Isaya 50:7 - KITABU KITAKATIFU

⁷ Navuzwa Yahova Nyasaye alangoonya kandi si ndaduuka mu zisoni mba. Kulwayago, ndasingira vudinyu nu vuluviliri, na si ndaduuka mu zisoni mba.

Isaya 50:7 Iomraidhean Croise

Zaburi 110:1

Yahova yavolera mwami wange “Yikala ha mukono gwange mulungi kuduuka lwa mbikaa avasigu vovo isi wi virenge vivio.”

Zaburi 54:6

O, Yahova, inzi ndahaana kisiuvilu ku ivi nu vusangari, ndahaana lisaandiza ni lizominya ku ivi, kigira aveeye mulahi.

Isaya 29:22

Kunangwa kalunu Yahova, Nyasaye wa Isiraeli, uwahonyia Aburahamu kutura mu vudinyu, avoora, “Avandu vange, simulava esoni kandi mba, kandi mu moni mwinyu simulagalula ni zisoni mba.

Isaya 42:1

Yahova avoora, “Uyu nu mutumikiri wange, wa inzi mali kuha zinguru, kandi wamali kotovola wu mwoyo gwange gusangaliraa. Mali kumukola mugulu, kandi mali kuviika muye Roho gwange; alareta likalaga lirungi mu zihiiri ziosi.

Isaya 45:17

Navuzwa Yahova alahonyia avandu va Isiraeli; kandi sivalava mu zisoni mba, valava avaguuti mihiga ni mihiga.’ ”

Isaya 49:23

Avami valava kuli avababa vinyu, avakali va avami valava kuli avamama vinyu. Valinama imbiri winyu kandi valegehiza nukuhaana uluyali ku munyi. Hene yaho, mulamanya ndi, Inzi mbeeye Yahova, na yavo vosi avaveeye nilisuvira mu inzi sivaliduuka mu zisoni mba.”

Isaya 49:8

Yahova avooreraa avandu veve ndi, “Lwi ing'inga iduuka yu kumuhonyia, ndamanyia liyaanzilira liange ku munyi, kandi ndahaana amativuli ku lianira lienyu lio vokonyi. Ndamulinda kandi ndamukinga, kandi ndalomba lilagana liange na ivi kulwa vandu vosi. Ndamukora mumenye kandi mu kivala chiinyu kalunu ichalekwa vuzwa.

Isaya 50:9

Yahova Nyasaye aveeye mukonyi wange nivwaha unyala kungaragira kuva muhioli? Avasidagi vange vosi valagota kuli inguvu yi zisere ziakulia.

Isaya 54:4

Utatia mba, kigira siulavikwa muzisoni kandi mba; kandi siulaleganywa mba. Ulivilira uvwoni vwa wakola nukikiri muyaayi kandi siulizuliza manyego guvukunzakali vuvwo mba.

Jeremia 1:18

Kalunu mali kukokola ove kuli lidaala lie imbinga enene, itiru yi kivia, lidigi liu mugasa usingili vudinyu nu kuhingira kivala choosi, avami vi Ivuyuda, avanene vacho, avasaalisi vacho, kandi na avandu vi kivala chene yiki choosi.

Mika 1:2

Muhuliri yaga munyi zihiiri ziosi; hulirizi ku amakuva yaga, vosi avamenyi ku lirova! Yahova Wuvunyali alava mulolekizi ku vindu vidamanu via mwakora. Muhuliri! Yahova amolomaa kutura mu litembeli lilie Litakatifu.

Luka 9:51

Lwi lng'inga ya kuduuka ya Yeso avugulwa kwirana mwigulu, mwene yaatanga logendo kuzia Jerusalemi.

Yohana 16:33

Mali kovora yaga kunangwa munyi muduuki kuva ni mirembe ku lihambanywa ninzi. Mu kivala mulanyola lidambizwa; navuzwa muleme mwoyo! Inzi mali kuguuta kivala!”

Varumi 1:16

Simbeeye soni ni Ivangeri ya Kristo mba, kigira eveeye zinguru zia Nyasaye kohonyia vosi avasuuviraa; Avayuda kutanga, kandi Avizihiiri.

Vahebraina 13:6

Kunangwa leki kuluviliri, ma kovoole, “Mwami aveeye mukonyi wange; sindatia mba. Mundu alangola ki?”

1 Petro 4:1

Kigira Kristo yasaalira mu muviri, munyi kandi mwidinyirizi kwivika mu liiva liukuva kuli ndio; kigira uyu wasalirizwa mu muviri umali kolekana nu uvwoni.

1 Petro 4:16

Navuzwa, niiva ulasalirizwa kigira oveeye Mukristayo, utava soni mba, nitali wizominyi Nyasaye kigira waginga ilieta lia Kristo.