Isaya 51:22 - KITABU KITAKATIFU

²² Yahova, Nyasaye winyu, ukingaa munyi avoora, “Inzi mali kutuliza ho vutima vwa ndamuha mu vutima vwange. Simulanwa kandi iwaini imukolaa kugoyana mba. Si mulanwa kandi lubaago lwu vutima vwange mba.

Isaya 51:22 Iomraidhean Croise

Zaburi 35:1

O, Yahova, uhiing'ane na yavo avahing'anaa ninzi, ulwaane yavo avalwaanaa ninzi!

Zaburi 60:3

Ivi umali kokora avandu vovo kusalira vululu ligali. Kuguyaguyaa vuzwa yiyi ni yiyi kuli avandu vahambiki iwaini.

Tsing'ano 22:23

Yahova alasingilira kiyaalo chavo, kandi alalanya yavo avalanyaa avadaka.

Isaya 29:9

Muzizagiliri kuva avasilu! Muzizagiliri kuva avavoku! Muhambiki vugira kunwa iwaini! Mwagenda muyekayeka vugira kunwa engelageriza yiwaini!

Isaya 3:12

Avayaayi vadambiza avandu vange, avakali vavamihaa. O, avandu vange aviimiliri vinyu vamuchaminya kutura kunzira inungi.

Isaya 3:13

Yahova yikaye kondeve yeye yilikalaga; kandi yetegeki kukalagira avandu veve.

Isaya 49:25

Yahova yiranyia amativuli ndi, “Kali musikari muluviliri anyala kunyagwa ivilanye vivie. Kandi avahambe valasoolwa kutura ku mundu mululu. Ndalwaana na vasigu vinyu, kandi ndahonyia avana vinyu.

Isaya 51:17

O, Jerusalemi, vuka! Vuka ivi mwene na usingiri vulungi! Ivi umali kunywa kutula mukekombe cha mageri icha Yahova amali kukuha mu vutima vwivwe; lwa mwakinywa mwagoyana.

Isaya 62:8

Yahova umali kwisuuha nu mukono gwigwe mulungi kandi ku zinguru zizie ndi, “Inzi si ndahaana uvuswage vwinyu kuva chukulia ku vasigu vinyu mba, kandi avageni si valanwa iwaini yinyu mba.

Jeremia 25:15

Yahova, Nyasaye wa avandu va Isiraeli, yambolera, “Mbeeye nu vutima uvunyingi kuli kekombe chizuuyi iwaini. Vugula kekombe yiki chuvutima vwange uhili ku zihiiri ziosi zia Inze ngutumaa kuzio, na uvakole kunwa iwaini yiyi.

Jeremia 50:34

Navuzwa mulala uwaza avasoole aveeye nizinguru wi lieta lilie liveeye Yahova Wuvunyali. Mwene alavakolera kekolwa nokoleta milembe ku kivala, navuzwa uvudinyu vulava ku vandu va Babiloni.”

Jeremia 51:36

Kunangwa, Yahova yavolera avandu va Jerusalemi ndi, “Ndavugura lienya lienyu, na ndavanza kisaalia ku avasigu vinyu ku goosi gavakolaa ku munyi. Nduminyaa ivisenukiru via mazi ga Babiloni kandi ndakora migera josi kwuma.

Lisyoma lya Jeremia 3:15

Yanwehiza amazi malulu kuzingulu, kandi ninzigutiza niviukulia kandi niviukunwa vilulu.

Lisyoma lya Jeremia 3:58

“O, Yahova, ivi waza kosoola, kandi nohonyia livamwoyo liange.

Ezekieli 39:29

Ndaviika Roho gwange ku vandu va Isiraeli, kandi sindagirung'ana kutura kuvo mba. Inzi Yahova Wuvunyali mali kovora.”

Joeli 3:2

Ndavungiza zihiiri ziosi harara kandi ndazireta mu livona lia Jehoshafati liukukalagilwa. Hene yaho ndaavakalagira ku goosi agavakolera vandu vange. Vasalanyia Isiraeli muvivala vigeni kandi vagavulanyia Isiraeli, kivala change.

Obadia 1:16

Avandu vange vamali konyoora mageri amalulu ligali ku kiguru change kitakatifu. Zihiiri ziosi ziveeye ahimbi zilanyoola mageri, zilazizagilira konyoora mageri malulu ligali. Ziosi zilanyoola mageri goosi nukudiva ligali.

Mika 7:9

Kigira ku mali kumwonera Yahova, kunangwa kuliekuzira ku vutima vwivwe vululu; kuduuka lwa akukinga mu kiyaalo change nukukukalagira. Alaandeta ichova mu vulavu, kandi ndalora ovohonyi vwivwe.

Zekaria 12:2

“Ndakakole Jerusalemi kuva kuli kekombe chi iwaini; zihiiri ziosi zikumberizaa lidaala yili zilakanwi waini kandi zilakageende no koyekayeka kuli avandu vahambiku. Lwa navingiliri Jerusalemi, madaala gandi goosi gi Ivuyuda galakingilirwi.

Matayo 20:22

Yeso yativulira avayaayi zana, “Mumanyi cha muteeva mba. Munyi munyala kunwa ekekombe chu vusaliri icha mbeeye ahimbi kunwa?” Navo vamutivulira, “Kunyala.”

1 Samweli 25:39

Lwa Daudi yahulira ndi Nabali umali kukuza, yavoola, “Yahova yizominywi! Umali kuvaanza kisaalia ku Nabali kigira linyega kandi umali kunzigalira inze mutumikiri weve mburi kokora vudamanu. Yahova umali kuha Nabali amageri kigira vudamanu vwivwe.” Maku Daudi yatuma avateevi ku Abigaeli mbula aduuki kumuvugula ave mukali weve.