Isaya 54:14 - KITABU KITAKATIFU

¹⁴ Likalaga lirungi kandi uvulungi vilakokola ove nizinguru, ulava ihale kutura ku lidambizwa ni litihizwa linene.

Isaya 54:14 Iomraidhean Croise

Tsing'ano 3:24

Siulatia lwa uzia kogona mba, ulagona vulahi ligali mu vudiku vwosi.

Isaya 1:26

Ndamuha avamihi na vahaani vi zing'anagani kuli yavo ava mwali navo maziambiri. Maku Jerusalemi, ilalangwa lidaala linene lirungi kandi lisuuvirifu.”

Isaya 1:27

Kigira Yahova aveeye mulungi, alahonyia Jerusalemi kandi ku woosi uwiganiraa.

Isaya 14:4

Lwakola yaga, avandu va Isiraeli valakolera mwami wa Babiloni kehenyahenye nokovoora, “Umwami umudambizi umali kugwa! Sialadambiza mundu kandi mba!

Isaya 16:4

Muleke komenye mu kivala chienyu. Mukukingi kutura ku yavo avenyaa kukudiviza.” Lidambizwa ni lidivizwa vilahera, na yavo avononyia kivala valatura ho.

Isaya 2:4

Yahova alaleeta mirembe hagati hi lihing'ana lie zihiiri zinene. Valatura vivavi viavo kuva amagembe, kandi amatimu gaavo kuva zingonono, zihiiri si zilazia kulwaana zihiiri zindi mba, anoho si ziligiza avandu vaavo uvulwani mba.

Isaya 26:2

Mwigule virivwa via madaala manene na muleke ihiiri isuuvirifu yingiri, ihiiri ya vandu vakora agaveeye malungi.

Isaya 32:17

Kigira vuli mundu alakola agaveeye amalungi, mirembe ni likingwa vilavaho mihiga ni mihiga.

Isaya 33:18

Uvuti vuvwo vwakale vwa vasololi vuvusuuru kandi vwa avatunyirizi vulava chukwizuliza mu zing'anagani.

Isaya 45:24

“Vosi valavoora ndi, vulungi kandi zinguru vituraa ku inzi, navuzwa vosi avadunyiraa inzi, valaduuka mu zisoni.

Isaya 49:26

Ndakora avadambizi vinyu viitane aveene naveene, kandi valahambika masahi gaavo aveene kuli iwaini; maku, avandu vosi valamanya ndi, inzi mbeeye Yahova, uwavahonyia kandi wavaha avovoholole. Valamanya ndi inzi mbeeye Nyasaye wi zinguru wa vandu va Isiraeli.”

Isaya 51:13

Ivi wiviiliyi inzi Yahova uwakolomba, uwaavambula ligulu kandi uwavika mise jie lirova. Kigira ki omenye muvuti kazozo vwu vululu vwa yavo avakudambizaa, vwa yavo aveetegeki kukudiviza? Uvululu vwa avadambizi voveeye haliha?

Isaya 52:1

Avandu va Jerusalemi, muve nizinguru zinene kandi! Lidaala litakatifu lia Nyasaye, mwiviki munyi aveene vukumi! Avandu vatamanyi Nyasaye, sivalingira mu virivwa vivio kandi mba.

Isaya 54:4

Utatia mba, kigira siulavikwa muzisoni kandi mba; kandi siulaleganywa mba. Ulivilira uvwoni vwa wakola nukikiri muyaayi kandi siulizuliza manyego guvukunzakali vuvwo mba.

Isaya 60:18

Mwoyo gwa vikilage sigulahulika mu kivala chiinyu kandi mba. Lidiviza anoho kwononyia si vilavaho mu kivala chiinyu kandi mba. Ndamukinga kandi ndamusoola kuli lidigi, mulahaana lizominya ku inzi kigira mali kumuhonyia.

Isaya 60:21

Avandu vinyu vosi valava avalungi, kandi valavugula miandu ji kivala chavo mihiga ni mihiga. Inzi ndaavaleta kandi nimbaviiki mu kivala yiki; ndakora ndio kandi nduuki kukuminywa.

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Isaya 62:1

Inzi si ndachiring'ana kigira avandu va Ziyoni mba, kandi si ndasosa kigira Jerusalemi mba; kuduuka uvulungi vwivwe vong'ereng'ane kuli uvulavu vwa mugambazuri, kandi ovohonyi vwivwe vove kuli itaya yaka mu vudiku.

Isaya 9:4

Ivi umali kuvunanyia iniira yavatugwa yavaliduhilaa kandi impimbu ikuyaa ku mavega gaavo. Umali kuguuta ihiiri ya dambiza kandi iyanuuraa avandu vovo, kuli waguuta liihi lia Midiani kale ligali.

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Jeremia 30:10

“Avatumikiri avandu vange Isiraeli, mutatia mba; avandu va Isiraeli, mutatiihizwa mba. Ndamusoola kutura mukivala chi ihale yicho, kutura mukivala chamuveeyemu avahambe. Munyi na mulirana yengo kandi namumenye mumirembe; munyi na mukingwi, umundu kali mulala sinaamutihizi mba.

Jeremia 30:20

Inzi ndiranyira ihiiri zinguru ziayo ziakale, kandi ndagisingiriza vudinyu ligali; Inzi ndahaana amageri kuvoosi avavadambizaa.

Jeremia 31:23

Yahova Wuvunyali, Nyasaye wa avandu va Isiraeli avoora, “Lwa naziranyie avandu mukivala chavo, vaza viraniri kovora mukivala chi Ivuyuda kandi namadaala gayo gene, ‘Yahova agaasizi kiguru kitakatifu cha Jerusalemi, havundu hatakatifu ahamenyaa.’

Hosea 10:12

Inzi ndaavoora, ‘Mwenyelerizi kokora uvulungi munyi aveene, na mulanyola uvuyanzi vutaveeye nekeheri. Mutulizi vudamanu vwinyu, kigira ing'inga yiduuki yu kwenya Yahova, aduuki koleta ovohonyi ku munyi.’

Zekaria 8:3

Inzi ndirana mu Jerusalemi lidaala liange litakatifu nokomenya mulio. Lilakalangwe lidaala lisuuvirifu kandi kiguru cha Yahova Wuvunyali, kilakalangwe kiguru kitakatifu.

Zekaria 9:8

Ndakalindi kivala change nu kwigalira mahi galavuli kuvitira mu. Sindakaleke avandu vadamanu vadambizi avandu vange kandi mba. Mali kolola kuli avandu vange vasaalira.”

2 Petro 3:13

Navuzwa, kolondekana ni lisuuviriza lilie, kunyi kulindiliraa konyoora ligulu lihia kandi lirova lihia; hango hu vutakatifu.