Isaya 51:20 - KITABU KITAKATIFU

²⁰ Avana vovo vagwiyi hasi, kigira vwongoyi vaagoni mu keheri cha vuli inzira, vaveeye kuli embongo igumiliywi mu mutego gwu muhiizi. Vanyangizwa nu vutima vwa Yahova. Kandi ni ligondoka lia Nyasaye.

Isaya 51:20 Iomraidhean Croise

Isaya 29:9

Muzizagiliri kuva avasilu! Muzizagiliri kuva avavoku! Muhambiki vugira kunwa iwaini! Mwagenda muyekayeka vugira kunwa engelageriza yiwaini!

Isaya 40:30

Kali avang'erere valava avadedekere, kandi avasoleri valaluha ligali.

Isaya 49:26

Ndakora avadambizi vinyu viitane aveene naveene, kandi valahambika masahi gaavo aveene kuli iwaini; maku, avandu vosi valamanya ndi, inzi mbeeye Yahova, uwavahonyia kandi wavaha avovoholole. Valamanya ndi inzi mbeeye Nyasaye wi zinguru wa vandu va Isiraeli.”

Isaya 5:25

Kigira yaga, Yahova aveeye nu vutima na vandu veve na umali kunyiira mukono gwigwe ukuvaha amageri. Ivigulu viladegera, miviri ja yavo avakuzaa jilalekwa muzinzira kuli mavivi. Na kali ndio uvutima vululu vwa Yahova sivulalekera mba; navuzwa alanyiira mukono gwigwe kuhaana amageri.

Isaya 51:17

O, Jerusalemi, vuka! Vuka ivi mwene na usingiri vulungi! Ivi umali kunywa kutula mukekombe cha mageri icha Yahova amali kukuha mu vutima vwivwe; lwa mwakinywa mwagoyana.

Isaya 51:21

Kunangwa, hulirizi munyi avandu va Jerusalemi avasalirizangwa, munyi avahambiki, navuzwa sigali kigira iwaini.

Isaya 66:15

Yahova alaza numuliru, na magare geege gu vulwani gaveeye kuli kihuzuzi. Alaleeta uvutima vwivwe vululu hasi ni iligondoka lilie kuli lomemo lwu muliru.

Isaya 8:21

Avandu valagendagenda mu kivala, mu linyang'ana kandi ninzara. Mu inzara nu vutima vwavo, valalaama avami vaavo kandi Nyasaye wavo. Vanyara kohenza igulu mwigulu

Jeremia 14:16

Avandu vavaporofeta ku amakuva yaga, valakitirwi mu inzira ndala nzere. Miviri jaavo jirakasiuvwi mu zinzira zie lidaala linene lia Jerusalemi, kandi sialakaveho nu mundu kali mulala ulakajiyaviri mba. Yaga goosi galakakoleke ku avandu vosi harara na avakali vaavo, avayaayi na avakaana vaavo. Ndakavakole valatungi uvudamanu vwavo aveene.”

Jeremia 14:18

Lwandulanga kuzia mumilimi, ndolaa miviri mikuzu ja avandu viitirwa mu vulwani; lwandulaa kuzia mu madaala, ndolaa avandu ni vakuza kigira inzara. Avaporofeti na avasaalisi vakora miyinzi jaavo, navuzwa sivamanyi chavakola mba.”

Lisyoma lya Jeremia 1:15

“Yahova yalegeriza avasikari viitu vizingulu hagati hiitu; yatuma iliihi kudiviza avasoleri viitu; yaaduvagila hasi avandu viitu ve Ivuyuda kuli vamiina iwaini kutura mu mazabibu.

Lisyoma lya Jeremia 1:19

“Kwanira ku valina viitu kigira ovokonyi, navuzwa vaakugaada. Avasaalisi kandi avakulundu vakuzira mu zinzira zie lidaala linene, lwa vaali nivahenza chukulia vaduuki kuva mwoyo.

Lisyoma lya Jeremia 2:19

Muvuki mwaniri ku Yahova vudiku vwosi kandi mugambazuri! Muviiki mioyo jinyu imbiri wa Yahova kuli amazi gaviikwa mu kiju. Mugiingi makono ginyu igulu na musaale ku Yahova kigira livamwoyo lia vana vinyu, avakuzaa kigira inzara mu zinzira zie lidaala linene.

Lisyoma lya Jeremia 4:11

Yahova umali kololekiza vutima vwivwe uvululu. Uhambizi muliru mu Ziyoni ugwasaamba mise jie lidaala.

Lisyoma lya Jeremia 4:2

Avayaayi va Ziyoni vaali avalahi ligali kuli izahabu indahi, navuzwa kalunu vafani kuli zisiongo zio vodohi, umuyinzi gwa makono gumulongi.

Lisyoma lya Jeremia 5:13

Avayaayi viitu vasoleri vanigwa kusia vuswage kuli avatugwa; avayaayi vayekayeka nivagingi zinganya zindiduhu ziezingu.

Ezekieli 12:13

Navuzwa ndaavambura eneti yange kandi ndakamugimilimu. Maku ndakamuhili mu lidaala linene lia Babiloni, walikuzila vugira kulilola.

Ezekieli 17:20

Ndaavambura mutego kumutega, na gulamugumila. Ndamuhila Babiloni nu kumuherayo amageri, kigira siyaali musuuvirifu ku inzi mba.

Ezekieli 39:19

Lwa nanziti avandu yava vosi, amanyonyi kandi zinyama zilakalie zitinya ziosi kandi kunwa masahi kuduuka lwa nazihambiki.

Kwidzulitsa 14:5

embongo ne kisusu.

Kwidzulitsa 28:20

“Yahova alamuletera vilaamo, ovogoyanu kandi kivi mu viosi via mukoraa muluhi mudivi no kogota vwangu kigira ovudamanu vwa mumali kokora mu limuleka.

Likunula 14:10

Ye umwene kandi alanwa iwaini yu vutima vwa Nyasaye imali kuzukwa mu kekombe vugira kuzuganywa nu uvutima vwa Nyasaye! Kandi alasalirizwa nu muliru gwi kibiriti imbiri wi zingelosi avatakatifu kandi imbiri wu Mwana wi Ligondi.