Isaya 55:5 - KITABU KITAKATIFU

⁵ Kalunu ulalanga zihiiri zing'eni; ku ing'inga ndala sivamanya ivi mba, navuzwa kalunu valahambana ni ivi nivanyagura zimbiru! Inzi, Yahova Nyasaye woowo, Umutakatifu wa Isiraeli, ndakora yaga goosi gekoleka. Ndakuha uluyali kandi uvukumi.”

Isaya 55:5 Iomraidhean Croise

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

2 Samweli 22:44

Ivi wambonyia kutura ku avandu vi liebaala walinda uvwamihi vwange ku zihiiri; avandu va inzi ndaavura kumanya vagwiyi vatumikiri vange.

Zaburi 18:43

Ivi wambonya kutura ku yavo avibalaa ku inzi, kandi wangola kuva mwamihi ku zihiiri ziosi, avandu va inzi ndaavura kumanya, kalunu vaveeye avatumikiri vange.

Isaya 45:14

Yahova avooreraa avandu va Isiraeli ndi; “Uvutugi vwa Egebeti na Ezopia vulava uvwinyu, kandi avandu vaveeye avataambi ava Seba valava avatugwa vinyu; valaza ku munyi nivavoheywi minyororo, kandi valagwa hasi imbiri winyu nivavoora, ‘Nyasaye aveeye harara ni munyi, kandi siaveeye ho nuwundi mba.

Isaya 45:22

“O, munyi avandu vi lirova liosi, mwirane ku inzi kalunu ndi, na mulanyola lihona! Inzi mbeeye Yahova Nyasaye wengine oveeye ho.

Isaya 45:23

Lisuuvirizwa liange liveeye lia agaligali, kandi silinyala kugirung'anywa mba. Inzi mali kumusuuviriza ndi, vuli mundu woosi alaza nu kusigama imbiri wange, kandi valisuuha kuva avasuuvirifu imbiri wange.

Isaya 49:12

Avandu vange valatura muvivala vie ihale, kutura Ivaale kandi Imadioli, kandi kutura Aswani lidaala linene liveeye Isavaalu wa Egebeti.”

Isaya 49:6

Yahova yambolera, “Mbeeye ni miyinzi minene ku ivi, mutumikiri wange. Sigaveeye nu kwilanyia avandu va Isiraeli avatigara mba, navuzwa ndakokola kandi ove kuli uvulavu ku zihiiri ziosi, kunangwa avandu vosi ku lirova vaduuki kohona.”

Isaya 52:15

Kunangwa alagenyia zihiiri zinyingi; avami valakiring'ana niligenya; valalola aga vakikiri kololaku, kandi valamanyiriza aga vakikiri kumanya.”

Isaya 55:4

Ndaakola Daudi ave mwimiliri kandi munene wi zihiiri ziosi, kandi nimanyia zinguru ziange kuvitira muye.

Isaya 56:8

Mwami munene Yahova Nyasaye, umali koleta avandu veve Isiraeli yengo kutura mu lihaminywa, umali kulaga ndi alaleeta kandi avandu vandi ukuhambana navo.

Isaya 60:5

Maku mulalora yaga kandi mioyo jinyu jilava nu vusangali ligali. Mudegera muligosa miandu ji zihiiri jilaletwa ku munyi; uvutugi vwavo vulaza kutura engeleka wi inyanza.

Isaya 60:9

Vaveeye kuli zimeri zia Tarishishi izitulaa mu visulu vie inyanza, ziletaa avandu va Nyasaye kutura muvivala vie ihale. Valaleta ifeza kandi izahabu kuhaana luyali ku lieta lia Yahova, Nyasaye Mutakatifu wa Isiraeli, uwa lomba zihiiri ziosi kuhaana uluyali ku vandu veve.

Jeremia 30:19

Avandu vamenyayo valimba zinyimbu zielizominya; valahanzuka nuvusangali. Kigira ligasizwa liange valamedeka ligali; ligasiza liange lilavaletera luyali.

Ezekieli 39:7

Kuduuka ndore ndi avandu vange Isiraeli vamanyi lieta liange Litakatifu. Sindavugilira lieta liange litakatifu lionogonywe mba. Maku zihiiri zilakamanye ndi Inzi Yahova, mbeeye Nyasaye Mutakatifu wa Isiraeli.”

Hosea 1:10

Avandu va Isiraeli valakave vanyingi kuli muyeke gwu munyanza ugunyala kuvula kuvalizwa anoho kogerwa. Kalunu Nyasaye avavoolera, “Munyi si muveeye avandu vange mba,” navuzwa ing'inga yiza lwa livavoolera, “Munyi muveeye avana va Nyasaye omenya!”

Zekaria 2:11

Ing'inga yeyo, zihiiri zinyingi zilakaze ku Yahova kandi zilakave avandu veve. Alakamenye hagati hinyu, kandi mulakamanye ndi yanduma ku munyi.

Luka 24:26

Si vwali vulahi Kristo asalirizwi mu vindu yivi viosi mukwingira mu vukumi vwivwe mwigulu harara na Nyasaye?”

Yohana 17:1

Lwa Yeso yaali ni yakamala kovora yaga, yahenza mwigulu navoora, “Baba, ing'inga iduuki! Ukuminyi Mwana woovo kunangwa Mwana aduuki kukukuminya ivi.

Vikolwa 3:13

Nyasaye wa Aburahamu, Isaka na Yakobo, Nyasaye wa avaguuga viitu, uhaani vukumi vwu vunyasaye ku Mutumikiri weve Yeso. Navuzwa mwamuzaama kandi nimumuhaana ku vamiihi kandi mwamwambakana imbiri wa Pilato, kali lwa Pilato yaali niyakaganagana kumuvoholora.

Vikolwa 5:31

Nyasaye yamunenehiza kuduuka ha mukono gwigwe mulungi kuli Mwimiliri kandi Muhonyi, aduuki kuhaana ku avandu va Isiraeli vwiyangu vwu kwiganira, ma vanyoore lisamiifwa liu vwoni vwavo.

Varumi 15:20

Likayirwa liange kazozo liveeye kwilwaza makuva malahi hoosi hi lieta lia Kristo likikiri kutalwa, gase ndumbaka ku musingi gwu mundu wundi.

Vafeso 2:11

Kunangwa mwizurizi ndi mwaali vandu vizihiiri ku liivulwa maziambiri. Mwalangwa, “avatakevwa,” na Avayuda avilangaa “avakevwa,” yili ni likevwa liu muviri.

Vafeso 3:5

Zing'inga ziavita, mundu siyavoolerwa amakuva gaviswa yaga mba, navuzwa Nyasaye umali kugavura kalunu ku Roho ku avatumwa na vaporofeti veve vatakatifu.

Vahebraina 5:5

Kandi ndio, Kristo siyenenehiza nukwivugulira mwene uluyali lwu kuva musaalisi munene mba. Navuzwa Nyasaye yamuvolera, “Ivi oveeye Mwana wange; kalunu inzi mali kugwa Baba woovo.”

1 Petro 1:11

Vageriza kwenya kumanyiriza ni ing'inga ki, kandi ni liiva lia lugano ki lwa Roho wa Kristo alilolekiza uvusaliri vulinyoola Kristo nu vukumi vuliva ho inyima wa yaga.