Isaya 54:3 - KITABU KITAKATIFU

³ Ulasunda zinzako zizio zivambuki ku zimbega ziosi; kisukururwi chicho kilirana kuvugura kivala, ichi zihiiri zindi zimenya mu kalunu. Madaala manene agaali nigang'anywa galizula avandu.

Isaya 54:3 Iomraidhean Croise

Litanga 26:22

Yatura ho kandi nayava kidaho kindi, umundu kali mulala si yarembanira ku mba. Yakigulika “Vovoholore”, navoora, “Kalunu Yahova umali kukuha vovoholore komenya mukivala yiki, kandi kulagaasizwa.”

Litanga 28:14

Visukululwi vivio vilakave vinyingi kuli luguchi loveeye ku lirova. Valalanda kutura Ivugwi kuduuka Imadioli, kandi kutura Ivaale kuduuka Isavaalu. Kuvitira mu ivi ni visukululwi vivio, ndakagasizi zihiiri ziosi.

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

Isaya 14:1

Yahova alavelerera avandu veve Isiraeli, kandi alavatovola vave avandu veve omwene. Alavavika vamenye mu kivala chavo aveene, kandi avageni valaza komenya harara navo.

Isaya 14:2

Zihiiri zindi zinyingi zilakonya avandu va Isiraeli kwirana mu kivala icha Yahova yavaha. Hene yaho, zihiiri zindi zilatumikira avandu va Isiraeli kuli avatugwa. Yavo avaari ni vagumira avandu va Isiraeli, kalunu Isiraeli ilavagumira, na vandu va Isiraeli valamiha ku yavo avavadambizaa ing'inga yindi.

Isaya 26:15

O, Yahova, umali kuvirukiza ihiiri yitu; umali komeeda zinzako zie kivala chayo zimbega ziosi, na yaga gakoleeteye uluyali.

Isaya 45:14

Yahova avooreraa avandu va Isiraeli ndi; “Uvutugi vwa Egebeti na Ezopia vulava uvwinyu, kandi avandu vaveeye avataambi ava Seba valava avatugwa vinyu; valaza ku munyi nivavoheywi minyororo, kandi valagwa hasi imbiri winyu nivavoora, ‘Nyasaye aveeye harara ni munyi, kandi siaveeye ho nuwundi mba.

Isaya 48:19

Zinzivulu zienyu ziakaveeye kuli muyeka, kandi visukululwi vienyu viakaveeye kuli zinzaro ziu muyeke, kandi ngano sindaamuvika ku lidivizwa mba.”

Isaya 49:12

Avandu vange valatura muvivala vie ihale, kutura Ivaale kandi Imadioli, kandi kutura Aswani lidaala linene liveeye Isavaalu wa Egebeti.”

Isaya 49:8

Yahova avooreraa avandu veve ndi, “Lwi ing'inga iduuka yu kumuhonyia, ndamanyia liyaanzilira liange ku munyi, kandi ndahaana amativuli ku lianira lienyu lio vokonyi. Ndamulinda kandi ndamukinga, kandi ndalomba lilagana liange na ivi kulwa vandu vosi. Ndamukora mumenye kandi mu kivala chiinyu kalunu ichalekwa vuzwa.

Isaya 52:9

“Muhanzuki zinyimbu ziuvusangali, munyi mang'anye ga Jerusalemi! Yahova alahonyia lidaala lilie linene, kandi alaleminya avandu veve mioyo.

Isaya 53:10

Yahova avoora, “Vwali uvulariri vwange ndi aduuki kusalirizwa; likuza lilie liali kisiuviriru cho koleta uvusamiihi. Nandio alalola visukululwi vivie, alava ni livamwoyo lie mihiga ni mihiga, kandi kuvitira muye uvusaaviri vwange vuladukizwa.

Isaya 55:5

Kalunu ulalanga zihiiri zing'eni; ku ing'inga ndala sivamanya ivi mba, navuzwa kalunu valahambana ni ivi nivanyagura zimbiru! Inzi, Yahova Nyasaye woowo, Umutakatifu wa Isiraeli, ndakora yaga goosi gekoleka. Ndakuha uluyali kandi uvukumi.”

Danyeli 7:27

Zinguru no vonene vwu vwamihi ku lirova vulakahevwe ku vandu va Nyasaye Wuvunyali. Zinguru ziavo ziu vukumi si zilakahere mba kandi vamiihi vosi vi kivala valakavatumikiri nu kuvatia.”

Varumi 10:18

Navuzwa ndeva: Gaveeye agiligali yavo sivali nivahulira makuva? Nagiligali vahulira; kuli Mang'oda Matakatifu gavoora: “Lilangiliza liu mwoyo gwaavo liahulirika mu lirova liosi; amakuva gaavo gaduukaa kokeheri chi lirova liosi.”

Varumi 11:12

Vwoni vwa Vayuda vwaleeta uvutugi vwu vugasu ku lirova liosi, kandi ovogeheru vwavo vwaleeta vugasu vunyingi ligali ku vandu vizihiiri. Kulwayago, vulava vugasu vonene ki ligali lwa vandu vosi vi Vuyuda valiviikwa harara!

Vakolosai 1:23

Gamudukira mumenye mu lisuuvira yilio nu kuvikwa ku musingi, muduuki kusingirizwa vudinyu. Mutavugilira kodengeyizwa no koleka lisuuvirizwa lie Ivangeri yeyo ya mwahulira mba. Inzi Paolo, mbeeye mutumwa wi Ivangeri yeyo imali kwilwazirwa avandu vosi vu mukivala.