Isaya 55:7 - KITABU KITAKATIFU

⁷ Avadamanu valeke zinzira ziavo zindamanu. Avandu vachamu valeke zing'anagani ziavo ziuvuchamu viirane ku Yahova Nyasaye wiitu kigira aveeye wi zimbavasi vavererera; kandi aveeye mwangu kusaamiha.

Isaya 55:7 Iomraidhean Croise

Litanga 6:5

Lwa Yahova yalora kuli vuli umundu yaali muchamu ku lirova kandi kuli zing'anagani ziavo ziali zindamanu vuli ing'inga,

2 Kyetsinyinga 15:2

ma yazia kwagana nu mwami Asa. Yamuvolera, “Mbulirizaa, mwami Asa harara na vandu vosi vi Ivuyuda na Benjamini! Yahova aveeye harara na munyi lwa mukikiri harara naye. Niiva mulenya Yahova mulamunyoola, navuzwa niiva mulatula kuye, naye alamuleka.

2 Kyetsinyinga 15:4

Navuzwa lwu vudinyu vwaduuka, virana ku Yahova, Nyasaye wa Isiraeli. Venya Yahova nivamunyola.

2 Kyetsinyinga 30:6

Avatumwa vatura kuzia ichova ku lilaga liu mwami na vanene veve mu kivala choosi chi Vuyuda na Isiraeli na makuva yaga: “Avandu va Isiraeli, mu mali kohona kutura ku liguutwa lie kivala cha vandu va Siria. Kalunu mwirane ku Yahova, Nyasaye wa Aburahamu, Isaka na Yakobo, na alirana ku munyi avatigara,

2 Kyetsinyinga 33:13

Nyasaye yaavugilira lisaala lia Manase, ma ku namuleka yirani Jerusalemi nukwaamiiha kandi. Yaga gamanyia Manase ndi Yahova aveeye Nyasaye.

2 Kyetsinyinga 7:14

niiva vasaala ku inzi nukwiganira kandi vagirung'ane kutura ku vudamanu vwa vakolangi, maku nda vahulira mwigulu nu kusamiiha uvwoni vwavo, nokokola kivala chavo keve nilizizagilira lilahi imbiri niligasizwa.

Ayubu 22:23

Wirane ku Nyasaye Wuvunyali kandi wegehize kuye, kandi utulize uvudamanu vwosi munyumba yooyo.

Zaburi 130:4

Navuzwa ivi ukusamihaa uvwoni vwitu, kunangwa kunyi kuduuki kuva nu vuti vonene kuive.

Zaburi 130:7

O, Isiraeli, musuuviri mu Yahova, kigira uvuyanzi vwivwe voveeye vwa kazozo; kandi avugiliraa kohonyia kunyi kazozo.

Zaburi 51:1

O, Nyasaye, ombere zimbavasi kolondekana nu vuyanzi vuvwo uvutali nekeheri. Tuliza ho uvwoni vwange kolondekana nu uvunyingi vwi livererera liilo!

Zaburi 66:18

ndava wavisa uvwoni mu mwoyo gwange, ngano Yahova si yahulira lisaala liange mba.

Tsing'ano 28:13

Mundu uvisaa vwoni vwivwe si alagasizwa mba, navuzwa oyo wiyama no koleka vwoni alanyoola zimbavasi kutura ku Nyasaye.

Isaya 1:19

Niiva muratia inzi, mulalia vindu vilahi vie kivala.

Isaya 14:1

Yahova alavelerera avandu veve Isiraeli, kandi alavatovola vave avandu veve omwene. Alavavika vamenye mu kivala chavo aveene, kandi avageni valaza komenya harara navo.

Isaya 21:12

Ndaativura, “Umugamba guzaa, navuzwa uvudiku vulilana kandi. Niiva wenyaa koteeva kandi, wirane ma oteeve.”

Isaya 31:6

Yahova yavoola, “O, munyi avandu va Isiraeli, mumali kokora uvwoni imbiri wange nu kuhing'ana ninzi; navuzwa kalunu mwirane ku inzi!

Isaya 32:7

Mundu muyingu aveeye mudamanu kandi akolaa vindu vidamanu. Alohizaa mu vwivisu aduuki kudiviza avadaka na amakuva gu vugadi, kandi ahingiraa vadaka vavuli konyoora uvulungi vwavo.

Isaya 40:2

mudinyirizi avandu va Jerusalemi. Muvavoolere ndi uvusaaliri vwavo vumali kohera na kalunu mali kuvasamiiha uvwoni vwavo vwosi, kandi mali kuhaana mageri gange kuvo kigira uvwoni vwavo vwosi.”

Isaya 43:25

Inzi mbeeye Nyasaye usamiihaa vwoni vwinyu; kandi ngolaa yaga kigira ku lwa inzi mwene. Sindizuliza uvwoni vwinyu kandi mba.

Isaya 44:22

Mali kweya vwoni vuvwo kuli lilesi. Wirane ku inzi, kigira mali kokohonyi.”

Isaya 54:10

Vigulu vinyala kutura ho, utugulu tunyala kutulizwa ho, navuzwa zimbavasi ziu vuyanzi vwange vutali ne keheri sivulatula ku ivi kali hakuzu mba. Lilagana liange lie mirembe sililatulizwa ho mba.” Inzi Yahova overereraa ivi mali kovora.

Isaya 54:8

Ndaagirung'ana kutura ku ivi mu vutima vonene ku ing'inga engekeeke, navuzwa kalunu ndakumanyia uvuyanzi vwange vutali nekeheri. Nindio Yahova ohonyiaa.

Isaya 58:6

“Liiva lie lihonga lilia lia nyenya ni yili: Mutulizi ho minyororo ji lidambiza kandi iniira yi likalaga litali lirungi, na muleke avadambizwa navatugwa vave vavoholole.

Isaya 59:7

Munyagulaa zimbiru kuzia kokora uvudamanu; muveeye avangu ukwita avandu vatali nimbara. Zing'anagani ziavo ziveeye zing'anagani ziuvudamanu. Hoosi ha muzia mulekaa ho lidivizwa.

Jeremia 3:14

“Mwirane munyi avandu avataveeye vasuuvirifu; muveeye avange. Ndaavugura mulala kumunyi kutura muvuli lidaala kandi vaviri kutuura muvuli ihiiri, kandi nda mwiranyia ku kiguru cha Ziyoni.

Jeremia 3:3

Yiki nicho chagira imbura nivula kukuba kandi imbura ying'inga yilisembera nivula kuuza. Kali muheezaa kuli avataveeye avasuuvirifu; muvura zisoni.

Jeremia 4:14

Avandu va Jerusalemi, mutulizi uvudamanu mumioyo jinyu, kunangwa muduuki kohonywa. Mulazizagilira kuva niziganagani ziuvwoni kuduuka ing'inga ki?

Lisyoma lya Jeremia 3:40

Leki kogelizi kandi kwehenzelizi zinzira zietu, kandi kwirane ku Yahova!

Ezekieli 14:6

“Kulwayago, ovoolere avandu va Isiraeli aga inzi, Mwami Munene Yahova mboraa: mwiganiri kandi mugirung'ane kutura ku vifananyi vinyu viu kuvihiliriza. Mugirung'ane kutura ku likora vudamanu vwosi.

Ezekieli 33:11

Uvavoolere ndi ligali kuli inzi, Yahova Wuvunyali, mbeeye Nyasaye oveeye mwoyo, si sangala kolola mwoni nakuzaa mba. Ndakayanzi kolola naleki kokora vwoni kandi naveeye mwoyo. Avandu va Isiraeli, muleke uvudamanu vwamukolaa. Kigira ki mwenya kukuza?

Danyeli 4:27

Kunangwa O, Mwami, olonde miigizu gange oleke kokora uvwoni, okole gaveeye malungi kandi ove nizimbavasi ku vadaka. Maku ulazizagilira kuva mu vutugi vunyingi.”

Jona 3:10

Nyasaye yalora icha vakora. Yalora ndi vamali kuleka miima jaavo midamanu. Kunangwa yagilung'anyia zing'anagani zizie, kandi siyamanya nahaana mageri kuvo kuli yaali navatihiizi mba.

Zekaria 8:17

Mutaganagana kokora vudamanu ku mundu mulala nu wache mba, kandi mutayanzilira kwisuuha nu vugadi mba. Kigira vindu yivi viosi ndaavisula.”

Matayo 9:13

Muzie kwiga kivuni cha amakuva yaga: ‘Nyenya zimbavasi, si nyenya visiuviliru mba.’ Sindaaza kulanga avandu avalungi, navuzwa avoni.”

Marko 7:21

Kigira ivitulaa mugati mu mwoyo gwu mundu vituraa mu zing'anagani zindamanu izimwimiliraa kokora uvudamanu zing'ano ziosi, ukunuura, ukwita, livolizana,

Marko 7:23

ivindu vidamanu yivi viosi vituraa mugati mwu mwoyo gwu mundu, ma vimukola mudamanu.”

Luka 15:10

Kunangwa muvooleraa, nindio zingelosi va Nyasaye valisangala kigira kwiganira kwu mundu mwoni mulala.”

Luka 15:24

Muyaayi wange uyu yaali yakuza, navuzwa kalunu aveeye mwoyo; yaali niyagota, navuzwa kalunu anyoleki!’ Maku vatanga kolomba lilia!

Luka 7:47

Kunangwa, ngovolera, vuyanzi vonene vwa amali kumanyia vudinyirizaa ndi, uvwoni vwivwe vunyingi vumali kusamiifa. Navuzwa ku vosi umali kusamiifa hakekeke amanyia vuyanzi vokekeeke vuzwa.”

Vikolwa 26:20

Navuzwa ndatanga kwilwaza ku avandu va Damasiko, inyima ku ava Jerusalemi ni kivala choosi chi Vuyuda, kandi ku Avizihiiri. Ndaavilwazira vaduuki kwiganira kandi, viraniri Nyasaye nu kumanyia mu vikolwa viavo ndi vamali kugirung'anywa mu mioyo jaavo.

Vikolwa 3:19

Kulwayago mwiganiri, kandi mwihaane ku Nyasaye, kunangwa aduuki kumusamiiha uvwoni vwinyu. Niiva mukora ndio,

Yakobo 1:15

Maku likayirwa lilie lidamanu zana yilio liverekaa ma liivula uvwoni, nuvwoni lwa vumala kuviruka, vwivulanga likuza.