Isaya 50:2 - KITABU KITAKATIFU

² “Kigira ki nivavula kundivulira lwa ndaazia kuvo kuvahonyia? Ndakaminya amazi mu zinyanza ku lilaga liange, kandi ndakaminya amazi mu migera jiosi nu kujikola jumi kuli changarangwi, kunangwa zisuzi ziduuki kukuza kigira uvuluhu vwa mazi.

Isaya 50:2 Iomraidhean Croise

Litanga 18:14

Inzi mbeeye Yahova! Sihaveeye ho ni kindu keveeye kidinyu ku inzi mba. Ndirana muhiga guuzaa kuli mali kulaga, na Sara alakave naveeye nu mwana muyaayi.”

2 Kyetsinyinga 32:15

Kalunu mutaleki Hezekia amugotize kuli ndio mba. Mutamusuuviri mba! Siaveeye ho nu munyasaye wi ihiiri ku ziosi anoho uvwami uwanyala kohonyia avandu veve kutura kuzinguru ziange anoho zia avaguuga vange kali hakuzu mba. Kunangwa Nyasaye winyu alanyala ndi kumuhonyia kuzinguru ziange?”

Zaburi 106:9

Yahaana lilago ku nyanza Nzakanyu nayo yuuma; yimilira avandu veve kuvitira hagati hayo ku lirova liumu.

Zaburi 107:33

Yahova yakola migera kwuma ligali, kandi yigalira visinukiru via mazi niviivura kwituruka.

Kutwula 14:21

Musa yanyira mukono gwigwe kunyanza, kandi Yahova yakola inyanza niyiirana inyima harara ni imbuza enene yikivihiri kutura Ivugwi. Yahuuza uvudiku vwosi ma nigirung'anyia inyanza kugwa lirova liumu. Amazi gavukana,

Kutwula 14:29

Navuzwa vandu va Isiraeli vagenda munyanza ku lirova iliumu, harara na madigi ga mazi ku zimbega ziombi.

Kutwula 7:18

Zisuzi ziu mugera gwa Naili zilakuza, nu mugera gulafunya vugundu ligali na vandu va Egebeti sivalanyala kunwa mazi gagwo mba.’ ”

Kutwula 7:21

Zisuzi ziosi ziu mu mugera ziakuza, na gwafunya vugundu ligali. Avandu va Egebeti sivali vanyara kunwa amazi mugwo mba. Amasahi gaali havundu hoosi mu Egebeti.

Tsing'ano 1:24

Inzi mali kulanga munyi kuza ku inzi, navuzwa si mwenya kuhulira mba. Mali kuhaana ku munyi mageri, navuzwa simuhuliyi mba.

Isaya 11:15

Yahova alakaminya amazi mu mukono gwi inyanza ya Egebeti, kandi alaleeta imbuza imbiu kukaminya mugera gwa Efurate. Alagwavukanyia mu togera saba, kunangwa avandu vaduuki kwambuka.

Isaya 19:5

Amazi galageha mu mugera gwa Naili, na guluma galaha ligali.

Isaya 23:11

Yahova umali kunyiira mukono gwigwe kunyanza nukwononyia uvwami. Umali kuhaana lilaga kwononyia havundu hu vukala mu Foenisia.

Isaya 36:20

Ni ng'inga ki ya vanyasaye vi vivala yivi viosi vahonyia ku vivala viavo kutura ku mwami wiitu? Kunangwa ni ki kekolanga munyi kuganagana ndi Yahova anyala kohonyia Jerusalemi?”

Isaya 41:28

Lwa ndahenzeriza mu avanyasaye yava, siyaali ho kali mulala uwaali unyala kovora kindu mba; Siyaali ho kali mulala uwaali anyala kuhaana amativuli ku mateeva gange mba.

Isaya 42:15

Ndononyia tugulu ni vigulu, kandi ndakora uvunyasi ni misaala kwuma. Ndagilung'anyia migera ju mumavoona kugwa changarangwi kandi ndakaminya amadavalia ga mazi.

Isaya 43:16

Ku ing'inga yakale Yahova yalomba inzira kuvitira mu inyanza, inzira kuvitira mu viguvuli vinene.

Isaya 44:27

Inzi ngaminyaa zinyanza ku likuva liu kulaga vuzwa.

Isaya 51:10

Yaali ivi kandi uwakaminya inyanza, kandi nolomba inzira kuvitira mu mazi, kunangwa yavo avawaali nohonyia vaduuki kwambuka.

Isaya 54:6

Isiraeli, Ivi oveeye kuli mukali mukana, uwalekwa nu musaza weve na oveeye mu livererizwa linene. Navuzwa Yahova akulangaa wirane kuye, na avoora:

Isaya 59:1

Mutaganagana ndi Yahova aveeye mudedekere ligali kali sianyala kumuhonyia mba, anoho sianyala kuhulira lianira lienyu liukwenya ovokonyi mba.

Isaya 59:16

Yahova ogenyi kolola ndi si haali nu mulala okonyaa avadambi mba. Kunangwa alatumikira zinguru zizie kuvasoora kandi kuvaha iliguuta.

Isaya 63:13

uwavimilira kuvitira hagati hu luliva lwi inyanza? Kuli ibarasi inyagura mwigendanyama, si vikigitara mba.

Isaya 64:6

Kunyi kwosi kwaveeye avoni, kali vikolwa vietu vilungi viveeye kuli inguvu ifunyaa vugundu. Kigira uvwoni vwitu, koveeye kuli amatu ganiara ma gabulukizwa nimbuuza.

Isaya 65:12

Munyi vosi muliitwa ni kivavi, mulinama na mulasinzwa, kigira, lwa ndamulanga si mwahaana amativuli mba, kandi lwa ndamoloma ku munyi, simwahulira mba, navuzwa mwakora agaveeye amadamanu imbiri wange, kandi mwatovora agandavula kuyaanzizwa nago.

Isaya 66:4

Kigira yaga, inzi kandi ndavaletera ikivi - ivindu yivio viavatizaa; kigira sihaaliho nu mulala uwahugira lwa ndavalanga anoho uwahuliriza lwa ndamoloma. Vaatovora kuvula kuhulira inzi nokokola uvudamanu.”

Jeremia 14:9

Kigira ki oveeye kuli mundu oveeye mu ligenya, kuli musikari utaveeye ni zinguru kokonya? O, Yahova, ligali ivi oveeye harara ni kunyi! Kunyi koveeye avandu vovo; utakoleka mba.’ ”

Jeremia 35:14

Ivisukulurwi via Jonadabu vamali kutia malago geege kuvula kunwa iwaini, kandi kuduuka na lero avulaho umundu kali mulala unwezaa iwaini mba. Navuzwa inzi nzizagilira komoloma ku munyi na simutizaa inze mba.

Jeremia 35:15

Nzizagilira kumutumira avaporofeti avatumikiri vange vosi, kandi vamali ku muvooleraa muleke likora lienyu liuvuchamu na mukore agaveeye malungi. Vaamwiganihizaa kuvula kusigamira nukutumikira avanyasaye vandi, kunangwa muzizagiliri komenya mukivala cha ndamuha navaaguuga vinyu. Navuzwa simwahulira inzi mba.

Jeremia 5:1

Munyi avandu va Jerusalemi, munyaguli yiyi ni yiyi mu zinzira! Muhenze vuli muzimbega na mwelolere aveene! Mwenyelerizi mu vilitu! Munyala konyoora mundu mulala okolaa agaveeye amalungi, kandi ogerizaa kuva musuuvirifu ku Nyasaye? Niiva mulamunyoola, Yahova alamusamiiha.

Jeremia 7:13

Munyi mumali kokora uvwoni yivu vwosi, kali niiva ndamoloma ku munyi haali kanyingi, navuzwa mwasuura kuhulira. Si muhugilaa lwa inzi mulangaa mba.

Jeremia 7:27

“Kunangwa, Jeremia, ulamoloma amakuva yaga goosi ku avandu vange, navuzwa si valakuhulira mba; ulavalanga navuzwa si valakutivulira mba.

Jeremia 8:6

Ndaahuliriza vulahi ligali, navuzwa si mwavoora agiligali mba. Kali mundu mulala kumunyi siyaverera kigira uvuchamu vwivwe mba; kandi mundu mulala siyeteeva ku ndi, ‘Kindiki kidamanu cha inzi mali kokora?’ Vuli mundu azizaa kunzira yeeye umwene, kuli ibarasi inyagura zimbiru kuzia mu vulwani.

Danyeli 3:15

Nonoho lwa muhulira kisiriva, lilele, lidienyi, inangoli, lidulele, vukana ni mioyo ji vikubaa viosi mwiname hasi na musigamiri kifananyi. Niiva si mulakola ndio, hene yaho mulasiuvwa mu lomemo lwu muliru. Muganaganaa haveeye ho nu munyasaye unyala ku muhonya?”

Danyeli 3:29

“Kalunu ndagizaa ndi, mundu woosi wi kivala choosi, zihiiri ziosi, anoho lulimi lomoloma makuva gu kuchaya Nyasaye wa Sadaraka, Meshaka na Abedinego, vivero vivie viladonyanywa, na inyumba yeeye ilava kitumi cha makindi. Si aveeye ho na nyasaye wundi unyala kohonyia kuli ndi mba.”

Danyeli 6:20

Lwa yaduuka ho, yalanga nu vuti, “Danieli, muyinziri wa Nyasaye oveeye mwoyo! Nyasaye woovo wa usaala mu giligali aveeye nu vunyali kokosola kutura mu zisimba?”

Danyeli 6:27

Ahonyia kandi asolaa; akolaa go kogenya, kandi vilolekizu mwigulu nu ku lirova yahonyia Danieli kuvula kwitwa ni zisimba.”

Hosea 11:2

Navuzwa lwa ndameda kumuvalanga, nilwo lwayazizagilira kutura ku inzi. Avandu vange vahaana visiuviliru ku Baali, kandi vasamba vifunya mwayu ku vifananyi.

Hosea 11:7

Avandu vange vasaviyi kugirung'ana kutura ku inzi. Navaaniri kigira iniira eveeye kuvo, navuzwa umundu kali mulala si alivagingira mba.

Nahum 1:4

Agondokeraa inyanza kandi ikama! Alomba migera kukama. Milimi ja Bashani jinialaa. Kiguru cha Karimeli kigilung'anaa kugwa malova, kandi vimuli via Lebanoni viniara.

Habakuk 3:8

Yahova, ni migera jagira ivi nuuva nu vutima? Yaali inyanza yagira nuuva nu vutima vululu? Wagenda ku malesi; amalesi gi kihuzuzi gaali amagare googo, lwa waleeta liguuta ku vandu vovo.

Livalidza 11:23

Yahova yativulira Musa, “Zinguru ziange zinyala kogehizwa? Kalunu ulalora aga inzi mali kovora galekoleka anoho galavula kwekoleka!”

Marko 4:39

Yeso yavuka naagondokera imbuza, navoora “Kiring'ana! Lengela!” Imbuza yalekera, na gwaali umulengera munene.

Yohana 1:11

Yaza mu kivala chiche mwene, navuzwa avandu veve sivamuvugilira mba.

Yohana 3:19

Likalagwa liene ni yili: Uvulavu vumali kuuza mu kivala, navuzwa avandu vayaanza kisundi kuvita uvulavu kigira vikolwa viavo viveeye vidamanu.

Joshua 3:16

amazi gasulungutaa kutura iluhia gasingira kogenda. Gavuunga kitumi lovega lulala, ihale ligali, hi lidaala lia langwa Adamu, iliveeye ahimbi na Zarezani. Amazi gasulungutaa kuzia munyanza yu Munyu gasingira. Kunangwa avandu zana yavo vaambuka ni vazia kolovega lundi, ku lujinga lwa Jeriko.