Isaya 59:11 - KITABU KITAKATIFU

¹¹ Kwosi kufuma kuli zidubu, kuliraa vuzwa kuli amakuulu. Kwenyelerizaa likalaga lirungi navuzwa siliveeye ho mba. Kwenyelerizaa ovohonyi, navuzwa voveeye ihale ni kunyi.

Isaya 59:11 Iomraidhean Croise

Zaburi 119:150

Avadambizi valulu visunda ahimbi niinzi ligali, avandu vatahulira Amalago googo kali hakuzu.

Zaburi 119:155

Avandu vachamu si valahonywa mba, kigira si vahuliraa amalago googo mba.

Zaburi 38:8

Zinguru ziange zifeye kandi mali kuduvulanywa ligali. Mwoyo gwange goveeye mu vudinyu nzoyaa nuvuzunu vululu ligali.

Zaburi 55:2

Huliriza lisaala liange na undivulire. Inzi nduhiziywi nu vudinyu vwange.

Zaburi 85:9

Ligali Yahova yeetegeki kohonyia yavo avamuhezaa uluyali, na uvukumi vwivwe vuduuki komenya mu kivala chietu.

Isaya 38:14

Mwoyo gwange gwaali mudedekere, kandi ndasioma kuli likuulu. Zimoni ziange zialuha kigira kohenza mwigulu, O, Yahova, osoore kutura mu vudinyu yivu vwosi.

Isaya 51:20

Avana vovo vagwiyi hasi, kigira vwongoyi vaagoni mu keheri cha vuli inzira, vaveeye kuli embongo igumiliywi mu mutego gwu muhiizi. Vanyangizwa nu vutima vwa Yahova. Kandi ni ligondoka lia Nyasaye.

Isaya 59:14

Likalaga lirungi liviikiywi halovega, na uvulungi vusingiyi ihale. Agiligali gikigitaye nukuduvagwa mu viina; na uvusuuvirifu sivunyala konyoora ovogono muzio mba.

Isaya 59:8

Simumanyi zinzira zie mirembe kali hakuzu mba; kandi sihali ho ni likalaga lirungi mu zinzira zienyu mba. Mumali kwelombera zinzira ziachama. Ku vosi ogendaa kuzio sialava mu mirembe kali hakuzu mba.

Isaya 59:9

Avandu vavoola, likalaga lirungi liveeye ihale ni kunyi; na uvulungi sivoveeye mu kunyi mba. Kwenyelerizaa konyoole uvulavu; navuzwa haveeye kisundi chele; kwenyelerizanga konyoole uvwaku kogenda mu navuzwa kisundi cheng'ine keveeye ho.

Jeremia 8:15

Kwahenzelera kove mu mirembe, navuzwa uvulahi sivwaali ho mba; kandi kwahenzelera kove mu mirembe nilihonywa, navuzwa kwaali mu litihizwa.

Jeremia 9:1

Ndakayanzi niiva mutwi gwange gwakaveeye kidaho cha mazi, kandi zimoni ziange kisinukiru chamaliga, kunangwa ndakaliri mbasu nu vudiku, kigira avandu vange vamali kwitwa.

Lisyoma lya Jeremia 3:17

Inzi kumali kwimwa murembe; inzi kumali kwivilira chuvusangari voveeye.

Ezekieli 7:16

Ku vosi avalakahononoke valakave mu vigulu nivasioma kuli makuulu gu mumavona kigira uvwoni vwavo.

Hosea 7:14

Si vasaye ku inzi mugiligali mba, navuzwa muvogono yivwo vagwiza hasi aveene kandi nukulira kuli avandu vatamanyi Nyasaye. Lwa vasaala kigira vuswage ni iwaini, vetemaa aveene kuli avandu vatamanyi Nyasaye. Vamali kwibaala ku inzi!

Nahum 2:7

Mwami wi kikali ahiliywi mu vuhambe; Avatumikiri veve vasioma kuli amakuulu kandi vaduya vilitu viavo muvovereri.

Nahum 2:8

Avandu virukaa kutura mu lidaala lia Nineve, kuli amazi gaturaa mu lidavalia limali kufuduka. Lihanzuka lihulirikaa, “Singiri! Singiri!” navuzwa avulaho mundu kali mulala wirana.