Isaya 54:1 - KITABU KITAKATIFU

¹ Wimbi nuvusangali, O, ivi Jerusalemi oveeye mugumba; ivi uwavula kwivura umwana. Uhanzuki nukwimba vudinyu kigira uvusangari, ivi uwavula kuva ku ni lilumwa liu kwivura. Mukali walekwa alava na vana vanyingi kuvita avana vu mukali oveeye numusaza.

Isaya 54:1 Iomraidhean Croise

Litanga 21:6

Sara yavoola, “Nyasaye umali kondetera uvuyanzi kandi keseko. Vuli umundu uhulira ku yaga alangoonya koseka.”

Zaburi 113:9

Aheezaa mukali mugumba uluyali hango hehe. Amukolaa asangale ku linyola avana; Mwizominye Yahova.

Lwimbu lwa Solomoni 8:8

Koveeye na mbozo musoleri zimbeere zizie zigikiri kuviruka kulakola ki kuye lwu muyaayi musoleri yaza kumuteeva?

Isaya 12:6

Vuli mundu woosi umenyaa mu Ziyoni ahanzuki kandi yimbi! Nyasaye Mutakatifu wa Isiraeli aveeye munene; kandi amenyaa hagati ha vandu veve.”

Isaya 24:14

Yavo avatigara mwoyo valakimba kigira vusangali. Yavo avaveeye Imadioli valavoora kuli ovonene vwa Yahova voveeye,

Isaya 44:23

Mwimbi nuvusangali, munyi ligulu! Muhanzuki munyi isi wi lirova! Muhanzuki nu vusangali, munyi vigulu O, munyi militu ni misaala josi ijiveeye mu, kigira Yahova umali kohonyia kisukururwi cha Yakobo; naye alakuminywa mu kivala cha Isiraeli.

Isaya 49:13

O, ligulu liosi mwimbi! Kandi, lirova liosi mwimbi nimusangara! Vigulu viosi mwimbi zinyimbu! Yahova alaleminya avandu veve mioyo, kandi alavererera yavo avaveeye mu lidambizwa.

Isaya 49:19

“Kivala chiinyu chononywa kandi ni kitigara ichele. Navuzwa kalunu kilava kekekeeke ligali, ku vandu vaza nokomenya mucho. Avasigu vinyu valahirwa ihale kutura ku munyi.

Isaya 49:20

Avana vivulwa ing'inga ya mwali mu kivala chu vutugwa, lidiku lilala valakamuvoolere ndi, ‘Kivala yiki kegehi ligali kukunyi kwenyaa havundu handi hokomenya!’

Isaya 62:4

Simulalangwa kandi, “Azuba,” liveeye kovora “Avandu valekwa” anoho kivala chiinyu si kilalangwa “Shemama” liveeye kovora “Mukali walekwa.” Navuzwa mulalangwa “Hefiziba” - liveeye kovora “Uvusangari vwa Nyasaye voveeye mu munyi.” Kivala chiinyu kilalangwa; “Beula” - liveeye kovora - “Wakwevwa.” Yahova asangalira munyi, kandi mulava kuli musaza mu kivala chiinyu.

Isaya 66:7

“Lidaala linene litakatifu liange liveeye kuli mukali wiivula umwana vugira kuva ni lilumwa. Lilumwa nilikikiri kuduuka kuye, wiivuywi mwana muyayi.

Zefania 3:14

Mwimbi kandi musangare, munyi, avandu va Isiraeli! Musangare ni mioyo jinyu josi, Jerusalemi!

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Vagalatia 4:27

Mang'oda Matakatifu gavoora, “Usangale, ivi oveeye mukali mugumba. Hanzuka kandi uliri nu vuyanzi, ivi uwavula kuhulira uvuzunu vwi lilumwa liu mwana. Kigira mukali walekwa alakave na avana vanyingi kuvita va uyu uwavula kolekwa nu musaza weve. ”

1 Samweli 2:5

Avandu vaali ninziguta kalunu vayinzira ku vaduuki konyoora chukulia, navuzwa yavo avaari ninzara si vaveeye ni inzara kandi mba. Mukali mugumba wivuuyi avana saba. Navuzwa mama wa vayaayi vanyingi utigaye umwere vugira mwana.