Isaya 54:5 - KITABU KITAKATIFU

⁵ Umulombi woovo alava kuli musaza woovo. Lieta lilie ni Yahova Wuvunyali. Yahova Mutakatifu wa Isiraeli alakohonyia aveeye Nyasaye wi lirova liosi.

Isaya 54:5 Iomraidhean Croise

Ayubu 19:25

Inzi manya ndi muhonyi wange aveeye mwoyo, alaza lwukumaliriza kung'inga.

Isaya 11:9

Ku Ziyoni, kiguru kitakatifu cha Nyasaye, sihalava nikindu chukusaliriza anoho kidamanu. Kivala kilizula limanya lia Yahova kuli zinyanza zizura amazi.

Isaya 43:1

Yahova uwalomba munyi avoora, “Mutatia mba; kigira inzi ndamuhonyia. Inzi mali kumulanga ni lieta, na munyi muveeye avandu vange Isiraeli.

Isaya 43:14

Nyasaye Mutakatifu wa Isiraeli, Yahova ohonyia munyi, avoora, “Ndatuma liihi liange kulwaana Babiloni okohonyia munyi. Ndavunanyia virivwa via madaala manene, kandi ndagirung'anyia lihanzuka lia vandu valio kugwa lilira.

Isaya 45:11

Yahova, Mutakatifu wa avandu va Isiraeli kandi mulombi wavo avoora, “Munyi simuveeye nuvunyari koteeva amateeva kigira avana vange mba, anoho simunyala kombolera aganyala kokora mba!

Isaya 48:17

Nyasaye Mutakatifu wa vandu va Isiraeli, Yahova ahonyia munyi, avoora: “Inzi mbeeye Yahova Nyasaye winyu, uwenyaa kumwigiza kigira uvulahi vwinyu, kandi mwimiliraa kogenda kunzira idukanaa kogenda kuyo.

Isaya 48:2

Kandi mwigingiraa nokovoora ndi muveeye avandu vi lidaala linene litakatifu lia Jerusalemi kandi mweredaa ku Nyasaye wa vandu va Isiraeli, wi lieta lilie liveeye “Yahova Wuvunyali.”

Isaya 51:15

“Inzi mbeeye Yahova Nyasaye woovo; uvuruganyiaa inyanza, nokokola viguvuli vihuumi. Lieta liange liveeye Yahova Wuvunyali!

Isaya 54:8

Ndaagirung'ana kutura ku ivi mu vutima vonene ku ing'inga engekeeke, navuzwa kalunu ndakumanyia uvuyanzi vwange vutali nekeheri. Nindio Yahova ohonyiaa.

Isaya 6:3

Zihanzuka harara nizivoora: “Mutakatifu, Mutakatifu, Mutakatifu! Yahova Wuvunyali aveeye Mutakatifu, uvukumi vwivwe vwizuyi mu lirova liosi.”

Isaya 65:16

Mundu woosi oteeva uvugasu mukivala, alateeva uvugasu kutura ku Nyasaye musuuvirifu. Oyo wi suuhaa mu lirova, alisuuha ku Nyasaye wa agiligali; uvudinyu vwaliho kutura kale, vumali kwivilirwa ligali.”

Jeremia 10:16

Nyasaye wa vandu va Isiraeli siaveeye kuli yavo mba; niyie walomba ivindu viosi, kandi yatovola avandu va Isiraeli kuva aveeve mwene. Lieta lilie ni Yahova Wuvunyali.

Jeremia 3:14

“Mwirane munyi avandu avataveeye vasuuvirifu; muveeye avange. Ndaavugura mulala kumunyi kutura muvuli lidaala kandi vaviri kutuura muvuli ihiiri, kandi nda mwiranyia ku kiguru cha Ziyoni.

Jeremia 51:19

Nyasaye wa Yakobo siaveeye kuli yavo mba; niye walomba vuli kindu, kandi umali kotovola Isiraeli kuva vandu veve mwene. Lieta lilie ni Yahova Wuvunyali.

Ezekieli 16:8

“Lwa ndaavitira ho kandi, ndaalora ndi ing'inga iduuki munyi kuyanzwa. Ndaakunika chahonyo chienyu nilikoti liange, kandi ndavasuuviriza ndi ndamuyanza. Yee, ndalomba lilagana liange ni munyi kandi mwagwa avandu vange.” Yaga nigo aga Yahova Wuvunyali avoora.

Hosea 2:16

Maku kalunu alananga musaza weve, kandi si alananga Baali mba.

Hosea 2:18

Ing'inga yene yeyo, ndakalombe lilagana liange ni zinyama ziu muvulimu, na manyonyi kandi ni vilombe viosi, vimolaa ku lirova, kunangwa vivuli kusaliriza avandu vange. Ndatulizaho uvuta, kivavi kandi uvulwani kutura mu kivala, nokoleka vandu vange vamenye mu mirembe.

Zekaria 14:9

Maku Yahova alakave mwami wi kivala choosi; vuli mundu alakamusigamiri kuli Nyasaye kandi nu kumanya lieta lilie.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Luka 1:32

Alakave Munene kandi alakalangwe, Muyaayi wa Nyasaye Oveeye igulu Ligali. Mwami Nyasaye alakamukole alave Mwami kuli guuga weve Daudi.

Yohana 3:29

Oyo oveeye nu Mwiha osereywi niye mwami we keserero. Navuzwa mulina wu mwami we keserero, usingira nukuhuliriza, asangalaa ligali lwa ahuliraa mwami wekeserero namolomaa. Kigira yaga uvuyanzi yivwo nivwo vwa inzi mbeeye navwo; kandi vuduukiziywi.

Vafeso 5:32

Agiligali gaviswa yaga gaveeye manene, navuzwa gaveeye kelolero cha Kristo ni likanisa.

Joshua 3:11

lwi Lisandugu lia malago ga Yahova wi lirova liosi liambuka mugera gwa Jorodani imbiri winyu

Joshua 3:13

Lwa Avasaalisi vaginga Lisandugu lia malago lia Yahova wi lirova liosi vaseena virenge viavo mu mazi, mugera gwa Jorodani gulasingira kogenda; na amazi gaturaa iluhia galavuunga kitumi lovega lulala.”

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”