Isaya 57:18 - KITABU KITAKATIFU

¹⁸ “Mali kolola kuli vaakora, navuzwa ndavahonyia uvulwaye vwavo. Ndavimilira nukuvakoonya, kandi ndaleminya mioyo jia yavo avasioma.

Isaya 57:18 Iomraidhean Croise

Zaburi 23:2

Anzimilira ahanzia kogona mwirago; ambilaa kuduuka ahimbi ha mazi galengeye.

Zaburi 51:12

Unzilanyili uvusangari uvutulaa ku vohonyi vuvwo, na ongole mbe ukuhulilaa.

Zaburi 94:19

Lwa mbezaa mu linyang'ana nilihenda mwoyo, oneminyaa mwoyo kandi usangalizaa.

Kohelethu 9:4

Navuzwa uyu oveeye mwoyo mu kivala chu vulamu aveeye ni lisuuvirizwa; imbwa eveeye mwoyo eveeye indahi kuvita isimba ikuzi.

Isaya 1:18

Yahova avoora, “Kalunu, hambi kuhulirizane mu makuva yaga. Kali uvwoni vwinyu nivoveeye vwakanyu ligali ndamwogiza mulave kuli likonza; kali nivoveeye vwakanyu ligali kuli masahi, mulava avalavu kuli ipamba.

Isaya 12:1

Lidiku liizaa lwa vandu valimba, “Nzizominyaa ivi, Yahova! Ivi waali nu vutima ninzi, navuzwa uvutima vuvwo vutuli ho, na kalunu umali koneminya mwoyo.

Isaya 19:22

Yahova alakahaane amageri ku vandu va Egebeti, navuzwa alakavahonye kandi. Valirana ku Yahova, alahulira amasaala gaavo nukuvahonyia.

Isaya 30:18

Navuzwa Yahova alindiliraa kumuvererera zimbavasi. Aveeye mwetegeke kumanyia zimbavasi ku mwinye kigira akolaa agaveeye malungi kazozo. Vaveeye nu vugasu yavo avasuuviraa mu Yahova.

Isaya 30:26

Uvulavu vwu mweli vulakave kuli uvulavu vwi liuva, na uvulavu vwi liuva vulakamedeke haali saba kuvita kazozo, kuli uvulavu vwa amadiku saba mu lidiku lilala. Yaga goosi galakekoleke lwa Yahova avoheleraa nokohonyia zing'oma ziamali kuha avandu veve.

Isaya 49:10

Sivalakave ninzara anoho uvuluhu mba. Sivalasalirizwa nuluya lwu muchangalangwe anoho umuvasu sigulavasamba kandi mba, valimilirwa nu mulala uvayaanzaa. Alakavimiliri kali kuduuka ha visenukiru via amazi.

Isaya 51:12

Yahova avoora ndi, “Inzi niyie ukuhezaa zinguru; kigira ki utizaa mundu akuza, kuli vunyasi?

Isaya 52:12

Ing'inga yiyi simulatula kuzia vwangu vwangu; simulava nimugerizaa ukwiruka mba. Yahova Nyasaye winyu alamwimilira kandi alamukinga ku zimbega ziosi.”

Isaya 53:5

Navuzwa yatumitwa kigira uvwoni vwitu. Yaasalirizwa kigira uvudamanu vwitu. Ku lihevwa mageri lilie, kunyi konyoole livamwoyo, ku likuywa lilie, kunyi kohoni.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 58:11

Inzi Yahova, ndamwimilira kazozo kandi ndigutiza lienya lienyu nivindu vilahi. Ndamukora muve ni zinguru kandi ovulamu mu miviri jinyu; na munyi mulava kuli milimi jisamwa amazi manyingi, kuli kisinukiru cha mazi gacho gatakamaa mba.

Jeremia 13:17

Niiva simulahulira, inzi ndakaliri mu vwivisu kigira liegingira lienyu ndakaliri nuvululu kandi maliga gange galakidoreke, kigira avandu va Nyasaye vamali kuhirwa ihale mu avahambe.

Jeremia 3:22

Mwirane, munyi vosi avamali kugirung'ana kutura ku Yahova; alamuhonyia nukumukola kuva avasuuvirifu. Muvooraa, “Yee, kuuza ku Yahova kigira aveeye Nyasaye wiitu.

Jeremia 30:17

Inzi ndamukora muve vulahi kandi; ndahonyia zingwago zienyu, kali nbiiva vasigu vinyu vavoola, ‘Ziyoni imali kolekwa; umundu kali mulala sialivahendera mwoyo mba.’ Inzi, Yahova mali kovora.”

Jeremia 31:3

Inzi ndaaloleka kuvo kutura ihale. Avandu va Isiraeli, inzi muyanzaa kazozo, kunangwa ndazizagilira kumumanyia uvuyanzi vwange vutaveeye nekeheri.

Jeremia 33:6

Navuzwa ndahonyia lidaala yili kandi ndilanyia avandu valio nu kuvaha uvulamu. Valamenya mu mirembe kandi mu likingwa liange.

Zekaria 1:13

Yahova yativulira engelosi makuva go koleminya mwoyo.

Luka 15:20

Kunangwa yasingira natanga logendo lwu kwirana ku baba weve. “Navuzwa lwa yaali nakikiri ihale, baba weve yamulola, kandi yamuvererera. Yanyagula, naamukumbelera kandi namuvusavusa.

Varumi 5:20

Lilaga liaza liduuki komeeda vudamanu; navuzwa hu vwoni vwameedeka, zimbavasi zia Nyasaye ziamedeka ligali kuvita.

Likunula 7:17

Kigira Mwana wi Ligondi oveeye hagati hendeve yu uvwami alava mwayi wavo, kandi alavimilira kuduuka ha amazi gi livamwoyo gasinukaa. Nyasaye aleeya amaliga goosi mu zimoni ziavo.”