Isaya 59:12 - KITABU KITAKATIFU

¹² “Yahova, mahiolo giitu gaveeye manyingi imbiri woovo. Amahiolo giitu gaveeye ni kunyi kazozo, kandi kunyi kumanya uvwoni vwitu vwosi ligali.

Isaya 59:12 Iomraidhean Croise

Ezara 9:13

Kali inyima wi vindu yivi viosi vimali kokoleka ku kunyi mu lihevwa mageri kigira uvwoni vwitu nu vudamanu vwitu koveeye ni limanya ndi, ivi Nyasaye wiitu, umali kuhaana mageri ku kunyi. Navuzwa uvwoni vwitu vwali uvunyingi ligali kuvita mageri ga kumali konyoora. Nitali mulikola yaga goosi, umali kuvugilira kunyi komenya.

Ezara 9:6

Inzi ndaavoora, “O, Nyasaye, inzi mbeeye ni zisoni kuginga mutwi gwange igulu imbiri woovo. Uvwoni vwitu vumali kuva vunyingi ligali, imbiri woovo.

Nehemia 9:33

Ivi wakola vulahi nu hana mageri ku kunyi, ivi waali musuuvirifu, kali niiva kunyi kwakora uvwoni,

Zaburi 51:3

Nziyamaa ligali mahiolo gange goosi; kandi inzi manya uvwoni vwange vwosi.

Isaya 1:4

Munyi mudivi, ihiiri yuvwoni, yuvwoneku kandi avandu vadamanu! Munyi muveeye avandu vataveeye avasuuvirifu. Munyi mumali koleka Yahova Nyasaye Mutakatifu wa Isiraeli nu kumusuura.

Isaya 3:9

Lihenza lie zimoni ziavo lilorekiza kuva liu kuhing'ana. Vamali kokora uvwoni havulavu, kuli lidaala linene lia Sodoma. Vamali kudiva! Vamali kwivika mu vudamanu aveene.

Isaya 58:1

Yahova avoora, “Hanzuka vudinyu ligali kuli unyala! Kuba ulwanga kuli kisiriva! Wilwaziri avandu vange - Isiraeli mahiolo gaavo. Volera visukululwi via Yakobo uvwoni vwavo.

Isaya 64:4

Sihaveeye ho nu mundu kali mulala uwalora anoho uwahulira Nyasaye kuli ivi mba, okolaa vikolwa kuli yivi ku yavo avasuuviraa muye.

Jeremia 14:7

Avandu vange valira ku inzi ni vavoola, ‘Kali niiva uvwoni vwitu vumali kukalagira kunyi aveene, O, Yahova okokonye kuli waakusuuviriza. Kwagirung'ana kutura ku ivi haali kanyingi; kandi kwamala kokora uvwoni imbiri woovo.

Jeremia 3:2

Henza kuzindongozi zivigulu. Haveeye kuho nahavundu handi hamukikiri kuva avasuuvirifu? Mulindiliraa avayaanze kunzira kuli Muharabu alindiliraa avasigu muchangalangwe. Mumali kwononyia kivala nukuvula kuva avasuuvirifu.

Ezekieli 5:6

Navuzwa Jerusalemi limali kwibaala ku malago gange kandi limali kumanyia ndi ni Lichamu ligali kuvita zihiiri zindi, kandi siliveeye nuvuti kuvita vivala vindi viagikumberiza. Jerusalemi yasura lilaga liange kandi vavura kolonda malago gange.

Ezekieli 7:16

Ku vosi avalakahononoke valakave mu vigulu nivasioma kuli makuulu gu mumavona kigira uvwoni vwavo.

Ezekieli 7:23

“Vuli kindu keveeye muligoyana kandi kivala chizuuyi avalumindi kandi avandu vikirage vizuye madaala manene.

Hosea 4:2

Valomba malagano kandi sivatwekizaa mba. Vavoola vovehi, vita, viva, kandi vakora voheyi. Zimbi ziamedeka, kandi iliitana liveeye linyingi ligali.

Hosea 5:5

Liegingira lia avandu va Isiraeli lilolekaa muvo. Uvwoni vwavo vuvakolaa vikigitara kandi kugwa, kali avandu vi Ivuyuda vikigitara ma vaagwa harara navo.

Hosea 7:10

Liegingira lia avandu va Isiraeli livalolekiza. Kali niiva ivindu viosi viamala kwekoleka, sivayirana ku inzi Yahova Nyasaye wavo anoho konyenya mba.

Habakuk 1:4

Malago sigaveeye ni zinguru mba, kandi gaveeye vuzwa, vulungi sivokolwaa mba. Avandu vadamanu vanyoola vindu vilahi via vandu valungi, kandi vulungi vuchaminywaa.

Livalidza 32:23

Navuzwa ni mutakola kuli mwalaga, mwiganihizaa ndi, mulava ni mukoraa vwoni ku Yahova. Mutakola vudamanu kigira yaga mba; mutahevwa mageri kigira vwoni vwinyu mba.