Isaya 53:1 - KITABU KITAKATIFU

¹ Avandu vaativura; “Nivwaha usuuviyi makuva giitu? Nivwaha wi zinguru zia Nyasaye ziavulika kuye?

Isaya 53:1 Iomraidhean Croise

Isaya 40:5

Maku uvukumi vwa Yahova vulaloreka na vandu vosi valavolola. Yahova mwene umali kulaga yaga.”

Isaya 51:9

Hamba, O, Yahova, na okokonye! Tumikira zinguru zizio na okohonyie; uzitumikiri kuli wazitumikira maziambiri. Yaali ivi uwakalaga ogoyoka gwu mu inyanza Rahabu mu vidonye.

Isaya 52:10

Yahova umali kumanyia mukono gwigwe mutakatifu imbiri wi zihiiri ziosi. Keheri choosi chi lirova kilalola ovohonyi vwa Nyasaye wiitu.

Isaya 59:16

Yahova ogenyi kolola ndi si haali nu mulala okonyaa avadambi mba. Kunangwa alatumikira zinguru zizie kuvasoora kandi kuvaha iliguuta.

Isaya 62:8

Yahova umali kwisuuha nu mukono gwigwe mulungi kandi ku zinguru zizie ndi, “Inzi si ndahaana uvuswage vwinyu kuva chukulia ku vasigu vinyu mba, kandi avageni si valanwa iwaini yinyu mba.

Matayo 11:25

Ing'inga yeyo Yeso yavoola, “Baba, Mwami wi ligulu kandi lirova! Ngusandizaa ligali kigira waavisa ivindu yivi ku avageri na avilimanya, na nuukunulira ivihanzahanza.

Matayo 16:17

Yeso yativura, “Oveeye nuvugasu ivi Simoni umwana wa Yohana kigira siaveeye umundu ukuvuuliyi agiligali yaga, nitali ni Baba wange oveeye mwigulu.

Luka 18:31

Yeso yasunda halovega avaari likomi na vaviri navavoolera, “Huliri! Kuziiza Jerusalemi uwi vindu viosi viang'odwa na avaporofeti ku Mwana wa Adamu vilatwekizwa.

Yohana 1:12

Navuzwa ku yavo vosi avamuvugilira kandi avaasuuvira muye, yavaha uvunyali kuva avana va Nyasaye.

Yohana 1:7

yaza kuli mulolekizi, alolekize vulavu yivu, kunangwa avandu vosi vaduuki kusuuvira kuvitira muye.

Yohana 12:38

na ndio amakuva gu muporofeti Isaya gavoora gaduuki kuduukizwa: “Mwami, nivwaha wasuuvira livoora lia amakuva giitu? Kandi, nivwaha wavuulirwa zinguru ziu Mwami?”

1 Vakorintho 1:18

Likuva lie likuza lia Kristo ku musalaba liveeye uvusiru ku yavo avadivaa, navuzwa ku kunyi avahonywa, liveeye zinguru zia Nyasaye.

1 Vakorintho 1:24

navuzwa ku yavo ava Nyasaye amali kulanga, vombi Avayuda na Avaguriki, likuva yili liveeye Kristo, oveeye zinguru zia Nyasaye kandi ovogeri vwa Nyasaye.