Isaya 55:3 - KITABU KITAKATIFU

³ “Muhulirizi kalunu munyi avandu vange, na muuzi ku inzi; muuzi ku inzi; na mulava ni livamwoyo! Ndalomba lilagana lihindiraa mihiga ni mihiga ni munyi, kandi ndamuha uvugasu vwa ndasuuviriza kuhaana ku Daudi.

Isaya 55:3 Iomraidhean Croise

Litanga 17:7

“Inzi ndakalindi lilagana liange ku ivi kandi ku visukululwi vivio mu makura gaaza kuli lilagana lihindira mihiga ni mihiga. Inzi ndakave Nyasaye woovo kandi wi visukululwi vivio.

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

2 Samweli 23:5

Kandi nindio Nyasaye aligasiza kisukururwi change, kigira umali kolomba lilagana lie mihiga ni mihiga ninzi, lilagana ililivula kuvunanywa, lisuuvirizwa ililivula kugirung'anywa. Yicho nicho choosi (ichanzegombaa); ikiliva liguuta liange, Na Nyasaye alakakitwekizi.

2 Samweli 7:29

Inzi ngoteva nuyanza, ugasize visukululwi viange kunangwa valazizagiliri kusangalira zimbavasi, zizio. Ivi, Yahova Wuvunyali, umali kusuuviriza yaga, kandi uvugasu vuvwo vulava ku visukululwi viange mihiga ni mihiga.”

2 Kyetsinyinga 6:42

O, Yahova Nyasaye, utasula mwami wa umali kotovola. Wizulizi uvuyanzi vwa waali navwo ku mutumikiri woovo Daudi.”

Zaburi 119:112

Mali kotovola kuhulira amalago googo, kuduuka lidiku liandikuza. Mirembe mu malago ga Yahova.

Zaburi 119:175

Ombe uvulamu kunangwa nduuki kukwizominya; leka amigizu googo gangoonye.

Zaburi 78:1

O, munyi avandu vange, muhuliri amigizu gange, muhulirizi ligali icha mboraa.

Zaburi 89:28

Ndizuliza lisuuvirizwa liange naye kazozo, kandi lilagana liange naye lilamenya mihiga ni mihiga.

Zaburi 89:29

Uvwami vwivwe vulahindira lwi ligulu likiki riho, kandi visukululwi vivie vilava avami kazozo.

Kutwula 15:26

Yavoola, “Niiva mulahulira ligali mwoyo gwange, inzi Yahova Nyasaye winyu ku likora agaveeye malungi imbiri wange nukulinda amalago gange, sindamuha amageri ni zinguzu zia ndaleta ku vandu va Egebeti mba. Inzi mbeeye Yahova muhonyi winyu.”

Tsing'ano 4:20

Mwana wange huliriza gambolaa. Hulira makuva gange.

Tsing'ano 7:2

Okole cha mboraa, na ulahindira. Ulindi nokolonda miigizu gange kuli ulindaa endolero ye emoni yooyo.

Isaya 51:4

“Mumbulirizi, munyi avandu vange, muhulirize ku ichambolaa. Mbana amigizu gange ku zihiiri; malago gange galavaletera uvulavu.

Isaya 54:10

Vigulu vinyala kutura ho, utugulu tunyala kutulizwa ho, navuzwa zimbavasi ziu vuyanzi vwange vutali ne keheri sivulatula ku ivi kali hakuzu mba. Lilagana liange lie mirembe sililatulizwa ho mba.” Inzi Yahova overereraa ivi mali kovora.

Isaya 54:8

Ndaagirung'ana kutura ku ivi mu vutima vonene ku ing'inga engekeeke, navuzwa kalunu ndakumanyia uvuyanzi vwange vutali nekeheri. Nindio Yahova ohonyiaa.

Isaya 61:8

Yahova avoora, “Inzi ndayaanza likalaga liu vulungi, kandi ndunyiraa likora uvudamanu ndahaana amadanyi ku avandu vange mu vusuuvirifu. ndaalomba lilagana liange navo lie mihiga ni mihiga.

Jeremia 30:9

Muvogono yivwo, valakatumikiri inzi, Yahova Nyasaye wavo, kandi chisukululwi cha Daudi, cha nangore mwami.

Jeremia 32:40

Ndalomba lilagana liange navo lie mihiga ni mihiga. Ndazizagilira kuvakolera vindu vilahi, kandi ndavakora vatie inzi ni mioyo jaavo josi, kunangwa vavuli kugirung'ana kutura ku inzi.

Jeremia 33:26

Ligali kuli mali kokora yaga, kunangwa ndadinyiriza lilagana liange ni visukululwi via Yakobo harara na Daudi mutumikiri wange. Ndatovora mulala ku visukululwi via Daudi kwamiiha visukululwi via Aburahamu, Isaka na Yakobo. Ndavera avandu vange zimbavasi kandi ndavagasiza ni miandu kuli vaali maziambiri.”

Jeremia 38:20

Inzi ndaavoora, “Ivi siulavikwa mu zinguru zia avandu va Babiloni mba. Ngogonya utie likuva lia Yahova; hene yaho, goosi galava amalahi ku ivi, kandi ulava mwoyo.

Jeremia 50:5

Navalateeve inzira izizaa Ziyoni ma navazie mulovega lwene yilwo. Valalomba ninzi lilagana litaveeye nekeheri kandi sivaaza valivunanyie mba.

Ezekieli 16:60

Navuzwa nambane luyali ku lilagana liandalomba ni munyi lwa mwaali nimukikiri vasoleri. Nanombe lilagana ni munyi liaza lihindiri mihiga ni mihiga.

Ezekieli 34:24

Inzi, Yahova ndava Nyasaye wavo, kandi mwami kuli mutumikiri wange Daudi naave mwamihi wavo. Inzi mali kovora.

Ezekieli 34:25

Ndakalombe lilagana liange navo liu kuvasuuviriza mirembe. Ndakatulizi mu kivala zinyama ziosi ziu vuhimwa, kunangwa magondi gange galamenya mu milimi kandi kogona mu militu mu mirembe.

Ezekieli 37:26

Inzi ndakalombe lilagana harara navo liukuvasuuviliza mirembe mihiga ni mihiga. Inzi ndakavasingilizi kandi ndakameede ulwivulu lwavo, kandi ndakaviiki Litembeli liange mu kivala chavo uwa lilakamenye mihiga ni mihiga.

Kyavalevi 18:5

Mulonde likora kandi malago ga Inzi muheezaa. Mulahonyia livamwoyo lienyu mu likora ndio. Inzi mbeeye Yahova.”

Amosi 5:4

Yahova avoora ku vandu va Isiraeli, “Mwilane ku inzi na mulahona.

Amosi 5:6

Mwenye Yahova, na mulahono. Nimutenya Yahova, aliika hasi ku vandu va Isiraeli kuli muliru. Na muliru gulasamba vandu va Bezeli, nu mundu kali mulala sialagusiminya mba.

Matayo 11:28

“Hambi ku inzi munyi vosi avanyang'anaa na avaminikaa ni misigo militu, nainzi ndamusosiza.

Matayo 13:16

“Navuzwa munyi muveeye nuvugasu ligali, kigira zimoni zienyu zilolaa, kandi amatu ginyu gahulira.

Matayo 17:5

Lwa yaali nakemoloma, ililesi lilavu liavakunika, nu umwoyo gwahulirika kutura mu lilesi zana ni govoora, “ Uyu nu Umwana wange wandayanza, mumuhuliri.”

Yohana 10:27

Amagondi gange gahulira mwoyo gwange; inzi ngamanyi, nago ganondaa.

Yohana 6:37

Vosi ava Baba ambezaa valaza ku inzi; nainzi sindakunga mundu woosi uza ku inzi mba.

Yohana 7:37

Ku lidiku liu kumaliriza nalio ni lidiku linene lie lisavo. Lidiku yilio Yeso yasingira navoora nu mwoyo munene, “Oveeye nuvuluhu yaaze ku inzi nainzi ndamuha ichukunwa.

Yohana 8:47

Uyu oveeye wa Nyasaye ahuliraa amakuva ga Nyasaye. Navuzwa munyi muvura kugahulira kigira munyi simuveeye avandu va Nyasaye mba.”

Vikolwa 13:34

Yiki nicho kandi cha Nyasaye yavoola, ku makuva gu kumusimugukiza kutura mu vakuzu, avuli kugundira mu kilindwa; ‘Ndakuha uvutakatifu nuvugasu vwiligali vwa ndasuuviriza Daudi.’

Varumi 10:5

Musa yang'oda kigira likolwa mulungi ku lihulira Lilaga, ndi, “Mundu uhulira amalago gi Lilaga, alava mwoyo.”

Vahebraina 13:20

Nyasaye umali kusimugukiza Mwami wiitu Yeso Kristo kutura mu vakuzu, oveeye Mwayi Munene wa magondi kigira lisundula lia masahi geege agadinyirizaa lilagana lie mihiga ni mihiga.