Isaya 59:13 - KITABU KITAKATIFU

¹³ Kumali kwibaala ku ivi nu kwambakana ivi kandi nukusuula kolonda ivi, Nyasaye wiitu. Kumali kudambiza avandi nukugirung'ana koleka ivi. Zing'anagani zietu ziveeye ziuvugadi; na amakuva giitu gaveeye ovovehi vwere.

Isaya 59:13 Iomraidhean Croise

Ayubu 31:28

Uvwoni vudamanu kuli yivu, vuduukana vukalagirwi mageri gi likuza. Kigira vwambakanaa Nyasaye Wuvunyali.

Zaburi 18:21

Mali kuhulira amalago ga Yahova, kandi sindagirung'ana kutura ku Nyasaye wange mba.

Zaburi 78:36

Navuzwa amakuva gaavo gaali vuzwa ovovehi vwere; na choasi cha vavoola sichali cha agiligali mba.

Tsing'ano 30:9

Niimba ni chukulia kinyingi, nyara kuvoola ndi si ngwenyaa mba. Navuzwa nimbeeye mudaka nyara kwiva ma mbane izisoni ku Nyasaye wange.

Isaya 10:1

O, Vayaye kivi keveeye ku munyi! Munyi avalomba amalago kuva amachamu nu kudambiza avandu vange.

Isaya 30:12

Navuzwa yaga nigo aga Nyasaye Mutakatifu wa Isiraeli avoora: “Musuraa aga inzi muvooleraa na musuuviraa mu vutindi kandi mu vugadi.

Isaya 31:6

Yahova yavoola, “O, munyi avandu va Isiraeli, mumali kokora uvwoni imbiri wange nu kuhing'ana ninzi; navuzwa kalunu mwirane ku inzi!

Isaya 32:6

Mundu musiru alavoora uvusiru, kandi aganagana kokora vindu vidamanu. Goosi agakolaa kandi agaavoola gaveeye gu kuvihiliriza ku Yahova, kandi si ahaanaa viukulia ku avaveeye ninzara anoho siahaanaa ku avaveeye nu vuluhu kindu chu kunwa mba.

Isaya 48:8

Munyi simwahulira, kandi simwamanya kutura mu madiku gakale mba. Inzi ndaamanya ndi munyi muveeye avagaadi, kandi muveeye avibaali kutura mu liivulwa lienyu.

Isaya 5:7

Isiraeli eveeye kizabibu cha Yahova Wuvunyali, na vandu vi Ivuyuda vaveeye mizabibu ja Yahova yasimika. Yavalindilira vakole amalahi, navuzwa vakora uvudamanu vwu kwita. Yahova yavalindilira vakole amalungi, navuzwa vadambiza yavo avanira vanyoore vulungi.

Isaya 57:11

Yahova avoora, “avanyasaye vamutiizaa nukutihizwa ligali navo ni vanga vwaha, kunangwa muduuki kombehera kandi kwivilira inzi ligali? Munyi mumali kolekera ukuha inzi uluyali kigira ngiling'ani ku ing'inga indambi?

Isaya 58:13

Yahova avoora, “Niiva ulakola lidiku lie Lisabato kuva litakatifu, na uvuli kunyagulira agayaanziza ivi mwene ku lidiku litakatifu liange yilio; niiva ulaleka miyinzi jijo umwene nukuliha uluyali ku livula kuzia ku zing'endo, kuvula kuyinzira, anoho ku livula komolomela amakuva ga vuzwa,

Isaya 58:2

Vuli lidiku vazaa ukusigamira. Vakayilangwa kumanya zinzira ziange, kuli yavo vaveeye ihiiri ekolaa uvulungi kandi itiviliraa malago ga Nyasaye wavo. Vatevaa inzi likalaga lirungi, kandi valoreka kuva nuvuha ukwisunda ahimbi ninzi, Nyasaye wavo.”

Isaya 58:9

Lwa musaala, ndamutivulira. Lwa mwanira ku inzi ndamutivulira. “Niiva mulatuliza iniira yi lidambiza hagati hinyu, nimuleka lichaya avandi nokovoora amakuva madamanu,

Jeremia 12:8

Avandu vange vatovole vamali kusuura; vamali kufuumira kuli isimba yu mulitu, kunangwa mali kuvadunyira.

Jeremia 17:13

O, Yahova, ivi oveeye lisuuvirizwa lia avandu va Isiraeli; yavo vosi avalekaa ivi valaduuka mu zisoni. Valagota kuli amita gahandikwa hasi mu luguchi, kigira vamali koleka ivi, Yahova, oveeye kisinukiru cha mazi gi livamwoyo.

Jeremia 2:13

kigira avandu vange vamali kokora uvwoni vuviri. Vamali kugirung'ana kutura ku inzi, oveeye kisinukiru cha amazi gi livamwoyo, kandi vamali kuyava amadavalia gaavo, amadavalia gafuduka kali agatanyala kugumira amazi.

Jeremia 2:16

Yee, avandu va Mefisi na Tahapanesi vamali kwatanyia vihanga viavo.

Jeremia 2:17

Avandu va Isiraeli, mweletera uvudinyu munyi aveene! Mwandeka inzi, Yahova Nyasaye winyu, lwa ndaamwimilira munzira zienyu.

Jeremia 3:10

Inyima wivindu yivi, Yuda amwavo utaveeye musuuvirifu, wa Isiraeli yagada vuzwayirani ku inzi; siyaali nagiligali mba. Inzi Yahova mali kovora.”

Jeremia 3:20

Navuzwa kuli mukali utaveeye musuuvirifu, simuveeye avasuuvirifu ku inzi mba. Inzi Yahova mali kovora.”

Jeremia 32:40

Ndalomba lilagana liange navo lie mihiga ni mihiga. Ndazizagilira kuvakolera vindu vilahi, kandi ndavakora vatie inzi ni mioyo jaavo josi, kunangwa vavuli kugirung'ana kutura ku inzi.

Jeremia 42:20

ndi, munyi mumali kweletera uvudinyu Mwandeva musaliri ku Yahova Nyasaye wiitu kandi mwalaga ndi mulakola goosi agamulaga.

Jeremia 5:23

Navuzwa vandu munyi! Muveeye ni mioyo midinyu kandi avibaali; mumali kugirung'ana nukuzia halovega kandi muleki inzi.

Ezekieli 18:25

“Navuzwa munyi muvooraa, ‘Likora lia Yahova si liveeye lirungi mba.’ Mumbulirizi kalunu, munyi avandu va Isiraeli. Muganaganaa likora liange si liveeye lirungi? Likora lienyu nilio litaveeye lirungi.

Ezekieli 6:9

uwa valimenya mu lihaminywa. Wene yeyo vaala kanzizulizi nukumanya ndi inzi mali kuvaha mageri nukuvaviika muzisoni, kigira mioyo jaavo jitasuuvila, valeka inzi kandi vayanzilira vifananyi. Valakavihilizane aveene ku aveene kigira zimbi ni ivindu viezisoni via vamali kokora.

Hosea 1:2

Lwa Yahova yamoloma ku avandu va Isiraeli kuvitira ku Hosea lwu kutanga, yamuvolera, “Zia oserere mukali utaveeye musuuvirifu, na avana va wiivula naye valava kandi kuli mama wavo. Muliiva kuli yilio avandu vange vamali koleka Inzi na vamali kugwa avandu vataveeye avasuuvirifu.”

Hosea 11:12

Yahova avoora, “Avandu va Isiraeli vakumberizi novovehi kandi nuvugadi. Avandu vi Ivuyuda vakikiri avibaalu ku inzi, Nyasaye musuuvirifu kandi Mutakatifu.

Hosea 6:7

“Navuzwa ha Adamu vaavunaga lilaga liange, ahene yayo vavura kuva vasuuvirifu kuinze.

Hosea 7:1

“Lwa inzi nyenya kohonyia avandu vange Isiraeli nukuvakola vazizagiliri kandi, goosi agandolaa nuvuchamu vwavo kandi nizimbi ziavakola. Vagaadana aveene ku aveene; viguula muzinyumba niviva; vanuraa vandu muzinzira.

Hosea 7:13

“O, vayaayi kivi keveeye kuvo! Vamala koleka inzi kandi nukwibaala kutura ku inzi. Valadivizwa. Inzi ndeenya kuvahonyia, navuzwa vangadaa.

Amosi 6:12

Zibarasi zinyala kunyagula ku lwanda? Noho, avandu vanyara kulima zinyanza ni zing'ombe zilimaa? Navuzwa mumali kugirung'anyia likalaga lirungi kugwa limoloma lie isumu, na uvulungi kugwa uvudamanu.

Matayo 10:33

Navuzwa ku vosi ulinyambakana imbiri wa vandu, inzi kandi ndakamwambakane imbiri wa Baba wange oveeye mwigulu.

Tito 1:16

Avandu kuli yava veevoola vene vamanya Nyasaye, navuzwa vu vikolwa viavo, vamwambakanaa. Vaveeye avukuvihiririza, vatahulira kandi avataduukanaa ku miyinzi josi milahi.

Vahebraina 3:12

Muhenze vulahi, vamiitu vange, gase mwoyo mudamanu ligali kandi gwilivula kusuuvira kuli yigwo gulava mu mulala ku munyi, gwakajira yagirung'ana nokoleka Nyasaye oveeye mwoyo.

Yakobo 1:15

Maku likayirwa lilie lidamanu zana yilio liverekaa ma liivula uvwoni, nuvwoni lwa vumala kuviruka, vwivulanga likuza.

Yakobo 3:6

Kandi ululimi loveeye kuli umuliru. Loveeye kivala chu vudamanu niloveeye kilala ku vivero vietu viu muviri. Lokolaa liiva liu mundu kuva lidamanu. Luviikaa livamwoyo lilie liosi mu umuliru gutulaa mu gehena.

Joshua 24:27

Yavolera avandu vosi, “Ligina yili lilava mulolekizi wiitu. Limali kuhulira amakuva goosi ga Yahova amali komoloma. Kunangwa lilava mulolekizi ku munyi kumwizuliza kwibaala ku Nyasaye winyu.”