Isaya 53:4 - KITABU KITAKATIFU

⁴ “Navuzwa yikuzira ku vusaliri uvwali vove uvwitu, yikuzira ku vuzunu uvwali vove uvwitu. Zing'inga ziosi kwaganagana ndi uvusaliri vwivwe vwali lihevwa mageri kutura ku Nyasaye.

Isaya 53:4 Iomraidhean Croise

Zaburi 69:26

Vadambizaa oyo wa ivi umali kuha amageri, vameeda uvusaaliri ku yavo ava ivi umali kwata ologoma.

Zaburi 69:27

Uvameede amageri ligali ku vudamanu vwavo, utaleka vanyoore ovohonyi vuvwo mba.

Zaburi 69:8

Inzi mbeeye mugeni ku avamwavo vange, kandi mugeni ku vandu vi nyumba yange.

Isaya 53:10

Yahova avoora, “Vwali uvulariri vwange ndi aduuki kusalirizwa; likuza lilie liali kisiuviriru cho koleta uvusamiihi. Nandio alalola visukululwi vivie, alava ni livamwoyo lie mihiga ni mihiga, kandi kuvitira muye uvusaaviri vwange vuladukizwa.

Kyavalevi 16:10

Imburi etovoleywe kuva “Ya Azazeli” ilahaanwa neveeye mwoyo ku Yahova na ilalakulwa izie muchangalangwe ku Azazeli kunangwa ituliziho uvwoni vwa vandu.

Zekaria 13:7

Yahova Wuvunyali avoora, “O, kivavi, vuka ulwaane mwayi wange! Oveeye ahimbi ni Inzi! Kuya mwayi uyu, na magondi galasalanywa. Inzi ndalwaana vimeme viago.

Livalidza 7:15

kemoli kilala kigiriki, ligondi lilala limigu, ne kememe kilala kimigu chu muhiga mulala vive kuli vihaanwa viu kusambwa.

Livalidza 7:45

kemoli kilala kigiriki, ne kememe kilala kimigu chu muhiga mulala, vive kuli vihaanwa viu kusambwa.

Matayo 26:37

Yazia harara na Petero kandi avayaayi vaviri va Zebedayo. Yaatanga kovelera, no kohenda mwoyo,

Matayo 8:17

Yakola ndio gaduuki kuduukizwa agu muporofeti Isaya yavoola, “Mwene yavugula ovodekeranu vwitu, kandi yaginga uvulwaye vwitu.”

Yohana 19:7

Avayuda vaamutivulira, “Kunyi koveeye ni Lilaga, na kolondekana ni Lilaga yili, gaduukanaa akuze, kigira yekolaa mwene kuva Mwana wa Nyasaye.”

Varumi 4:25

Yahaanwa yiitwi kigira vwoni vwitu, kandi yasimugukizwa kunangwa kunyi kuduuki kokolwa avalungi imbiri wa Nyasaye.

Vagalatia 3:13

Kristo yakohonyia kutura mu kilaamo chi Lilaga lwa yagwa kilaamo kigira kunyi; kuli Mang'oda Matakatifu gavoora, “Mundu woosi usungwa ku musaala Nyasaye amulaami.”

Vahebraina 9:28

Mu liiva lilala liere Kristo kandi yahaanwa lulala kuva kisiuviriru kusamiiha uvwoni vwa vandu vanyingi. Ku ing'inga ya kaviri sialiloleka kusamiiha vwoni mba, navuzwa kohonyia yavo avamulindiliraa.

1 Petro 2:24

Mwene yaginga uvwoni vwitu mu muviri gwigwe ku musalaba, kunyi kuduuki kukuza ku uvwoni, kandi kove mwoyo ku vulungi. Kigira zingwagu zizie, munyi mwahonywa.

1 Petro 3:18

Kristo mwene yakuza lulala kigira uvwoni vwinyu naveeye umundu mulungi muvogono vwa voni, aduuki koleta munyi ku Nyasaye. Umuviri gwigwe gwitwa, navuzwa yakolwa mwoyo mu Roho,

1 Yohana 2:2

Kandi Kristo mwene aveeye kisiuviriru chu vwoni vwitu; kandi siaveeye ku vwoni vwitu kwenyine mba, navuzwa kandi nuvwoni vwa vumukivala vosi.