inzi ndaavoora, “Ndaakola minyinzi, navuzwa jiveeye vuzwa! Ndaatumikira zinguru ziange ku miyinzi, navuzwa sindaakonya kindu kali hakuzu mba.” Kali ndio ndaasuuvira Yahova Nyasaye wange, alamba amadanyi ku likora liange.

Isaya 63:3

Yahova yativura, “Inzi mali kuduvaga zihiiri kuli mazabibu, na siali ho nu mulala waza kongonya. Ndaziduvaga ligali mu vutima vwange, na amasahi gaavo giivaki ku zinguvu ziange ziosi.

Isaya 63:6

Ndaaduvagira hasi avandu vi zihiiri mu vutima vwange. Ndavakora vahambiki mu vutima vwange vululu. Ndasundura masahi gi livamwoyo liavo hasi ku lirova.”

Isaya 65:6

“Inzi mali kotovola kuhaana amageri, kandi likalagirwa liavo limali kong'odwa. Si ndachiring'ana ku goosi agavamali kokora, navuzwa ndatunga kisaalia kuvo.

Isaya 65:7

Ndahaana amageri kuvo kigira uvwoni vwavo, kandi uvwoni vwa vaguuga vaavo. Kigira vamali kuhaana ivimuli ku vigulu ha vasigamira imisaambwa, kandi nu kovora amakuva madamanu ku inzi. Kunangwa ndahaana amageri kuvo kolondekana ni lienya lie vikolwa viavo.”

Isaya 66:14

Lwa muloraa yaga nigekoleka, mulasangale. Galamukola muve nizinguru kandi avalamu. Maku mulamanya ndi inzi Yahova, ngonyaa yavo avambuliranga, kandi manyianga uvutima vwange ku vasigu vange.”

Isaya 66:15

Yahova alaza numuliru, na magare geege gu vulwani gaveeye kuli kihuzuzi. Alaleeta uvutima vwivwe vululu hasi ni iligondoka lilie kuli lomemo lwu muliru.

Isaya 66:6

Muhulirizi! Liyoga lie kivihiri kutura mu lidaala linene, huliri mwoyo yigwo kutura mu Litembeli, goveeye mwoyo gwa Yahova nahaana mageri ku avasigu veve!

Jeremia 17:10

Inzi Yahova nyenyerizaa zing'anagani kandi ngeriza mioyo ja vandu. Inzi ngolera mundu samulala kolondekana ni limenya lilie, kandi kolondekana ni likora lilie.”

Jeremia 32:19

Olomba lilohiza lie zing'anagani kandi okolaa vindu vie zinguru; ololaa vindu viosi via avandu vakora, kandi uvahezaa madanyi kolondekana ni vikolwa viavo.

Jeremia 50:15

Mukubi zikwiri zie liihi mu lidaala linene liosi! Kalunu Babiloni imali kwiyama. Madigi galio gamali kuduyanywa nukugwa. Inzi mbanzaa kisaalia change ku vandu va Babiloni. Kunangwa munyi muvanze kisaalia kuvo, kandi muvakolere kuli vaakolera avandi.

Jeremia 50:29

“Vooleri avasaza vukulasa vuta vingiliri avandu va Babiloni. Mutumi vuli mundu uwamanya kutumikira vuta ni mivano. Mukumbilizi lidaala linene kandi mutaleka mundu kali mulala yiruki mba. Muvanze kisaalia ku avandu valio ku goosi aga vamali kokora, kandi muvakolere kuli vaakolera avandi, kigira vaakolera inzi mu lierora, Mutakatifu wa Isiraeli.

Lisyoma lya Jeremia 4:11

Yahova umali kololekiza vutima vwivwe uvululu. Uhambizi muliru mu Ziyoni ugwasaamba mise jie lidaala.

Ezekieli 23:49

Ndahaana mageri ku munyi kigira uvudamanu vwinyu kandi uvwoni vwinyu vwu kusigamira vifananyi. Maku mulakamanye ndi Inzi mbeeye Yahova Wuvunyali.”

Ezekieli 38:18

Yahova Wuvunyali avoora, “Ku lidiku lwa Goga alingilira Isiraeli, ndakave nu vutima.

Ezekieli 5:13

“Maku uvutima vwange uvululu vulava ku munye kuduuka lwa neminywa mwoyo. Lwayaga goosi gakolekaa, mulamanya ndi Inzi, Yahova, mali komoloma ku munyi kigira mbeeye nu vutima na munyi mulivula kuva avasuuvirifu.

Ezekieli 6:12

Yavo avaveeye ihale navalwale ligali ma navakuzi; yavo avaveeye ahimbi navakuziri muvulwani; yavo avalihononoka navakuzi kigira inzara. Valakahuliri uvuliduhu vwosi vwu vutima vwange.

Joeli 3:4

“Mugerizaa kongolera kindu ki munyi avandu va Tiro, Sidoni na vandu vosi va Filisitia? Munyi mugerizaa kumbanza kisaalia? Nimukora ndio, ndiranyia kisaalia ku munyi vwangu!

Kyavalevi 26:28

maku, mu vutima vwange, ndamugirung'ana kandi ndakora amageri ginyu kuva amadamanu ligali haali saba kuvita maziambiri.

Nahum 1:2

Yahova Nyasaye siyikuzilaa ku vaahing'ana naye mba; ahaanaa mageri ku yavo avahing'anaa naye. Avanzaa kisaalia mu vutima vwivwe.

Matayo 16:27

Umwana wa Adamu aveeye ahimbi kuza mu vukumi vwa Baba weve harara ni zingelosi veve; kandi ahene yaho alatungaa vuli mundu kolondekana ku vikolwa vivie.

Luka 19:27

Navuzwa avasigu vange avatayaanzaa inzi nzamiihi kuvo, mu valeete hano, muviitiri imbiri wange.’ ”

Luka 21:22

Kigira yago galakave ‘Madiku giliheevwa Amageri’; kokora viosi ivia Mang'oda Matakatifu gavoora viduuki kutwekizwa mu agiligali.

Varumi 2:6

Mu lidiku yilio, Nyasaye alakatungi vuli mundu woosi kolondekana ku miyinzi jije.

Kwidzulitsa 32:41

ndi ndahiagala kivavi change kehemahemaa, nokolola ndi uvulungi vokoleywe. Ndavanza kisaalia ku avasigu vange. Kandi mbane amageri ku yavo avandunyira.

Kwidzulitsa 7:10

Navuzwa sialilindagira kuhaana amageri maduukiru ku vandu avamudunyira mba.

Likunula 16:19

Lidaala linene lia Babiloni liavukanywa mu vidonye vivaga, kandi amadara gi izihiiri gaasambwa. Nyasaye yizuliza lidaala lia Babiloni naaliha kekombe chi iwaini linwi, amageri gu uvutima vwivwe ovonene.

Likunula 19:15

Kivavi ichuugi chatula mu munwa mwimwe, cha liguutira zihiiri. Alavamiha ni imbimbu yi kivia. Aladuvaga kandi iwaini mu kiminilu chi iwaini yu uvululu vwu uvutima vwa Nyasaye Wuvunyali.