Isaya 56:4 - KITABU KITAKATIFU

⁴ Yahova avooreraa ku mundu kuli uyu ndi, “Niiva ulamba luyali ku liliinda Lisabato, na niiva ulakola aganyaanzizaa kandi nukulinda lilagana liange nu vusuuvirifu vwosi,

Isaya 56:4 Iomraidhean Croise

2 Samweli 23:5

Kandi nindio Nyasaye aligasiza kisukururwi change, kigira umali kolomba lilagana lie mihiga ni mihiga ninzi, lilagana ililivula kuvunanywa, lisuuvirizwa ililivula kugirung'anywa. Yicho nicho choosi (ichanzegombaa); ikiliva liguuta liange, Na Nyasaye alakakitwekizi.

Zaburi 119:111

Amalago googo gaveeye miandu jange ji mihiga ni mihiga; gaveeye uvusangari vwu mwoyo gwange.

Zaburi 25:10

Yahova yimiliraa vosi nu vusuuvirifu, kandi nuvuyaanzi yavo voosi avagumira lilagana lilie kandi avahulira malago geege.

Isaya 27:5

Navuzwa niiva avasigu va vandu vange valeenya likingwa kutura ku inzi, leki valombe mirembe ninzi. Yee, leki valombe mirembe ninzi.”

Isaya 55:3

“Muhulirizi kalunu munyi avandu vange, na muuzi ku inzi; muuzi ku inzi; na mulava ni livamwoyo! Ndalomba lilagana lihindiraa mihiga ni mihiga ni munyi, kandi ndamuha uvugasu vwa ndasuuviriza kuhaana ku Daudi.

Isaya 56:2

Ndagasiza ligali yavo avalindaa Lisabato na sivaliononyiaa mba. Ndagasiza yavo avatakola uvudamanu.”

Isaya 56:6

Kandi Yahova avoora ku avageni yavo aviihambanyiaa ku vandu veve, avamuyanzaa nukumutumikira, avalindaa Lisabato nukulinda Lilagana lilie nu vusuuvirifu vwosi:

Isaya 58:13

Yahova avoora, “Niiva ulakola lidiku lie Lisabato kuva litakatifu, na uvuli kunyagulira agayaanziza ivi mwene ku lidiku litakatifu liange yilio; niiva ulaleka miyinzi jijo umwene nukuliha uluyali ku livula kuzia ku zing'endo, kuvula kuyinzira, anoho ku livula komolomela amakuva ga vuzwa,

Jeremia 50:5

Navalateeve inzira izizaa Ziyoni ma navazie mulovega lwene yilwo. Valalomba ninzi lilagana litaveeye nekeheri kandi sivaaza valivunanyie mba.

Luka 10:42

Navuzwa kindu kilala vuzwa nicho chenyekaa. Maria atovooye kindu kilahi, ichalivula kunyagwa mba.”

Vahebraina 6:17

Kandi, Nyasaye yatovola kutwekiza lisuuvirizwa lilie ni liesuuha. Nandio yamanyia havulavu yavo valinyoola miandu ndi amakuva geege sigaveeye niligirung'ana, maku yavika liesuuha hagati haavo.

Joshua 24:15

Niiva simwenya kutumikira Yahova, mutovole kalunu ndi ni munyasaye ki wa vanyasaye va avaguuga vinyu vasigamira mu Mesopotamia na vanyasaye va vandu va Amori vasigamira mu kivala cha mumenyi mu kalunu. Navuzwa inzi harara na vandu vinyumba yange, kumali kotovola kutumikira Yahova.”