Isaya 52:15 - KITABU KITAKATIFU

¹⁵ Kunangwa alagenyia zihiiri zinyingi; avami valakiring'ana niligenya; valalola aga vakikiri kololaku, kandi valamanyiriza aga vakikiri kumanya.”

Isaya 52:15 Iomraidhean Croise

Ayubu 21:5

Mumbenze na mugenye; mukuniki minwa jinyu.

Ayubu 40:4

Henza, Inzi simbeeye kindu ligali mba; nyala kukutivulira ki? Sindageriza kovora kindu kindi choosi mba.

Isaya 49:23

Avami valava kuli avababa vinyu, avakali va avami valava kuli avamama vinyu. Valinama imbiri winyu kandi valegehiza nukuhaana uluyali ku munyi. Hene yaho, mulamanya ndi, Inzi mbeeye Yahova, na yavo vosi avaveeye nilisuvira mu inzi sivaliduuka mu zisoni mba.”

Isaya 49:7

Nyasaye Mutakatifu wa avandu va Isiraeli kandi muhonyi avooreraa mulala olegelizwa ligali, udunyirangwa ni zihiiri kandi oveeye mutumikiri wa avamihi ndi: “Avami vaavo valakolora noveeye muvoholore, kandi valaza nukuhaana uluyali ku ivi; Avanene kandi valakolola noveeye muvoholore kandi valasigama kukuha luyali.” Yaga galakoleka kigira Yahova umali kotovola mutumikiri weve, Mutakatifu wa vandu va Isiraeli alindaa malagano geege.

Isaya 51:5

Ndaaza vwangu nukuvahonyia; ing'inga yi liguuta liange eveeye ahimbi. Inzi mwene ndamiiha ku zihiiri. Vivala vie ihale vinindilira inzi nzize. Valalindilira ni lisuuvira ndi ndavahonyia.

Isaya 55:5

Kalunu ulalanga zihiiri zing'eni; ku ing'inga ndala sivamanya ivi mba, navuzwa kalunu valahambana ni ivi nivanyagura zimbiru! Inzi, Yahova Nyasaye woowo, Umutakatifu wa Isiraeli, ndakora yaga goosi gekoleka. Ndakuha uluyali kandi uvukumi.”

Ezekieli 36:25

Ndasundura mazi malahi ku munyi, na ndamukora kuva avanifu kutura ku vudamanu vwosi vwi vifananyi via mwononyia.

Zekaria 2:13

Vuli mundu akiring'ane imbiri wa Yahova, kigira yaazaa kutura hatakatifu hehe.

Livalidza 19:18

Lwokutanga, mundu musereeze alavugula luvinu, nukulwina mu mazi nu kwuha ku lihema ne vindu viosi viveeye mu, nu ku vandu vaali ni vaveeye mu. Lwa kaviri mundu uveeye musereeze aluhila uyu wadira ku vigumba viu mukuzu anoho muviri mukuzu, anoho kilindwa.

Livalidza 8:7

Okole yaga kuvatakasa: Uvuhili amazi gu kutakasa na uvavoolere vavege miviri jaavo josi, vafuyi zinguvu ziavo ziosi ma vitakase aveene.

Matayo 28:19

Muzie, mukore avandu vi zihiiri ziosi vave vigi vange: muvabatizi: mu lieta lia Baba, liu Umwana, na lia Roho Mutakatifu;

Vikolwa 2:33

Yeso umali konenehizwa kuduuka ha mukono mulungi gwa Nyasaye, Baba weve, kandi umali konyoora Roho Mutakatifu kutura kuye, kuli yaali niyasuuviriza. Icha munyi muloraa kandi muhulira kalunu keveeye kihanwa chiche ichamali kuzuka ku kunyi.

Vahebraina 10:22

Kulwayago, gendi kwisundi ahimbi ku Nyasaye numwoyo gwiligali ni lisuuvira liu vuduukiru, nikoveeye ni zing'anagani zie mioyo jitakasiywi kutuliza mu zing'anagani zindamanu, kandi miviri ni jogiziiywi na mazi malahi.

Vahebraina 11:28

Kigira lisuuvira yatangiza lipasaka, nalaga amasahi guufwi ku viliango kunangwa Engelosi wi Likuza avuli kwita avayaayi viivulwa kutanga mu vandu va Isiraeli.

Vahebraina 12:24

Mumali kuuza ku Yeso umuhambanyi wililagana lihia, kandi ku masahi guufa agasuuvirizaa vindu vilahi ligali kuvita masahi ga Habili.

1 Petro 1:2

Mwatovolwa kolondekana kulienya lia Nyasaye Baba, kandi ni mutakaswa na Roho weve kutia Yeso Kristo kandi nimwogizwa na masahi geege. Zimbavasi ni mirembe vive ku munyi ligali.