Isaya 51:13 - KITABU KITAKATIFU

¹³ Ivi wiviiliyi inzi Yahova uwakolomba, uwaavambula ligulu kandi uwavika mise jie lirova. Kigira ki omenye muvuti kazozo vwu vululu vwa yavo avakudambizaa, vwa yavo aveetegeki kukudiviza? Uvululu vwa avadambizi voveeye haliha?

Isaya 51:13 Iomraidhean Croise

Esther 5:14

Kunangwa mukali weve na valina veve vosi vamuha zing'anagani, nivavoora, “Kigira ki mwinuya gwu kusunga ku avandu gutuumbakwa ahimbi uvutambi izimita 22 kuzia igulu? Mugamba oteeve umwami asungi Modekai ku mwinuya gwene yigwo. Na lwanyima ivi uzie mu lilia linene noveeye nu vusangali vonene harara nu mwami.” Yaga goosi gayaanziza Hamani; nu umwinuya gwu kusunga ku avandu gwumbakwa.

Esther 7:10

Kunangwa vaasunga Hamani ku mwinuya gwu mwene yaali yalombeye Modekai. Hene yaho, uvutima vwumwami vwahomata.

Ayubu 37:18

Unyala kokoonya Nyasaye kuvambuula ligulu kandi ulikole live lidinyu kuli kivia kisiyiywi?

Ayubu 9:8

Oyo yeng'ine niyie uwaala ligulu, kandi niyie uwaseena seena gunyama gonene gwu munyanza nukugwita.

Zaburi 104:2

Ivi wikunikaa nu vulavu kuli inguvu, Waavambula ligulu kuli lihema;

Zaburi 106:13

Navuzwa vivilira vwangu cha Yahova yaali naakori; na sivalindilira konyoora zing'anagani kutura kuye mba.

Zaburi 76:10

Ivi okolaa avandu vu vutima kukwizominya ligali; yavo avavura kukuzira muvulwani, valizuliza ing'inga ya masavo googo manene.

Isaya 10:24

Mwami munene Yahova Wuvunyali avooreraa avandu veve vamenyi mu Ziyoni ndi, “Mutatia kigira avandu va Asiria mba, kali niiva vamudambizaa kuli avandu va Egebeti vamudambizaa.

Isaya 14:4

Lwakola yaga, avandu va Isiraeli valakolera mwami wa Babiloni kehenyahenye nokovoora, “Umwami umudambizi umali kugwa! Sialadambiza mundu kandi mba!

Isaya 16:4

Muleke komenye mu kivala chienyu. Mukukingi kutura ku yavo avenyaa kukudiviza.” Lidambizwa ni lidivizwa vilahera, na yavo avononyia kivala valatura ho.

Isaya 17:10

Isiraeli, mumali kwivilira Nyasaye Umuhonyia kandi Umukinga kuli lwanda lwi zinguru. Mu vogono yivwo, musimikaa misaala mu milimi mitakatifu kunangwa muduuki kusigamira munyasaye mugeni.

Isaya 40:21

Munyi mukikiri kumanya? Munyi mukikiri kuhulira? Munyi mukikiri kovolerwa kutura mu litanga? Mukikiri kumanyiriza kutura lirova nililombwa?

Isaya 40:22

Nyasaye yalomba lirova niyikaye kondeve yeye yu vwami, igulu wi lirova kandi igulu wi ligulu. Vandu vaveeye haasi ku lirova valoreka kuva kuli madagalia. Nyasaye yavambula ligulu kuli inguvu yukukinga, kandi kuli lihema liokomenya mu.

Isaya 42:5

Nyasaye yalomba ligulu kandi nalivambula kuli lihema; kandi yalomba lirova kandi viosi vimenyi mulio. Yahaana mwika gwi livamwoyo ku vandu vosi avamenyi mu lirova. Kalunu Yahova Nyasaye avoora ku vatumikiri veve ndi,

Isaya 43:1

Yahova uwalomba munyi avoora, “Mutatia mba; kigira inzi ndamuhonyia. Inzi mali kumulanga ni lieta, na munyi muveeye avandu vange Isiraeli.

Isaya 44:24

Yahova, muhonyi woovo, uwakolomba munda mwa mama woovo, “Inzi mbeeye Yahova walomba vindu viosi. Inzi nzieng'ine, ndaavambura ligulu; lwa ndalomba lirova, nivwaha wangonya?

Isaya 45:12

Kuzinguru ziange ndaalomba ligulu na viosi viveeye mu lio; liuva, mweli ni zing'ereng'ani. Ndaalomba lirova, kandi ninomba mundu komenya ku lio.

Isaya 45:18

Yahova yalomba iligulu, aveeye Yahova Nyasaye! Yalomba lirova, yalilomba kuva lidinyu kandi liu kuhindira. Siyalilomba kuva liere mba, navuzwa live havundu ha avandu komenya. Yahova mwene avoora, “Inzi mbeeye Yahova, siaveeye ho nu munyasaye wundi mba.

Isaya 48:13

Ndaalomba musingi gwi lirova, kandi ndaavambura ligulu. Lwa mbilangaa visingira viombi harara.

Isaya 49:26

Ndakora avadambizi vinyu viitane aveene naveene, kandi valahambika masahi gaavo aveene kuli iwaini; maku, avandu vosi valamanya ndi, inzi mbeeye Yahova, uwavahonyia kandi wavaha avovoholole. Valamanya ndi inzi mbeeye Nyasaye wi zinguru wa vandu va Isiraeli.”

Isaya 54:14

Likalaga lirungi kandi uvulungi vilakokola ove nizinguru, ulava ihale kutura ku lidambizwa ni litihizwa linene.

Isaya 57:11

Yahova avoora, “avanyasaye vamutiizaa nukutihizwa ligali navo ni vanga vwaha, kunangwa muduuki kombehera kandi kwivilira inzi ligali? Munyi mumali kolekera ukuha inzi uluyali kigira ngiling'ani ku ing'inga indambi?

Isaya 7:4

Umuvolere ahenzerizi kandi yiituliri na atatia anoho kukuza mwoyo mba. Uvutima vwu mwami Rezini na Vasiria veve kandi mwami Peka sivaveeye nuvuhimwa ligali kuli mwoki gwi vigenga viviri mba.”

Isaya 9:4

Ivi umali kuvunanyia iniira yavatugwa yavaliduhilaa kandi impimbu ikuyaa ku mavega gaavo. Umali kuguuta ihiiri ya dambiza kandi iyanuuraa avandu vovo, kuli waguuta liihi lia Midiani kale ligali.

Jeremia 2:32

Mukaana musoleri anyala kwivilira viukwisiaha vivie vie zahabu, anoho mukaana osererwa anyala kwivilira inguvu yeeye ye keserero? Navuzwa avandu vange vamali kunzivilira ku madiku manyingi agatavalizwa mba.

Jeremia 38:19

Navuzwa mwami yativura, “Inzi mbeeye nu vuti na avandu vi kivala chietu avamali kung'anya nu kuzia ku avandu va Babiloni. Inzi nyara kuvikwa hasi hi zinguru zia avandu va Babiloni na valambika mu kivi.”

Jeremia 41:18

ukwesola kutura ku vandu va Babiloni. Vaali nuvuti kigira Ishimaeli mwana wa Nezania, yaali niyiiti Gedalia mwana wa Ahikamu, uwu mwami wa Babiloni yaali natovoye kuva mwamihi wikivala.

Jeremia 51:15

Yahova yalomba lirova kuzinguru zizie mwene; Yalomba kivala novogeri vwivwe mwene kandi navambura ligulu.

Jeremia 51:19

Nyasaye wa Yakobo siaveeye kuli yavo mba; niye walomba vuli kindu, kandi umali kotovola Isiraeli kuva vandu veve mwene. Lieta lilie ni Yahova Wuvunyali.

Danyeli 3:15

Nonoho lwa muhulira kisiriva, lilele, lidienyi, inangoli, lidulele, vukana ni mioyo ji vikubaa viosi mwiname hasi na musigamiri kifananyi. Niiva si mulakola ndio, hene yaho mulasiuvwa mu lomemo lwu muliru. Muganaganaa haveeye ho nu munyasaye unyala ku muhonya?”

Danyeli 3:18

Kali niiva sianyala kokora, O, mwami usuuviri ndi si kunyala kusigamira nyasaye woovo mba, kandi si kunyala kwinama hasi ku kifananyi chi zahabu cha olombi mba.”

Danyeli 3:19

Maku Nebukadineza yaali nu vutima vonene ligali kali vwaloleka mu vweni vwivwe kigira Sadaraka, Meshaka, na Abedinego. Kunangwa yalagiza kesambilu kimedwe muliru keve kihiu papapa haali saba kuvita kazozo.

Vikolwa 12:23

Nonoho engelosi wu Mwami Nyasaye yakuya Herodi, kigira siyaaha Nyasaye uvukumi yivwo mba. Zing'ende ziamulia nakuza.

1 Vakorintho 1:20

Aveeye haliha mundu mugeri? Aveeye haliha mung'odi wi Lilaga? Aveeye haliha wamanya vogeri vungingi? Nyasaye umali kumanyia ndi ovogeri vwi lirova yili voveeye uvusiru?

1 Vakorintho 15:55

“Likuza; liguuta liilio liveeye haliha? Likuza; zingulu zizio ziveeye haliha kusaliliza?”

Kwidzulitsa 32:18

Vivilira Nyasaye wavo, muhonyi wi zinguru wavo. Uwavaha livamwoyo.

Kwidzulitsa 6:12

Mukore ndio kunangwa muvuli kwivilira Yahova uwamuhonyia kutura mu kivala cha Egebeti, wa mwaali avatugwa.

Kwidzulitsa 8:11

“Muhenze vulahi kase mulivilira Yahova Nyasaye winyu; mutivilira kuhulira malago geege, agamuheezaa kalunu mba.

Vahebraina 11:15

Sivazizagilira kuganagana kigira kivala cha vaatura mu mba, valava vakora ndio ngano vaali vakaveeye nuvwiyangu kwirana.

Likunula 19:20

Iking'ang'a zana chagumirwa harara nu umuporofeti wo vovehi waali naakori ivilolekizu imbiri weve. Yatumikira ivilolekizu yivio ukugaada avandu vaali nu muhuri gwi king'ang'a, na yavo avasigamira kifananyi chacho. Iking'ang'a nu umuporofeti wo vovehi vasuvwa munyanza yu muliru iyakaa nu kuvasaamba ni kibiriti nivaveeye mwoyo.

Likunula 20:9

Vaasalana mu lirova liosi kandi nivakumbiriza amadara ga vandu va Nyasaye ni lidaala lia yayanza. Navuzwa umuliru gwatura mwigulu niguvadiviza.