Isaya 51:16 - KITABU KITAKATIFU

¹⁶ Mali kuviika makuva gange mu munwa gugwo, nguvisi mu chiriri chu mukono gwange; ndaavambura ligulu niinzava muse gwi lirova, mbolera munyi avandu va Jerusalemi: ‘Munyi muveeye avandu vange.’ ”

Isaya 51:16 Iomraidhean Croise

Zaburi 75:3

Kali niiva vilombe viosi mu lirova lidengeyizwa, inzi mwene niyie usingirizaa misingi jalio vudinyu.

Zaburi 91:4

Alakukunika ni zimbaha zizie; ulanyora mirembe mu vulindi vwivwe, uvusuuvirifu vwivwe vulakukinga kandi vulakosoola.

Zaburi 92:13

Vaveeye kuli misaala jasimikwa munyumba ya Yahova, jiviruka mu Litembeli lia Nyasaye wiitu.

Kutwula 33:22

Na galava ndi lwu uvukumi vwange vuvitaa, ndakuvika mu luhangaywa lwu lwanda na ndakufuma numukono gwange kuduuka lwamba nindakavita.

Kutwula 4:15

Unyala komoloma naye na umuvolere ganyala kovora. Na inzi ndamuvolera vombi gamukola.

Isaya 45:18

Yahova yalomba iligulu, aveeye Yahova Nyasaye! Yalomba lirova, yalilomba kuva lidinyu kandi liu kuhindira. Siyalilomba kuva liere mba, navuzwa live havundu ha avandu komenya. Yahova mwene avoora, “Inzi mbeeye Yahova, siaveeye ho nu munyasaye wundi mba.

Isaya 48:13

Ndaalomba musingi gwi lirova, kandi ndaavambura ligulu. Lwa mbilangaa visingira viombi harara.

Isaya 49:2

Yakola amakuva gange kuva amuugi kuli kivavi. Yaambisa muchiriri chu mukono gwigwe. Kandi yangola kuva kuli muvano gwu vuta, ogoveeye umwugi kandi gwetegeki kutumika.

Isaya 49:8

Yahova avooreraa avandu veve ndi, “Lwi ing'inga iduuka yu kumuhonyia, ndamanyia liyaanzilira liange ku munyi, kandi ndahaana amativuli ku lianira lienyu lio vokonyi. Ndamulinda kandi ndamukinga, kandi ndalomba lilagana liange na ivi kulwa vandu vosi. Ndamukora mumenye kandi mu kivala chiinyu kalunu ichalekwa vuzwa.

Isaya 50:4

Yahova Nyasaye umali kumba amakuva gokovoola, kunangwa nduuki kuhaana zinguru kandi kudinyiriza avadedekere. Yambukizaa vuli mugambazuri, kunangwa nduuki kuhulira agazizaa kunzigiza.

Isaya 57:19

Mbana mirembe ku vosi, vombi vaveeye ihale na avaveeye ahimbi! Inzi ndahonyia avandu vange.

Isaya 59:21

Ndalomba lilagana liange ni munyi: Mali kumuha zinguru ziange kandi amigizu gange kuva aginyu mihiga ni mihiga. Kutura kalunu, gamudukira muhuliri inzi kandi mwigize avana vinyu kandi visukululwi vienyu vaambuliri zing'inga ziosi.”

Isaya 60:21

Avandu vinyu vosi valava avalungi, kandi valavugula miandu ji kivala chavo mihiga ni mihiga. Inzi ndaavaleta kandi nimbaviiki mu kivala yiki; ndakora ndio kandi nduuki kukuminywa.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Isaya 65:17

Yahova avoora, “Inzi nombaa lirova lihia kandi ligulu lihia. Vindu via kale vilivirirwa ligali.

Isaya 66:22

“Avandu vange harara ni visukululwi viavo valamenya mihiga ni mihiga, kuli ligulu lihia kandi lirova lihia via ndilomba vilakamenye mihiga ni mihiga.

Jeremia 1:9

Maku Yahova yanyira mukono gwigwe nadiira ku munwa gwange, kandi nambolera, “Hulira, inzi mali kukuha amakuva gomolomaa.

Jeremia 24:7

Ndavakora vave nuvuha vwu kumanya ndi inzi mbeeye Yahova. Maku valava avandu vange, na inzi ndava Nyasaye wavo, kigira valirana ku inzi ni mioyo jaavo josi.

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Jeremia 32:38

Maku, valava avandu vange, na inzi ndava Nyasaye wavo.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Zekaria 8:8

kandi ndakavilanyie kutura Ivugwi kandi Imadioli vaze komenya mu Jerusalemi; valakave vandu vange, na inzi ndakave Nyasaye wavo. Ndakavamiihi mu vusuuvirifu kandi mu vulungi.

Yohana 17:8

Inzi mali kuvavoolera amakuva ga wambolera mbavoolere navo vagavugiliyi. Vamanya agiligali ndi inzi ndaatula ku Ivi, kandi vamali kusuuvira ndi ivi wanduma.

Yohana 3:34

Uyu wa Nyasaye yatuma amolomaa amakuva ga Nyasaye, kigira Nyasaye amuhezaa uvudukiru vwa Roho weve vugira kegero.

Kwidzulitsa 18:18

Ndavatumira muporofeti kuli ivi kutura hagati ha avandu vaavo. Ndamuvolera icha avoora naye alavolera avandu vindu viosi via inzi mulaga.

Kwidzulitsa 33:27

Nyasaye aveeza likingwa lienyu kazozo. Amakono geege gimihiga ni mihiga gaveeye vokonyi vwenyu. Yakunga avasigu vinyu lwa mwavingilira, kandi namuvolera muvadivizi vosi.

Vahebraina 8:10

Kalunu, yili nilio lilagana lia ndilomba na vandu va Isiraeli mu madiku gaaza, Mwami avoora, ndaviika malago gange mu zing'anagani ziavo, kandi ndakagang'ode mu mioyo jaavo; kandi ndakave Nyasaye wavo, navo valakave avandu vange.

2 Petro 3:13

Navuzwa, kolondekana ni lisuuviriza lilie, kunyi kulindiliraa konyoora ligulu lihia kandi lirova lihia; hango hu vutakatifu.

Likunula 1:1

Kitabu yiki keveeye livuula lia Yeso Kristo, lia Nyasaye yamuha, aduuki kumanyia avatumikiri veve, agazizaa kwekoleka vwangu. Yakola ivindu yivi vimanyikane ku mutumikiri weve Yohana lwa yatuma engelosi weve kuye.