Isaya 52:7 - KITABU KITAKATIFU

⁷ Gaveeye gukuyaanziza ligali, kolola mutumwa naatuliyi mu vigulu, naletaa makuva malahi, makuva malahi gimirembe! Nalandizaa uvuguuti kandi avoleraa lidaala linene lia Ziyoni, “Nyasaye woovo aveeye Mwami!”

Isaya 52:7 Iomraidhean Croise

Zaburi 59:13

uvadivize mu vutima vuvwo vululu; uvadivize ligali. Maku avandu vosi valamanya ndi, ivi Nyasaye wamihaa mu Isiraeli, ndi uvwamihi vwivwe vulandaa kuduuka ku lirova liosi.

Zaburi 68:11

Yahova yalaga, na avakali vanyingi valandiza makuva zana:

Zaburi 93:1

Yahova, aveeye mwami. Wiviki uvukumi vonene ni zinguru zinene ligali. Usingirizi lirova vudinyu mu vogono vwalio kandi silinyala kusundwa kali hakuzu mba.

Zaburi 96:10

Muvoolere zihiiri ziosi, “Yahova aveeye mwami! Lirova liasingirizwa vudinyu mu vogono vwalio na silinyala kusundwa mba; alakalagira avandu nilikalaga lirungi.”

Zaburi 97:1

Yahova aveeye mwami! Lirova, musangare! Musangare, O, munyi visulu vie inyanza.

Zaburi 98:2

Yahova yalandiza uvuguuti vwivwe; yakola zinguru zizie ziokohonyia zimanyikane ku zihiiri ziosi.

Zaburi 98:3

Yaduukiza lisuuviriza lilie ku vandu va Isiraeli nu vusuuvirifu kandi nuvuyanzi vwivwe vutaveeye nekeheri kuvo. Avandu vosi havundu hoosi vamali kolola liguuta lia Nyasaye wiitu.

Zaburi 99:1

Yahova aveeye mwami; leka avandu vadegere. Yikalaa kondeve yeeye yu vwami igulu wi vilombe vie zimbaha, na lirova lidengeyaa!

Lwimbu lwa Solomoni 2:8

Mbulira mwoyo gwu muyanze wange. Yaazaa nanyagura kutura ku vigulu, atumatuma ku tugulu kuza kuinzi.

Isaya 24:23

Umweli gulamwama tititi, kandi liuva sililaaka kandi mba, kigira Yahova Wuvunyali alava mwami. Alamiiha mu Jerusalemi, ku kiguru cha Ziyoni, kandi aviimiliri va vandu valalola uvukumi vwivwe.

Isaya 33:22

Kigira Yahova aveeye mukalagi wiitu; alakakohonyie.

Isaya 40:9

O, Munyi avandu va Jerusalemi, mwanigiri kuzia ku kiguru kitambi na mulandizi Likuva lilahi! Munyi avandu va Ziyoni, mulandizi nu mwoyo munene likuva lilahi! Mulandizi na mutatia mba, muvoolere avandu va madara gi Ivuyuda ndi, “Nyasaye wavo yaazaa.”

Isaya 41:27

Inzi Yahova ndaali wukutanga kovoolera avandu va Ziyoni amakuva malahi, ndaatuma umutumwa Jerusalemi kovoolera, ‘avandu vinyu vazaa!’ Vaza yengo!

Isaya 42:11

Avandu vamenyi mu changarangwi, kandi avandu vamenyi mu madaala vizominye Nyasaye; avandu vamenyi mu madaala ga Kedari vamwizominye! Avandu vamenyi mu lidaala lia Sela vimbi ni vasaangala kutura kuzindongozi zie vigulu.

Mika 4:7

Vakolwa avalema kandi vaveeye ihale kutura mu zingo ziavo, navuzwa ndalomba limenya lihia harara niyavo avamala kohononoka, na valagwa ihiiri yizingulu. Inze Yahova ndavamiiha ku kiguru zia Ziyoni kutura ing'inga yeyo kuduuka mihiga ni mihiga.”

Nahum 1:15

Henza, mutumwa yaazaa kutura ku kiguru; aveeye na makuva malahi! Yaazaa kulandiza mirembe! Mulombe amasavo munyi avandu vi Ivuyuda, kunangwa muduuki ku twekiza lilagana lienyu na Nyasaye. Avandu vachamu sivalaza kwingilira kivala chiinyu kandi mba. Vosi vamali kudivizwa ligali!

Nahum 2:1

Munyi avandu va Nineve, mu veeye mu vuhimwa vwu kwingilirwa! Avasigu valimudiviza vamali kuduuka ku munyi. Mwelohizi kuli munyala kwikinga! Mulindi zinzira! Mwetegeke ku vulwani!

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Marko 13:10

Navuzwa Ivangeri kuduuka yilwazwe kutanga ku zihiiri ziosi.

Marko 16:15

Yavavolera, “Muzie mu lirova liosi kandi mwilwaze Ivangeri ku avandu vosi.

Luka 2:10

navuzwa engelosi yavavolera, “Mutatia mba! Henza muleeteraa amakuva amalahi ligali guvuyaanzi vonene uvuliduuka ku avandu vosi.

Luka 24:47

kandi lieganira nilisamiifwa liu vwoni lililwazwa mu zihiiri ziosi mu lieta lilie kutangira mu Jerusalemi.

Vafeso 6:15

kandi kuli vilatu vienyu mu virenge, mwetegeke kwilwaza Ivangeri yi mirembe.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 14:6

Ndaalora kandi engelosi yindi nibulukaa hagati hu uvwerefu, na yaali ni Ivangeri yi mihiga ni mihiga ya Nyasaye kwilwaazira vandu avamenyaa mu lirova ku vuli zihiiri, ni zinimi, kandi avandu va amagondo vosi.