Isaya 57:19 - KITABU KITAKATIFU

¹⁹ Mbana mirembe ku vosi, vombi vaveeye ihale na avaveeye ahimbi! Inzi ndahonyia avandu vange.

Isaya 57:19 Iomraidhean Croise

Isaya 26:12

O, Yahova, ulakuha ligasizwa; vindu viosi viakonyoolaa viveeye miyinzi ja makono googo.

Isaya 26:3

Ivi, Yahova, uhaane mirembe midukiru ku yavo aviziganagani ziveeye zindukiru. Kandi vaviika lisuuvira liavo mu ivi.

Isaya 32:17

Kigira vuli mundu alakola agaveeye amalungi, mirembe ni likingwa vilavaho mihiga ni mihiga.

Isaya 50:4

Yahova Nyasaye umali kumba amakuva gokovoola, kunangwa nduuki kuhaana zinguru kandi kudinyiriza avadedekere. Yambukizaa vuli mugambazuri, kunangwa nduuki kuhulira agazizaa kunzigiza.

Isaya 51:16

Mali kuviika makuva gange mu munwa gugwo, nguvisi mu chiriri chu mukono gwange; ndaavambura ligulu niinzava muse gwi lirova, mbolera munyi avandu va Jerusalemi: ‘Munyi muveeye avandu vange.’ ”

Isaya 59:21

Ndalomba lilagana liange ni munyi: Mali kumuha zinguru ziange kandi amigizu gange kuva aginyu mihiga ni mihiga. Kutura kalunu, gamudukira muhuliri inzi kandi mwigize avana vinyu kandi visukululwi vienyu vaambuliri zing'inga ziosi.”

Isaya 6:7

Na yaadira munwa gwange ni lianda liu muliru zana navoora, “Yili limali kudiira munwa gugwo, na kalunu mahiolo googo gatuliziywi ho kandi uvwoni vuvwo vusamihiywi.”

Jeremia 30:17

Inzi ndamukora muve vulahi kandi; ndahonyia zingwago zienyu, kali nbiiva vasigu vinyu vavoola, ‘Ziyoni imali kolekwa; umundu kali mulala sialivahendera mwoyo mba.’ Inzi, Yahova mali kovora.”

Jeremia 33:6

Navuzwa ndahonyia lidaala yili kandi ndilanyia avandu valio nu kuvaha uvulamu. Valamenya mu mirembe kandi mu likingwa liange.

Hosea 14:2

Mwirane ku Yahova na musaale lisaala yili kuye kuli kihanwa: “Ukusamihi uvwoni vwitu vwosi kandi uvugiliri lisaala lietu. Kunyi kulakwizominya kuli kumali kulaga.

Hosea 14:5

Inzi ndava ku avandu va Isiraeli kuli imbura mu kivala chumu. Valalaviza vimuli kuli amaua; valahila miri kuli misaala ja Lebanoni.

Zefania 3:9

“Maku ndakagilunganyie vandu vi zihiiri ziosi, kandi valakasaale kuinzi kandi sivalisaala ku vanyasaye vandi mba. Vosi valakatie inzi.

Zekaria 9:10

Yahova avoora, “Ndakatulizi magare gu vulwani kutura mu Isiraeli, kandi ndavugura zibarasi kutura mu Jerusalemi; ndakononyie uvuta vwu vulwani. Mwami winyu alakaleete mirembe hagati hi zihiiri, alakamiihi kutura ku inyanza kuduuka ku inyanza, kandi kutura ku mugera gwa Efurate kuduuka ku keheri chi lirova.”

Matayo 10:13

Aveene inyumba nivavugilira mirembe jinyu, mirembe jinyu jilamenya harara navo. Navuzwa nivatavugilira, mirembe jinyu jilamwilanira munyi aveene.

Marko 16:15

Yavavolera, “Muzie mu lirova liosi kandi mwilwaze Ivangeri ku avandu vosi.

Luka 2:14

“Uvukumi voveeye igulu mwigulu ku Nyasaye, ni mirembe mu kivala ku avandu ava ya yaanza!”

Luka 21:15

Kigira ndakahaane ku munyi amakuva kandi ovogeri vwa avasigu vinyu valivula kuhangaliza anoho kuhing'ana na aga muvooraa.

Vikolwa 10:36

Yili ni likuva lia Nyasaye yaahilira avandu va Isiraeli, ni yilwaza Ivangeri yi mirembe kuvitira mu Yeso Kristo, oveeye Mwami wa vosi.

Vikolwa 2:39

Kigira lisuuvirizwa lia Nyasaye lialomberwa munyi, nu ku avana vinyu, kandi ku vosi avamenyaa ihale, nuku vosi avu Mwami Nyasaye wiitu alaangaa vaze kuye.”

Vafeso 2:13

Navuzwa kalunu, mu Kristo Yeso munyi avamwali ihale maziambiri, muleeteywi ahimbi kuvitira mu masahi ga Kristo.

Vafeso 6:19

Musaliri kandi kunangwa Nyasaye aduuki kuhaana ku inzi chanyala kovora lwa moloma nuvuluviliri, nokuvuula agaviswa gi Ivangeri.

Vahebraina 13:15

Gendi kuvitiri mu Yeso, kuhaane ku Nyasaye kisiuviriru chi lizominya lietu kazozo, agaveeye kovora, kisiuviriru kihaanangwa ni minwa jiyama lieta lilie kuli Mwami.