Isaya 57:5 - KITABU KITAKATIFU

⁵ Munyi musigamiraa avanyasaye vahaana ulwivulu nokokola ovoheyi isi wi misaala mitakatifu jinyu yijo. Mwitaa vana vinyu kuli visiuviliru mu zimbangaywa zie zinyanda ahimbi numugera.

Isaya 57:5 Iomraidhean Croise

1 Avami 14:23

Vumbaka havundu hukusigamira vanyasaye vuvugadi, kandi nivumbaka minaara ja magina kandi nivifananyi viu munyasaye wikikali Ashera, wavasigamira ku vigulu kandi mu viliiri vie misaala.

2 Avami 17:10

Ku vigulu viosi kandi isi wa sa mulala ku misaala josi mivisi, vumbaka minaara ja magina kandi vifananyi viu munyasaye Ashera.

2 Avami 17:7

Lidaala linene lia Samaria liaguutwa kandi ni ligumirwa kigira Visiraeli vakora vwoni ku Yahova Nyasaye wavo, uwavahonyia kutura ku mwami wa Egebeti kandi uwavatuliza mu kivala cha Egebeti. Vasigamira avanyasaye vandi,

2 Avami 23:10

Mwami Josia kandi yononyia Tofezi, havundu hu kusigamira ha vandu vatamanyi Nyasaye, mu Livona lia Hinomu, kunangwa avuli kuva ho nu mundu uhaana mwana muyaayi weve anoho mukaana kuli kisiuviriru chu kusambwa ku munyasaye Moleki.

2 Kyetsinyinga 28:3

Yasamba kimuli mu Livona lia Hinomu, kali yahaana avayaayi veve kuli visiuviliru viukusambira misambwa, kolondekana ni likora liukuvihiliriza lie zihiiri zia Yahova yakunga kutura mu kivala imbiri wa avandu va Isiraeli.

Kutwula 32:6

Mugambazuri lidiku lialonda ku valeta zinyama ziukusamba kuli visiuviliru kandi zindi kuli zisadaka zie mirembe. Avandu viikara hasi kulia, nivanwa, nivavina; vagirung'ana ni vakora voheyi.

Isaya 1:29

Mulava novovereri ndi mwasigamira misaala nukutaga misaala mu milimi mitakatifu.

Jeremia 17:2

Avandu vinyu vasigamira vifananyi via vamali kolomba kigira umunyasaye wikikali Ashera: Kuvwaali, isi wa vuli musaala muvisi, kuzindongozi ziu kutugulu

Jeremia 2:20

Mwami Munene Yahova avoora, “Munyi avandu va Isiraeli, madiku ga kale mwasuura zinguru ziange; mwasuura kutia kandi nu kusigamira inzi. Yee, ku vuli vigulu vitambi, kandi isi wa vuli musaala gwa amatu amavisi, mwasigamira avanyasaye.

Jeremia 3:13

Mwiyame muveeye namahiolo kandi mwayibaala ku inzi Yahova Nyasaye winyu. Mwiyame ndi hasi himisaala jia amatu mavisi mwayanza avanyasaye vageni kandi simwatia malago gange mba. Inzi Yahova mali kovora.

Jeremia 3:6

Yahova yambolera mu madiku giliamiiha liumwami Josia, “Ololi aga Isiraeli, mukali utaveeye musuuvirifu oyo akoli? Agirung'ani kutura ku inzi, kandi kukigulu choosi kitambi kandi isi wu musaala muvisi gwosi akoli kuli utaveeye musuuvirifu.

Jeremia 32:35

Vamali kwumbakira Baali uvwali mu livona lia Hinomu, vaduuki kuhaanira umunyasaye Moleki avayaayi vaavo kandi avakaana vaavo vave kuli visiuviliru. Inzi si ndaavalaga vakole yaga mba, kandi si gaali ku kali muziganagani ziange vakole vindu kuli yivi nokolomba avandu vi Ivuyuda kokora uvwoni mba.”

Jeremia 50:38

Muleete kemeyi mukivala chavo kandi mwuminyi migera jaavo. Babiloni nikivala keveeye nivifananyi viukutihiza, iviamala kokora avandu kugwa avasilu.

Jeremia 51:7

Avandu va Babiloni vaali kuli kekombe chi zahabu mu mukono gwange, ichaloomba kivala choosi kuhambika. Zihiiri zianwa iwaini ma nivararuka.

Jeremia 7:31

Vamali kwumbaka uvwali vulaangwa ‘Tofezi’ mu livona liu mwana wa Hinomu, kunangwa vaduuki kuhaana avayaayi vaavo na avakaana vaavo vasambwe mu muliru kuli visiuviliru. Inzi si ndaavalaga vakore yaga mba, anoho si gaali mu zing'anagani ziange mba.

Ezekieli 16:20

“Maku mwavugula avayaayi navakaana vinyu avamwanzivulira nimuvahaana vave kuli visiuviliru vie chukulia ku ivifananyi. Uvulaya vwinyu sivwaduukana mba?

Ezekieli 20:26

Ndaaleka veyonogonye ni vihaanwa viavo, kandi nivahaana vana vaavo vayaayi vukutanga kwivulwa kuva kisiuviriru. Ndaakola yaga kunangwa vaduuki konyoora mageri kandi vaduuki kumanya ndi inzi mbeeye Yahova.

Ezekieli 20:28

Ndaavaleta mu kivala cha ndaali nindaviisuhira ndavaha, valora vigulu vitambi kandi misaala ja matu mavisi, nivahaana visiuviliru kuvio viosi. Vaangora kuva nu vutima kigira visiuviliru via vasamba kandi iwaini ya valeta kuva kihanwa.

Ezekieli 20:31

Kali kalunu muhaanaa vihaanwa vilala viere kandi mweyonogonyia munyi aveene ni vifananyi vilala viere nu kuhaana vana vinyu avayaayi kuvio mu muliru. Maku munyi avandu va Isiraeli mukizizagiliraa koteeva ndi lienya liange liveeki? Inzi ligali kuli mbeeye Mwami Munene Yahova, mbeeye Nyasaye omenya, si ndavugilira munyi kondeeva kindu mba.

Ezekieli 6:13

Miviri jaavo mikuzu jilakasalanywi hagati hi vifananyi kandi ku vwali vwosi, najisalanywi ku vuli tugulu tutambi, kondongozi ya vuli kiguru, isi wumusala gwosi umuvisi kandi nu muduguyu gwosi munene, na havundu hoosi aha vasambira visiuviliru ku vifananyi viavo. Maku vuli mundu namanyirizi ndi inzi mbeeye Yahova.

Kyavalevi 18:21

Utahaana mulala ku avana vovo kuva kisiuviriru ku nyasaye ulangwa Moleki mba, kigira yago galaleta zisoni ku lieta lia Nyasaye.

Livalidza 25:6

Mulala wa Isiraeli yavugula mukali wa vandu wa Midia na muhiraa mu lihema lilie imbiri wa Musa ni kiduma choosi, lwa vaali ni vasiomaraa ha vwingiliru vwi lihema lia Yahova.

Kwidzulitsa 12:2

Gamudukira ligali havundu hoosi ha avandu vi zihiiri zindi vaasigamira avanyasaye vaavo ku vigulu vitambi, nokutugulu kandi isi wi misaala mivisi.

Likunula 18:3

Zihiiri ziosi ziahambikizwa kigira iwaini induru yo ovoheyi vwalio; Avami vilirova vakora cho voheyi nalio. Akiranyi kutura mu lirova liosi avagwiyi avatugi, kigira livula kwigalira ovoheyi vwavo.”