Isaya 55:8 - KITABU KITAKATIFU

⁸ Yahova avoora ndi: “Zing'anagani ziange siziveeye kuli zing'anagani zienyu mba, kandi zinzira ziange siziveeye kuli zinzira zienyu mba,

Isaya 55:8 Iomraidhean Croise

2 Samweli 7:19

Nitali kalunu okolaa kali amanyingi ligali kuvita, O, Yahova umali kolomba lilagana kigira visukululwi viange mu mihiga jizaa. Oleki kandi mundu kolola yaga, O, Yahova Nyasaye Wuvunyali! Nyara komeeda kovora ki ku ivi!

2 Avami 5:11

Navuzwa Naamani yatura ho nu vutima ovonene navoora, “Nganaganangi ndi alatula ichova kuuza ku inzi, asaale ku Yahova Nyasaye weve, kuhavatiza mukono gwigwe ahe liguli liveeye no kombonyia ovogere vwange!

Ayubu 35:5

“Henza igulu mwigulu na olole, kandi olole amalesi gaveeye igulu kuvita ivi!

Zaburi 25:10

Yahova yimiliraa vosi nu vusuuvirifu, kandi nuvuyaanzi yavo voosi avagumira lilagana lilie kandi avahulira malago geege.

Zaburi 33:11

Navuzwa lilohiza lie zing'anagani zia Yahova zihindiraa mihiga ni mihiga. Zing'anagani zizie zimenya mihiga ni mihiga.

Zaburi 40:5

O, Yahova Nyasaye wiitu, Ivi wamala kongolera vindu viokogenyia vinyingi; sihaveeyeho nu mulala kuli ivi mba! Viveeye vinyingi ligali ivitanyala kuvalizwa.

Zaburi 92:5

O, Yahova, vikolwa vivio viveeye vinene ligali! Zing'anagani zizio ziveeye ziu musi ligali!

Tsing'ano 21:8

Inzira yumundu mudamanu eveeye yu vuchamu, navuzwa inzira yumundu mulungi eveeye inungi.

Tsing'ano 25:3

Siunyala kumanya zing'anagani ziumwami mba; zing'anagani zizie ziavita zigangani zietu. Zing'anagani zizie ziveeye kuli muvwelofu vwumwigulu, anaho mululiva lwinyanza.

Isaya 14:24

Yahova Wuvunyali wisuhi ndi: “Ga inzi mali kolohiza galakoleka, kandi ga mali kotovola gekoleke galekoleka.

Isaya 53:6

Kunyi kwosi kuli magondi agaali nigagota, kandi vuli mulala ku kunyi nazizaa kunzira yeye mwene. Navuzwa Yahova yamudwika amageri, amageri aga kunyi aveene kwadukana koheevwe.

Isaya 58:13

Yahova avoora, “Niiva ulakola lidiku lie Lisabato kuva litakatifu, na uvuli kunyagulira agayaanziza ivi mwene ku lidiku litakatifu liange yilio; niiva ulaleka miyinzi jijo umwene nukuliha uluyali ku livula kuzia ku zing'endo, kuvula kuyinzira, anoho ku livula komolomela amakuva ga vuzwa,

Isaya 65:2

Inzi mali kwetegeka vuli kazozo kwingiliza wange avandu vaveeye vibaali, avagendaa kuzinzira zitaveeye zindahi, kandi avalondaa iziganagani ziavo aveene.

Isaya 66:18

Inzi manyirizi zing'anagani ziavo, kandi miyinzi jaavo. Inzi nziza kuvungiza avandu vi zihiiri ziosi harara. Lwa navaze harara, valakalole likora lie zinguru ziange,

Jeremia 3:1

Yahova yavolera avandu va Isiraeli: “Niiva umundu alakunga mukali weve, naamuleke agwi mukali wu musaza wundi, sianyala kumwiranyia kandi mba. Yaga galononyia kivala ligali. Navuzwa munyi avandu va Isiraeli mwasigamira avanyasaye vandi vanyingi, kalunu mwenya mwirane ku inzi!

Ezekieli 18:29

Navuzwa munyi avandu va Isiraeli muvooraa, ‘Likora lia Yahova siliveeye lirungi mba.’ Musuuviraa inzira yange sieveeye inungi? Inzira yenyu niye itaveeye inungi.

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Hosea 14:9

Yavo avaveeye novogeri gavadukiraa vamanyirizi vindu yivi, kandi vaviviki mu zing'anagani ziavo. Kigira zinzira zia Yahova ziveeye zinungi. Avandu vaveeye avoni valikigitara kandi valagwa. Avandu vaveeye avalungi valangenda kuzio.

1 Samweli 16:7

Navuzwa Yahova yamuvolera, “Utahenza ku vutambi kinga ku vulahi vwi ligondo lilie mba. Mali kumusuura, kigira inzi sindora kuli mundu alolaa mba. Umundu aheenzaa ku ligondo liukwiigulu, navuzwa inzi mbenzaa ku mwoyo.”