Isaya 54:10 - KITABU KITAKATIFU

¹⁰ Vigulu vinyala kutura ho, utugulu tunyala kutulizwa ho, navuzwa zimbavasi ziu vuyanzi vwange vutali ne keheri sivulatula ku ivi kali hakuzu mba. Lilagana liange lie mirembe sililatulizwa ho mba.” Inzi Yahova overereraa ivi mali kovora.

Isaya 54:10 Iomraidhean Croise

2 Samweli 23:5

Kandi nindio Nyasaye aligasiza kisukururwi change, kigira umali kolomba lilagana lie mihiga ni mihiga ninzi, lilagana ililivula kuvunanywa, lisuuvirizwa ililivula kugirung'anywa. Yicho nicho choosi (ichanzegombaa); ikiliva liguuta liange, Na Nyasaye alakakitwekizi.

Zaburi 102:26

Yivi viosi viladiva, navuzwa ivi ulahindira mihiga ni mihiga. Yivi viosi vilakunguha kuli inguvu. Ulavisiuva kuli zinguvu kandi vilagota;

Zaburi 46:2

Kunangwa, sikulatia kindu kali hakuzu, kali niiva lirova liladengeyizwa, kandi niiva vigulu vilagwa mu luliva lwinyanza.

Zaburi 46:3

Kali niiva zinyanza zilahuma kuli zinyama ziu mbulimu nokolomba liyoga nu vutima vululu; kandi vigulu vinene videgerizwaa vudinyu ligali.

Isaya 49:10

Sivalakave ninzara anoho uvuluhu mba. Sivalasalirizwa nuluya lwu muchangalangwe anoho umuvasu sigulavasamba kandi mba, valimilirwa nu mulala uvayaanzaa. Alakavimiliri kali kuduuka ha visenukiru via amazi.

Isaya 49:15

Kunangwa Yahova yavativulira, “Mundu mukali anyala kwivilira umwana weve mudoto, Kandi anyala kuvula kuyaanza umwana weve wa yiivuyi mwene? Kali niiva alivilira mwana weve, navuzwa inzi sinyala kwivilira avandu vange mba.

Isaya 54:8

Ndaagirung'ana kutura ku ivi mu vutima vonene ku ing'inga engekeeke, navuzwa kalunu ndakumanyia uvuyanzi vwange vutali nekeheri. Nindio Yahova ohonyiaa.

Isaya 55:12

“Mulatula mu kivala cha Babiloni nuvusangali; mulimilirwa muturi mu lidaala linene zana mu mirembe. Vigulu nutugulu vitange kwimba vudinyu na imisaala jilahanzuka kigira uvusangari.

Isaya 55:3

“Muhulirizi kalunu munyi avandu vange, na muuzi ku inzi; muuzi ku inzi; na mulava ni livamwoyo! Ndalomba lilagana lihindiraa mihiga ni mihiga ni munyi, kandi ndamuha uvugasu vwa ndasuuviriza kuhaana ku Daudi.

Isaya 55:7

Avadamanu valeke zinzira ziavo zindamanu. Avandu vachamu valeke zing'anagani ziavo ziuvuchamu viirane ku Yahova Nyasaye wiitu kigira aveeye wi zimbavasi vavererera; kandi aveeye mwangu kusaamiha.

Isaya 59:21

Ndalomba lilagana liange ni munyi: Mali kumuha zinguru ziange kandi amigizu gange kuva aginyu mihiga ni mihiga. Kutura kalunu, gamudukira muhuliri inzi kandi mwigize avana vinyu kandi visukululwi vienyu vaambuliri zing'inga ziosi.”

Isaya 61:8

Yahova avoora, “Inzi ndayaanza likalaga liu vulungi, kandi ndunyiraa likora uvudamanu ndahaana amadanyi ku avandu vange mu vusuuvirifu. ndaalomba lilagana liange navo lie mihiga ni mihiga.

Isaya 63:7

Ndavolera avandu amakuva gu vuyanzi vwa Yahova uvutali ne kegero. Ndamwizominya kolondekana ku goosi aga Yahova amali kokolera kunyi. Yee, umali kokora ivindu vinyingi ku vandu va Isiraeli; kolondekana ni livererera lilie kandi kuli zimbavasi zizie zitahera.

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Jeremia 31:36

Inzi sindivilira kuhaana malago yago mba, kandi sindaleka Isiraeli ivuli kuzizagilira kuli ihiiri mba. Inzi, Yahova, mali kovora.

Jeremia 33:20

“Niiva mulavunaga lilagana liange mbasu kandi vudiku, kunangwa lidiku liene yilio nu vudiku vwene yivwo vuvuli kuduuka ku ing'inga idukanaa,

Ezekieli 16:42

Maku uvutima vwange navolekele kandi na ngiling'ane. Si ndaza mbe nu vutima anoho embodoka kandi mba.

Ezekieli 34:25

Ndakalombe lilagana liange navo liu kuvasuuviriza mirembe. Ndakatulizi mu kivala zinyama ziosi ziu vuhimwa, kunangwa magondi gange galamenya mu milimi kandi kogona mu militu mu mirembe.

Malaki 2:5

“Mu lilagana liange navo, ndaavalaga livamwoyo lilahi kandi mirembe. Yaga nigo gandavaha, kunangwa vaduuki kuhaana luyali ku Inzi. Mu madiku gene yago, vahaana luyali ku inzi kandi ni vaatia Inzi.

Livalidza 25:12

Kunangwa umuvolere ndi nombaa naye lilagana liange liemirembe.

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

Matayo 24:35

Ligulu ni lirova vilavita, navuzwa amakuva gange sigalivita mba.”

Matayo 5:18

Agiligali muvooleraa, kuduuka lwi ligulu ni lirova vilihera, induguta anoho kedonye kilala kekekeeke ligali chi induguta yi Lilaga, sivinyala ligali kogota, kuduuka lwa viosi vilitwekizwa.

Varumi 11:29

Nyasaye namali kugasiza avandu ni vihaanwa kandi namali kuvalanga, si agirung'anaa mu zing'anagani zizie kandi mba.

Tito 3:5

yakohonyia. Sigaveeye ni kumiyinzi milahi ja kwakora muvulungi, mba navuzwa vakohonyia kigira zimbavasi zizie kuvitira mu Libatiza liletaa liivulwa lihia kandi kuvitira mu Roho Mutakatifu uhaana livamwoyo lihia.

Vahebraina 12:27

Likuva yili, ing'inga yindi kandi, limanyia havulavu ndi ivindu vialombwa na Nyasaye viosi viladegerizwa, kandi vilakatulizwi ho, kunangwa vindu vitanyala kudengeyizwa vilakatigale.

Likunula 6:14

Ligulu liatulizwa ho vwangu kuli kitabu kilingwaa. Ivigulu viosi ni ivisulu viosi viatulizwa mu vogono vwavio.