Isaya 55:6 - KITABU KITAKATIFU

⁶ Mugirung'ane muzie ku Yahova na musaale kuye, lwaveeye ahimbi.

Isaya 55:6 Iomraidhean Croise

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

2 Kyetsinyinga 19:3

Navuzwa kali nindio, gaveeye ho amalahi malala mu ivi. Watuliza ho ivifananyi viosi viu munyasaye wi kikali - Ashera, ma kandi umali kogeriza kolonda vulaliri vwa Nyasaye.”

Ezara 10:2

Maku Shekania mwana wa Jehieli wi ihiiri ya Elamu, yavolera Ezara ndi, “Kumali kuvunaga lisuuvira lietu na Nyasaye mu lileeta avakali kutura mu zihiiri zing'eni. Navuzwa mu likora yaga goosi, lisuuvirizwa likikiliho ku vandu va Isiraeli.

Ayubu 8:5

Niiva ulenyeleriza Nyasaye ligali, nokogoonya Wuvunyali,

Zaburi 14:2

Yahova ahenzaa ku vandu vosi kutura mwigulu, alole niiva haveeye ho na mulala oveeye mugeri, kandi niiva haveeye ho na mulala umusigamiraa.

Zaburi 145:18

Yahova aveeye ahimbi ku yavo vosi avamwanira, ku yavo vosi avamwanira mu agiligali.

Zaburi 148:14

Amali kuha ihiiri yeeye zinguru, kunangwa avandu veve vosi vatakatifu vaduuki kumwizominya Avandu va Isiraeli vaveeye avayaanze ligali kuye. Mwizominye Yahova!

Zaburi 27:8

Lwa ivi wavoola, “Hamba usigamire,” Ndaativura, O, Yahova, “Ndaaza.”

Zaburi 32:6

Kunangwa, avandu vovo avasuuvirifu vosi kuduuka vasaale ku ivi mu ing'inga ya vaveeye mu vudinyu; lwu vudinyu vunyingi kuli amazi gi migelera gaaza zimbiru kuvamira, sigaladuuka kuvo mba.

Zaburi 34:19

Avandu valungi vaveeye nu vusaliri vunyingi vwu vudinyu vwavo, navuzwa Yahova avahonyia kuvudinyu yivo vwosi.

Zaburi 75:1

O, Nyasaye, kuhaana lisandiza ku ivi; kuhaana lisandiza ku ivi ligali. Kulandizaa kuli ivi oveeye munene ligali kandi kovoolera avandu vindu viokogenyia via ivi wakola.

Zaburi 95:7

Yahova aveeye Nyasaye wiitu! Na kunyi koveeye avandu va adendaa, kuli mwayi alihizaa magondi geege; huliri kalunu ku cha avoora:

Tsing'ano 8:17

Nyanza yavo vanyanza; uyu onyenyaa alanyoola.

Isaya 12:6

Vuli mundu woosi umenyaa mu Ziyoni ahanzuki kandi yimbi! Nyasaye Mutakatifu wa Isiraeli aveeye munene; kandi amenyaa hagati ha vandu veve.”

Isaya 26:9

Ngwegomba nu mwoyo gwange gwosi uvudiku vwosi lwa ukalagiraa lirova harara na vandu valio, vosi valiiga uvulungi vuveeye ki.

Isaya 45:19

Simbolaa amakuva gange mu vwivisu mba, anoho kutura mu kivala chi kisundi mba. Sindenya avandu va Isiraeli konyenya ha vundu heere vuzwa mba. Inzi mbeeye Yahova, kandi mboraa agiligali kandi nandizaa amalungi.”

Isaya 45:22

“O, munyi avandu vi lirova liosi, mwirane ku inzi kalunu ndi, na mulanyola lihona! Inzi mbeeye Yahova Nyasaye wengine oveeye ho.

Isaya 46:13

Lidiku liovohonyi liveeye ahimbi siliveeye ihale ligali mba. Sindalindagira koleta vohonyi vwange mba. Ndahonyia avandu va Jerusalemi kandi ndaleta lizominywa ku avandu va Isiraeli.”

Isaya 49:8

Yahova avooreraa avandu veve ndi, “Lwi ing'inga iduuka yu kumuhonyia, ndamanyia liyaanzilira liange ku munyi, kandi ndahaana amativuli ku lianira lienyu lio vokonyi. Ndamulinda kandi ndamukinga, kandi ndalomba lilagana liange na ivi kulwa vandu vosi. Ndamukora mumenye kandi mu kivala chiinyu kalunu ichalekwa vuzwa.

Isaya 58:9

Lwa musaala, ndamutivulira. Lwa mwanira ku inzi ndamutivulira. “Niiva mulatuliza iniira yi lidambiza hagati hinyu, nimuleka lichaya avandi nokovoora amakuva madamanu,

Isaya 65:10

Valasigamira kandi valava nu vwayiru vwi mitugu jaavo mu kereremo cha Sharoni kandi mu livona lia Akori.

Isaya 65:24

Kali imbiri wa vakikiri kumala lisaala liavo ku inzi, ndahaana amativuli ku lisaala liavo.

Jeremia 25:5

Vaamuvolera mugirung'ane kutura kuzinzira zienyu zindamanu kandi ziu vuchamu, kunangwa muzizagiliri komenya mukivala cha Yahova yahaana kumunyi harara na avaguuga vinyu keve kuli miandu ji mihiga ni mihiga.

Jeremia 33:3

“Waniri ku inzi, na inzi ndakutivulira. Ndakovolera vindu vinene ligali kandi viaviswa via ivi utamanyi mba.

Ezekieli 14:6

“Kulwayago, ovoolere avandu va Isiraeli aga inzi, Mwami Munene Yahova mboraa: mwiganiri kandi mugirung'ane kutura ku vifananyi vinyu viu kuvihiliriza. Mugirung'ane kutura ku likora vudamanu vwosi.

Ezekieli 33:11

Uvavoolere ndi ligali kuli inzi, Yahova Wuvunyali, mbeeye Nyasaye oveeye mwoyo, si sangala kolola mwoni nakuzaa mba. Ndakayanzi kolola naleki kokora vwoni kandi naveeye mwoyo. Avandu va Isiraeli, muleke uvudamanu vwamukolaa. Kigira ki mwenya kukuza?

Ezekieli 8:6

Nyasaye yambolera, “Mwana wu Mundu, ololaa agekolekaa? Henza ku vindu viukuvihiliriza yivi via vandu va Isiraeli vakora hano, kongola kuzia ihale ligali kutura hatakatifu hange. Ulalola kali vindu viukuvihiliriza vinyingi kuvita yivi.”

Danyeli 4:27

Kunangwa O, Mwami, olonde miigizu gange oleke kokora uvwoni, okole gaveeye malungi kandi ove nizimbavasi ku vadaka. Maku ulazizagilira kuva mu vutugi vunyingi.”

Hosea 10:12

Inzi ndaavoora, ‘Mwenyelerizi kokora uvulungi munyi aveene, na mulanyola uvuyanzi vutaveeye nekeheri. Mutulizi vudamanu vwinyu, kigira ing'inga yiduuki yu kwenya Yahova, aduuki koleta ovohonyi ku munyi.’

Amosi 5:6

Mwenye Yahova, na mulahono. Nimutenya Yahova, aliika hasi ku vandu va Isiraeli kuli muliru. Na muliru gulasamba vandu va Bezeli, nu mundu kali mulala sialagusiminya mba.

Jona 3:8

Avandu vosi kandi zinyama ziosi kuduuka viviiki zinguvu zia magunia. Avandu vosi, vaaniri ku Nyasaye nu mwoyo gwosi. Vagirung'ane sa mulala nokoleka miima midamanu, nivikolwa vidamanu.

Matayo 5:25

“Lomba uvulina vwangu nu mundu ukuyalaa ni mukikiri kuzia mu kiyaalo. Nuvula kokora ndio, umusigu woovo alakuhila ku mukalagi, na mukalagi naye alakuviika mu makono gu musikari, na ivi ulavikwa mu vuhambe.

Luka 13:25

Mwene inyumba alasingira kandi ahane kiliango; maku lwa munyi musingiraa ichova nukwigulihiza kukiliango nimuvoora, ‘Mwami, kwiguliri!’ Alamutivulira, ‘Inzi simanyi wa muturaa mba.’

Yohana 8:21

Yeso yavolera Avafarisayo kandi, “Inzi nziza ihale na munyi mulakanyenye, navuzwa mulakakuziri mu vwoni vwinyu. Wanzinzia simunyala kuuza yo mba.”

Vafeso 3:13

Kunangwa mugoonyaa ligali, mutakuza mioyo mba kigira salira kulwa munyi; yaga gaveeye uvukala vwinyu.

Kwidzulitsa 4:29

Uwene yeyo mulenyeleriza Yahova Nyasaye winyu, kandi niiva mulamwenyeleriza nu mwoyo gwinyu gwosi na roho gwinyu gwosi, mulamunyoola.

Kwidzulitsa 4:7

“Sihaveeye ho nihiiri yindi, kali neveeye enene, eveeye na nyasaye oveeye ahimbi ligali kuvo lwa vamwenyaa kuli Yahova Nyasaye wiitu aveeye ku kunyi mba. Akutivulira lwa kumwaniraa.

Vahebraina 2:3

Kunyi sikunyala kohononoka kutura ku mageri yaga niiva kulasula vohonyi vonene kuli yivu mba. Mwami mwene yalandiza ovohonyi yivu kutanga kandi yavo vahulira vohonyi yivwo valolekiza ku kunyi ndi vwali vwiligali.

Vahebraina 3:13

Navuzwa mulala ku munyi avuli kugadwa nu vwoni kandi agwi mwigingiri. Kuduuka mukonyane aveene naveene vuli lidiku, ku lohono lwi likuva “Kalunu” mu Mang'oda Matakatifu limolomaa ku kunyi.