Isaya 53:12 - KITABU KITAKATIFU

¹² Kigira yaga, ndamuviika havundu hu luyali, alagavulana vilaanye harara na avizingulu. Kigira yihaana umwene kuduuka ku likuza, yavalizwa harara na voni; kali ndio, yaginga uvwoni vwa vandu vanyingi kandi nasaara ndi avoni vaduuki kusaamiifa.”

Isaya 53:12 Iomraidhean Croise

Litanga 3:15

Ndaviika uvusigu hagati hoho nu mukali, kandi ndaleta uvusigu hagati hi visukululwi vienyu, visukululwi viu mukali vilasionolanyia mutwi gugwo, na ivi ulaluma visukululwi viu mukali lichi.”

Ayubu 30:16

“Kalunu mbeeye ahimbi kukuza, sihaveeyeho novosoosi kuturana nuvusaliri vwange mba.

Zaburi 2:8

Ondeeve, na inzi ndakuha zihiiri ziosi ni vindu vie lirova liosi kuva iviivio.

Zaburi 22:14

Zinguru ziange ziikami kuli amazi gasunduliywi ichova. Vigumba viange viosi viitiguki; mwoyo gwange guuyiinguki kuli ihura isalulukiziywi.

Kutwula 15:9

Musigu yavoola, ‘Ndavalonderera na ndavagumira, ndagavulanyia vutugi vwavo nu kuvugura viosi viavaveeye navio.’

Isaya 49:4

Inzi ndaavoora, “Ndaakola minyinzi, navuzwa jiveeye vuzwa! Ndaatumikira zinguru ziange ku miyinzi, navuzwa sindaakonya kindu kali hakuzu mba.” Kali ndio ndaasuuvira Yahova Nyasaye wange, alamba amadanyi ku likora liange.

Isaya 52:13

Yahova avoora, “Mutumikiri wange alaguuta mu miyinzi jije midinyu. Alahevwa luyali lonene; kandi alanenehizwa ligali.

Isaya 52:15

Kunangwa alagenyia zihiiri zinyingi; avami valakiring'ana niligenya; valalola aga vakikiri kololaku, kandi valamanyiriza aga vakikiri kumanya.”

Isaya 53:6

Kunyi kwosi kuli magondi agaali nigagota, kandi vuli mulala ku kunyi nazizaa kunzira yeye mwene. Navuzwa Yahova yamudwika amageri, amageri aga kunyi aveene kwadukana koheevwe.

Isaya 53:8

Yagumirwa nukukalagirwa nukuhirwa ukwitwa, na siali ho nuwahenda mwoyo ku agazizaa kwekoleka kuye mba. Yitwa kigira uvwoni vwitu.

Danyeli 2:45

Walola kuli ligina liadika kutura ku lwanda vugira umundu kulidiira, kandi kuli liaduya kifananyi chalombwa kutura ku kivia, mugasa, madohi, ifeza, kandi izahabu. Nyasaye akovoleraa O, mwami wiitu ichawalota kandi ngovooleye kivuni cha maloto zana.”

Matayo 26:42

Yeso yazia lwa kaviri nasaara; “Baba wange, niganyalika kekombe chu vusaliri yiki kimbiti mburi kukinwa, navuzwa uvulariri vuvwo vokolwi.”

Marko 15:27

Vamuvaamba harara na vanuuri vaviri, mulala ku mukono gwigwe umulungi nu wundi ku mukono gwigwe mumosi. [

Marko 15:28

Hene yaho gaduukizwa Amang'oda Matakatifu agaavoola, “Yavikwa harara na voni.”]

Luka 22:37

Kigira muvooleraa ndi Amang'oda Matakatifu agaavoola ndi, ‘Yavalizwa harara na avoni.’ Kuduuka gatwekizwe kuva agiligali ku inzi. Yee agang'odwa ku inzi gaaza kuva agiligali.”

Luka 23:25

Yavoholora Baraba uwavofwa muvuhambe kigira ligemehiza vulwani nu vwiti. Uyu niyie wa yenya kuzinguru. Navuzwa yahaana Yeso kuvo vamukolere kuli venya.

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

Varumi 8:34

Nivwaha ulikalaga? Ni Kristo Yeso wakuza yee, wasimugukizwa kutura mu vakuzu, oveeye ha mukono mulungi gwa Nyasaye, ukusaaliraa?

2 Vakorintho 5:21

Kristo siyali nuvwoni mba, navuzwa Nyasaye yamulomba kusanga muvwoni vwitu, kunangwa kunyi kuduuki kusanga mu vulungi vwa Nyasaye muye.

Vafilipi 2:17

Hawundi amasahi gi livamwoyo liange gaduukanaa gasundulwi kuli kihanwa ku kisiuviriru chi lisuuvira lienyu lihaana ku Nyasaye. Niiva gaveeye ndio, inzi nyanza, kandi sangala harara ni munyi mwosi.

Vakolosai 2:15

Kristo uguuti roho jamiihaa vwerefu ni lirova kandi uvunyali vwosi uvivuuyi havulavu, uvimiliyi kuli vahambe mu liguuta lilie.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Vahebraina 12:2

Gendi kohenze ku Yeso mutangizi kandi muduukizi wilisuuvira lietu, kutura mu litanga kuduuka ku keheri; kigira uvusangari vwali nivuvikiywi imbiri weve, yikuzira ku musalaba, nachaya zisoni zie likuza na yikaye ha mukono mulungi gwendeve yu vwami vwa Nyasaye.

Vahebraina 7:25

Kandi ndio anyala, kalunu na kazozo, kohonyia yavo avaazaa ku Nyasaye kuvitira muye, kigira aveeye mwoyo mihiga ni mihiga, kandi avasaaliraa ku Nyasaye kazozo.

Vahebraina 9:24

Kristo si yingira Havundu Hatakatifu halombwa na makono ga vandu, ahaali kuli liiva lia hiligali mba. Yingira mwigulu mwene, mwa kalunu asingiraa imbiri wa Nyasaye kigira kunyi.

Vahebraina 9:26

galava ndio, ngano Kristo yaali yakasaliyi haali kanyingi kutura lirova nililombwa. Mu vogono yivwo kalunu lwi zing'inga ziesunda ko keheri, umali kololeka lulala vuzwa kandi lwu kumaliriza, kutuliza vwoni kuvitira mu liehaana mwene kuli kisiuviriru.

Vahebraina 9:28

Mu liiva lilala liere Kristo kandi yahaanwa lulala kuva kisiuviriru kusamiiha uvwoni vwa vandu vanyingi. Ku ing'inga ya kaviri sialiloleka kusamiiha vwoni mba, navuzwa kohonyia yavo avamulindiliraa.

1 Yohana 2:1

Avana vange vayanze, mung'oderaa amakuva yaga; kunangwa muvuli kokora uvwoni. Navuzwa mulala naava naakora uvwoni, koveeye nu mulala okomolomeraa ku Baba, naye ni Yeso Kristo, oveeye umulungi yenyine.

1 Yohana 2:12

Ng'oderaa munyi, avana vange, kigira uvwoni vwinyu vusamiihhiywi kigira lieta lia Kristo