Isaya 52:11 - KITABU KITAKATIFU

¹¹ Muzie! Muzie! Muturi hano; mutadiira kindu kitali kinifu! Muzie mutule hagati ha vandu va Babiloni! Mwitakase munyi avagingaa viju via Yahova.

Isaya 52:11 Iomraidhean Croise

1 Kyetsinyinga 15:12

Yavavolera, “Munyi muveeye aviimiliri vi viliango mu ihiiri ya Levi. Kuduuka munyi harara na vandu va Levi vache vinyu mwitakase, kunangwa muve avanyala koleta Lisandugu lie Lilagana lia Yahova Nyasaye wa Isiraeli, liize havundu ha inzi mali kulilombera.

Kutwula 30:19

Haruni harara na vayaayi veve kuduuka vatumikiri amazi yaga kwisaava amakono gaavo nivirenge;

Isaya 1:16

Mwisaave aveene munihi. Mulekere likora uvudamanu yivu vwosi vwa ndolaa nimukora. Yee, mulekere likora uvudamanu

Isaya 48:20

Muzie muturi mu kivala cha Babiloni, mulandizi ku vandu vosi ha vundu hoosi amakuva amalahi gu vusangali: “Yahova umali kohonyia avatumikiri veve Isiraeli!”

Isaya 66:20

Valaleta avamwavo vinyu vosi kutura mu zihiiri ziosi vave kuli kihanwa ku inzi. Valaletwa ku kiguru change kitakatifu mu Jerusalemi, ni vagingiywi ku zibarasi, amagare gu vulwani, zibunda, zisukiri, kandi zing'amia, kuli avandu va Isiraeli valeta uvuswage mu viju ivilahi kuli kihanwa mu litembeli liange.

Jeremia 31:21

Mulombe vimanyiru kunzira; mwenyerizi kandi inzira ya mwaleka. Mwilane, munyi avandu va Isiraeli, muzie yengo mu madaala ga mwaleka.

Jeremia 50:8

“Avandu va Isiraeli mwiruki kutura ku Babiloni! Muturi mukivala! Muve avukutanga kutura!

Jeremia 51:45

Avandu va Isiraeli, mwiruki kutura mu lidaala yili! Mwesoole kutura ku vutima vwange vululu!

Jeremia 51:6

Mwiruki kutura mukivala cha Babiloni! Vuli mundu yehonyie umwene! Mutitwa kigira uvwoni vwa avandu va Babiloni mba. Kalunu mbanzaa kisaalia kandi mbana amageri ku vandu yava kuli gavadukiraa.

Ezekieli 44:23

“Avasaalisi yava valigiza vandu vange vaduuki kumanyiriza agaveeye matakatifu kandi hataveeye hatakatifu, kandi vaduuki kwavukanyia hagati hu vulahi kandi uvudamanu.

Kyavalevi 10:3

Maku, Musa yavolera Haruni, “Yiki nicho kindu cha Yahova yamoloma ku lwa yavoola, avandu vosi vandumikira, kuduuka vahane luyali ku vutakatifu vwange; inzi indavuula vukumi vwange ku avandu vange!” Navuzwa Haruni yachiring'ana.

Kyavalevi 11:45

Inzi mbeeye Yahova, uwamuleta kutura mu kivala cha Egebeti kunangwa inzi nduki kuva Nyasaye winyu. Kunangwa kuduuka muve avatakatifu kigira inzi mbeeye mutakatifu.”

Kyavalevi 11:47

Kuduuka mwavukanyie hagati hi ivindu vidamanu kandi vilahi; hagati hi zinyama zinyala kuliivwa kandi zitanyala kuliivwa.

Kyavalevi 21:6

Kuduuka ave umutakatifu, kandi siaduukanaa yambiki muzisoni mba kigira ahaanaa vihaanwa vie viukulia ku Inzi Nyasaye wavo kuduuka ave umutakatifu.

Zekaria 2:10

Yahova yavoola, “Mwimbi nu vusangali munyi avandu vamenyi mu Jerusalemi! Nziza komenya hagati hinyu!”

Zekaria 2:11

Ing'inga yeyo, zihiiri zinyingi zilakaze ku Yahova kandi zilakave avandu veve. Alakamenye hagati hinyu, kandi mulakamanye ndi yanduma ku munyi.

Livalidza 16:26

Musa yavolera vandu, “Musingiri ihale kutura ku mahema ga vandu vachamu yava, kandi mutadiiri ku kindu chavo mba. Nigataveeye ndio, mulitwa harara navo kigira vwoni vwavo vwosi.”

Livalidza 19:11

Mundu woosi udiira ku mukuzu alava mudamanu ku lwa madiku saba.

Livalidza 19:16

Niiva mundu aladiira ku mundu umali kwitwa noho umali kukuza kuziiyi likuza lia kazozo, anoho mundu udiira ku vigumba vyo mundu wakuza anoho kudiira ku kilindwa, alava mudamanu ku madiku saba.

Livalidza 8:6

“Wahuli Ihiiri ya Levi kutura hagati ha vandu va Isiraeli ma uvatakase.

Vikolwa 10:14

Petero yativura navoora, “Awa, Mwami, inzi ngikiri kulia ku ikindu kivi anoho kidamanu mba.”

Vikolwa 10:28

Petero yavavolera, “Munyi aveene mumanyi ndi Muyuda woosi yagaywa ni Lilaga lilie lie lisuuvira atahambana na avandu vi zihiiri zindi mba. Navuzwa Nyasaye umali kumanyia mburi kuganagana ndi mundu woosi kuva munifu anoho mudamanu mba.

Varumi 14:14

Manya kandi mbeeye nagiligali mu Mwami Yeso ndi, sihaveeyeho ni chukulia ku choosi ikitaveeye kilahi ku vwacho mba; navuzwa niiva mundu asuviraa ndi chukulia yiki sikeveeye kilahi kulia, maku sikeveeye kilahi kuye mba.

2 Vakorintho 6:17

Mwami avoora, “Mwiyahuli aveene kutura kuvo. Mutadiiri kindu choosi kitaveeye kinifu, ninzi ndamuvugirira.

Vafeso 5:11

Mutava ni lisanga ni miyinzi ji kisundi ijitaveeye nu vukala mba, navuzwa nivulahi mujichaye havulavu.

1 Petro 2:11

Avalina vange avayaanze, ng'oonya munyi kuli avageni kandi avamenya mu kivala yiki, mwiyahuli ku likayirwa liu muviri, ilihing'anaa nu mwoyo vuli Iwosi.

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.

Likunula 18:4

Maku ndaahulira mwoyo gundi gutulaa mwigulu, nigovoora, “Avandu vange, muturi mulio! Mutava ni lisanga nalio muvwoni vwalio mba! Mutava ni lisanga ku maduywa galio mba.