Isaya 53:2 - KITABU KITAKATIFU

² Vwali uvulariri vwa Yahova ndi umutumikiri weve aduuki kuviruka kuli kitagwa kedoto ikihilaa imiri hasi mu kivala chumu. Siyaali nuvukumi anoho ligondo lilahi, okokora kunyi kumukayirwi mba. Sichali ho ni kindu kuye chukuyaanziza, sichali ho ni kindu ichakakungusi kunyi kuye mba.

Isaya 53:2 Iomraidhean Croise

Isaya 11:1

Avinyumba yu vwami vwa Daudi vaveeye kuli umusaala gumali kotemagwa; navuzwa kuli visivu visivukaa kutura ku kitinya, nindio mwami muhia alasingira kutura hagati hi visukululwi via Daudi.

Isaya 4:2

Ing'inga yiza lwa Yahova alakakole vuli kitagwa kandi umusaala mu kivala kuviruka ligali nukuva umulahi. Avandu vosi va Isiraeli, avatigara, valalia nu kusangalira amakuyu malahi gi lirova.

Isaya 52:14

Avandu vanyingi valatimukwa engolo lwa vamulola kigira ligondo lilie liononywa; siyaali kandi ni ligondo liu mundu mba.

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Jeremia 23:5

Yahova avoora, “Ku ing'inga yiza lwa nandovole mwami mulungi mu kisukururwi cha Daudi. Mwami mwene oyo nayamiihi novogeri kandi yaza akole agaveeye malahi kandi malungi mukivala choosi.

Zekaria 3:8

Joshua huliriza, ivi oveeye musaalisi munene, kandi hulirizi munyi avasaalisi vache, avaveeye kimanyiru kilahi cha madiku gaaza. Ndakamuvuuliri mutumikiri wange wagulikwa ulusia!

Zekaria 6:12

Mumuvolere ndi Yahova Wuvunyali avoora, ‘Mundu ulangwa Ulusia alavilukila havundu ha aveeye, kandi alumbaka vuhia Litembeli lia Yahova.

Marko 6:3

Uyu siaveeye umuvazi, umwana wa Maria, amwavo Yakobo, Jose, Yuda na Simoni? Avavozo veve si vamenya hano harara ni kunyi?” Na vamusuura.

Marko 9:12

Yavativulira, “Yee, ligali Elija alaza kutanga aduuki kwetegekiza vuli kindu. Navuzwa kigira ki gang'odwa mu Mang'oda Matakatifu ndi, Mwana wa Adamu alakubizwa ikivi kinyingi nu kuchaywa?

Luka 2:7

Maria yivula mwana weve muyaayi wimbiri naamulingira mu zinguvu ziu mwana, namwaliriza ku mulinga gwi zing'ombe ziliiraa ku, kigira sivanyoola ovogono munyumba yavageni mba.

Luka 9:58

Yeso yamutivulira, “Vivwi viveeye ni zimbangaywa, namanyonyi gigulu gaveeye ni zinyumba ziago, navuzwa Mwana wa Adamu siaveeye na hokososera mba.”

Yohana 18:40

Kunangwa vahanzuka kandi nivavoora, “Awa! Mundu uyu mba! Kunyi kwenyaa Baraba!” Baraba yaali munuri.

Yohana 19:5

Kunangwa, Yeso yatura ichova niyiviiki itaji yamafa kandi iganza yi ligondo lie kizambarao. Pilato yavavolera, “Mundu zana nguyu!”

Varumi 8:3

Nyasaye umali kokora agi Lilaga liali livuli kokora kigira ovodedekere vwi liiva liu muviri. Yakalagira uvwoni voveeye mu mundu kulwu kutuma Mwana weve mwene, waza mu liiva liu mundu mwoni kuli kihanwa chu vwoni.

1 Petro 2:14

Mwegehizi kandi ku vamiihi avatovolwa nu Mwami kuhaana amageri ku yavo avakolaa uvudamanu, kandi mwizominye yavo avakolaa uvulahi.