Isaya 54:17 - KITABU KITAKATIFU

¹⁷ Iviugi sinavikusalirizi mba. Mundu nakuyaala mu kiyaalo ulava namativuli, inzi ndakinga avatumikiri vange, kandi valaguuta.” Yahova umali kovora.

Isaya 54:17 Iomraidhean Croise

Ayubu 1:11

Navuzwa niiva wakanyiyi mukono gugwo, nukudiviza nukuduya viosi via aveeye navio, alakonyega moni namoni.”

Ayubu 2:5

Navuzwa kalunu nyira mukono gugwo na udiiri muviri gwigwe, naye alakonyega moni namoni!”

Ayubu 42:7

Inyima wa Yahova yaali niyakamara komoloma makuva yaga ku Ayubu, yavolera Elifazi umutemani ndi: “Inzi mbeeye nu vutima vonene ku ivi harara na valina vovo vaviri, kigira si mwavoora agaveeye malungi kigira inzi kuli mutumikiri wange Ayubu mba.

Zaburi 32:6

Kunangwa, avandu vovo avasuuvirifu vosi kuduuka vasaale ku ivi mu ing'inga ya vaveeye mu vudinyu; lwu vudinyu vunyingi kuli amazi gi migelera gaaza zimbiru kuvamira, sigaladuuka kuvo mba.

Zaburi 61:5

O, Nyasaye, Ivi umali kuhulira liesuuha liange, kandi ivi umali kuhaana ku inzi miandu ja yavo avakutizaa.

Zaburi 71:16

Inzi ndazia mu zinguru zia Yahova Nyasaye uvulahi vuvwo, vuvwo weng'ine.

Zaburi 71:19

O, Nyasaye, zinguru zizio, zidukaa igulu mwigulu; Ivi umali kokora vindu vinene ligali; siahaveeye ho voveeye kuli ivi O, Nyasaye.

Isaya 17:12

O, Muriviti munene gwi zihiiri goveeye kuli lihuma lie inyanza! O, lihuuma lia vandu liveeye kuli viguvuli vienyanza enene.

Isaya 26:2

Mwigule virivwa via madaala manene na muleke ihiiri isuuvirifu yingiri, ihiiri ya vandu vakora agaveeye malungi.

Isaya 29:8

Zihiiri ziosi zivuganaa harara kwingilira Lidaala linene lia Jerusalemi, zilava kuli mundu oveeye ninzara alootaa ndi alizaa, na lwa vuuka aveeza nakikiri ninzara, anoho kuli mundu ukuza nuvuluhu alootaa ndi anwezaa mazi, na lwavuuka nakikiri nuvuluhu vonene mwing'oti ni mwumi.

Isaya 3:10

Avandu valungi valava nu vusangali, kandi ivindu vilava vilahi kuvo. Valalia viologeli lwavo.

Isaya 40:2

mudinyirizi avandu va Jerusalemi. Muvavoolere ndi uvusaaliri vwavo vumali kohera na kalunu mali kuvasamiiha uvwoni vwavo vwosi, kandi mali kuhaana mageri gange kuvo kigira uvwoni vwavo vwosi.”

Isaya 41:11

“Yavo avamudunyira, valaduuka mu zisoni ziukuguutwa; yavo avahing'anaa nimunyi valava kindu vuzwa kandi valadiva.

Isaya 46:13

Lidiku liovohonyi liveeye ahimbi siliveeye ihale ligali mba. Sindalindagira koleta vohonyi vwange mba. Ndahonyia avandu va Jerusalemi kandi ndaleta lizominywa ku avandu va Isiraeli.”

Isaya 50:8

Nyasaye mukingi wange aveeye ahimbi na inzi. Nivwaha unyala kuhing'ana na inzi? Hambi kuhambane harara. Nivwaha unzaaraa? Yaaze kuhing'anana ni inzi!

Isaya 50:9

Yahova Nyasaye aveeye mukonyi wange nivwaha unyala kungaragira kuva muhioli? Avasidagi vange vosi valagota kuli inguvu yi zisere ziakulia.

Isaya 51:5

Ndaaza vwangu nukuvahonyia; ing'inga yi liguuta liange eveeye ahimbi. Inzi mwene ndamiiha ku zihiiri. Vivala vie ihale vinindilira inzi nzize. Valalindilira ni lisuuvira ndi ndavahonyia.

Isaya 54:15

Niiva mundu woosi alakwingilira, sialava naatumiywi na inzi mba; ku vosi ukwingilira nukukulwaana, alagwa mwene imbiri woovo.

Isaya 54:16

“Inzi nombaa umutuli, ufanaa muliru gwa manda nukutura iviugi. Inzi kandi nombaa musikari wuvulwaani, utumikira iviugi yivi ukwita.

Isaya 58:14

hene yaho, mulanyola uvusangari uvutulaa ku lindumikira. Ndamukora muhevwe uluyali ku lirova liosi, kandi mulasangalira kivala cha ndaha guuga winyu Yakobo. Inzi Yahova mali kovora yaga.”

Isaya 60:21

Avandu vinyu vosi valava avalungi, kandi valavugula miandu ji kivala chavo mihiga ni mihiga. Inzi ndaavaleta kandi nimbaviiki mu kivala yiki; ndakora ndio kandi nduuki kukuminywa.

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Jeremia 23:6

Lwaveeye mwami, avandu vi Ivuyuda navahone, kandi avandu va Isiraeli navamenye mumirembe. Kunangwa navamuguliki ‘Yahova muhonyi wiitu.’ ”

Danyeli 3:26

Kunangwa Nebukadineza yisunda ahimbi nu muliango gwi kisambiru cho lomemo lwu muliru nalaangaa, “Sadaraka! Meshaka! Abedinego! Avatumikiri va Nyasaye Munene! Tuli ichova!” Nonoho vatura ichova.

Danyeli 6:20

Lwa yaduuka ho, yalanga nu vuti, “Danieli, muyinziri wa Nyasaye oveeye mwoyo! Nyasaye woovo wa usaala mu giligali aveeye nu vunyali kokosola kutura mu zisimba?”

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

Varumi 10:4

Kristo umali koheriza Lilaga, vuli mundu woosi oveeye ni lisuuvira alavalizwa kuva mulungi imbiri wa Nyasaye.

Varumi 3:22

Nyasaye akolaa vandu kuva avalungi imbiri weve ku lisuuvira liavo mu Yeso Kristo. Nyasaye akolaa ndio ku vosi avasuuviraa mu Kristo, kigira siaveeye ni lieriza.

Varumi 8:1

Kalunu siahaveeye ni likalagirwa ku yavo avaveeyeho mu Kristo Yeso,

1 Vakorintho 1:30

Nyasaye aveeye uvutangiliru vwi livamwoyo lienyu mu Kristo Yeso; wa yakola kuva ovogeri vwitu, uvulungi vwitu, uvutakase vwitu, kandi ovohonyi vwitu.

2 Vakorintho 5:21

Kristo siyali nuvwoni mba, navuzwa Nyasaye yamulomba kusanga muvwoni vwitu, kunangwa kunyi kuduuki kusanga mu vulungi vwa Nyasaye muye.

Vafilipi 3:9

Kandi nduuki kuhambanywa naye ligali. Inzi simbeeye nu vulungi vwange umwene, yivwo ovonyoleka ku lilonda Lilaga. Inzi kalunu mbeeye nu vulungi uvuhaanwa kuvitira mu lisuuvira mu Kristo. Uvulungi vuturaa ku Nyasaye kandi uvweledaa ku lisuuvira.

Joshua 24:10

Navuzwa sindavugilira Balaamu aviiki kilaamo kumunyi mba. Muvogono yivwo, ndaamukora naativula uvugasu ku munyi, na munzira yiyi, ndamuhonyia kutura ku Balaki.

2 Petro 1:1

Inzi Simoni Petero, umutumikiri kandi umutumwa wa Yeso Kristo; Ng'oderaa vandu vosi kuvitira mu vulungi vwa Nyasaye wiitu, kandi Muhonyi wiitu Yeso Kristo avamali konyoora lisuuvira lilala liere liu vulahi kuli lietu.

Likunula 12:10

Ndaahulira kandi mwoyo munene mwigulu nigovoora, “Kalunu ovohonyi vwa Nyasaye wiitu vumali kuduuka! Kalunu Nyasaye umali kumanyia zinguru zizie kuli Mwami Munene! Kalunu Mesia weve umali kumanyia uvunyali vwivwe ku lirova liosi! Kigira Setani sialasingira imbiri wa Nyasaye wiitu nu kuyaala avaamitu mbasu nu vuduku mba! Setani umali kukungwa kutura mwigulu nu kwagulukizwa hasi!

1 Samweli 23:17

namuvolera, “Utatia mba. Baba wange Saolo si alanyala kukusaliriza mba. Umanyi vulahi ndi ivi niyie uwaza ove mwami wa Isiraeli, ma kandi inzi ndava wakaviri mu vonene ku ivi.”