Isaya 58:7 - KITABU KITAKATIFU

⁷ Musange viukulia vienyu harara na vaveeye ninzara kandi mwiguli zinyumba ku vadaka vatali na hango. Muhaane zinguvu ku yavo avatali nikindu chukwiviika, kandi mutasuula kokoonya aviiko vinyu mba.

Isaya 58:7 Iomraidhean Croise

Litanga 19:14

Maku Loti yazia ku avanavizara venya koleta avakaana veve, navavoolera, “Mukore vwangu muturi havundu hano, kigira Yahova azizaa kudiviza lidaala yili.” Navuzwa valora ndi Loti akole kehenyahenye.

Litanga 19:2

navoora, “Avami vange, inzi mbeeye hano kutumikira munyi. Mwaza yaanzi muuzi munyumba yange. Mwisaave virenge vienyu kandi musoose mu vudiku vwa lero. Maku mulatula mugambazuri.” Navuzwa zingelosi yava vaativura, “Awa, kunyi kulava hano hagati hi lidaala linene vudiku vwa lero.”

2 Kyetsinyinga 28:15

na vasaza vane yavo vaatovolwa ukuhaana zinguvu kutura mu vilaanye viagumirwa ku vahambe vaali chahonyo. Vaavaha zinguvu ni vilato ukwiviika, chukulia kandi ni linywa, kandi nivavaka maguta ga muzeituni mu zingwagu ziavo. Yavo avaari vadedekere avatanyala kogenda vanyinywa ku zibunda, na avahambe vosi viranywa mu kivala chi Ivuyuda ha Jeriko, lidaala lie misaala ji likindu. Maku avandu va Isiraeli viirana yengo wavo.

Nehemia 5:5

Koveeye avihiiri ndala nzere na Avayuda vache viitu. Avana viitu sivaveeye avalahi kuli avana vaavo? Navuzwa kunyi kumali kokora avana viitu avatugwa. Valala ku vakana viitu vamali kugulizwa ku muvutugwa. Sikoveeye niliekonya mba kigira milimi jietu ni milimi ja mazabibu jiitu jamala kuvugulwa na avandu vandi.”

Ayubu 22:7

Ivi wasuula kuhaana mazi ku yavo avaari nu uvuluhu, kandi wasuula kuhaana viukulia ku yavo avaari ni inzara.

Zaburi 112:9

Ahaanaa nuvuhaani vwosi ku avadaka, uvulungi vwivwe vuhindiraa mihiga ni mihiga. Alava ni zinguru kandi nuluyali lonene.

Tsing'ano 11:17

Mundu oveeye ni zimbavasi, aveeye nuvukara, navuzwa noveeye mululu ulisaliriza.

Tsing'ano 22:9

Mundu oveeye muhaani alagasizwa kigira ahaanaa viukulia vivie ku vadaka.

Tsing'ano 24:11

Okonye avandu vaveeye ahimbi kwitwa, kandi wilanyie yavo avazizaa kwitwa.

Tsing'ano 25:21

Niiva vasigu vovo vaveeye ninzara, uvahe chukulia; nivaveeye nuvuluhu, uvahe chavanwa

Tsing'ano 28:27

Mundu uhaanira ku vadaka, sialadaka mba, navuzwa oyo wivisaa kutura ku vadaka vandu vanyingi valamulaama.

Isaya 58:10

nimuhaana viukulia ku avinzara nuvuhaani vwosi, nukwigutiza lienya lia yavo avaveeye mu kivi, hene yaho uvulavu vonene vulamwakira mu zing'inga zie kisundi, kisundi chienyu kilava kuli mbasu hagati.

Jeremia 22:3

“Inzi Yahova, mulaga mukore likalaga liveeye lirungi kandi liu vulungi. Mukingi mundu umali kunuurwa kutura ku munuri. Mutakola uvudamanu anoho mutadambiza avageni, avavisandu anoho avakunzakali mba. Mutiita avandu vataveeye nimbara havundu yaaha mba.

Ezekieli 18:16

anoho kudambiza mundu woosi anoho kwiva, kandi atungi magovi geege, kandi ahaane viukulia ku vaveeye ninzara, kandi ahaane zinguvu ku vaveeye niviahonyo,

Ezekieli 18:7

Mundu uyu siadambizaa mundu woosi mba, navuzwa atungaa magovi geege; siaveeye munuri, navuzwa ahaanaa viukulia ku vaveeye ninzara, kandi ahaanaa zinguvu ku vaveeye niviahonyo.

Danyeli 4:27

Kunangwa O, Mwami, olonde miigizu gange oleke kokora uvwoni, okole gaveeye malungi kandi ove nizimbavasi ku vadaka. Maku ulazizagilira kuva mu vutugi vunyingi.”

Luka 11:41

Navuzwa, muhaane vindu eveeye mugati mwi vikombe kandi mu zisahani ku ni ivindi viosi vilava vilahi ku munyi.

Luka 19:8

Navuzwa Zakayo yasingira navolera Mwami, “Hulira, Mwami! Ndahaana inusu yi vindu viange ku avadaka, kandi niiva ndaavugura kindu choosi chu mundu kali mulala nuvugadi, ndamwiranyira haali kane.”

Luka 3:11

“Oveeye ni zinguvu ziviri ahaane ku oyo utali nayo; na oveeye ni viu kulia akole ndio.”

Vikolwa 16:15

Inyima wu mukali oyo harara navinyumba yeye vaali nivakabatizwa, yakwingiriza navoora, “Hambi mumenye munyumba yange niiva mumali kolola ndi mbeeye musuuviri wiligali mu Mwami. Yakogoonya kuzie naye.”

Vikolwa 16:34

Ma, yavugula Paolo na Sila navahira munyumba yeeye, navaha viukulia. Oyo harara na avinyumba yeeye vasangala ligali, kigira vaali nivamali kusuuvira Nyasaye.

Varumi 12:13

Mukoonye Vakrisitayo vache mu vudaka vwavo. Muve avingirizi vavageni kandi avihuli vizinyumba zienyu.

Kwidzulitsa 22:1

“Niiva olola eng'ombe anoho ligondi liu mundu wa Isiraeli wache niligota utalileka ligote mba, navuzwa ulilanyie ku mwene.

Filemona 1:7

Amiitu wange umuyanze ndaali nu vusangali uvunyingi kandi kelema mwoyo kigira uvuyanzi vuvwo! Ivi umali kusangaliza mioyo ja vandu va Nyasaye.

Vakalagi 9:2

“Galiha ga munyi mwenya? Vamiifwi na vayaayi vosi sabwini va Gidioni, anoho vamifwi nu mundu mulala yenyine? Mwizurizi ndi, Abimeleki ni inyama na masahi ginyu.”