Isaya 5:7 - KITABU KITAKATIFU

⁷ Isiraeli eveeye kizabibu cha Yahova Wuvunyali, na vandu vi Ivuyuda vaveeye mizabibu ja Yahova yasimika. Yavalindilira vakole amalahi, navuzwa vakora uvudamanu vwu kwita. Yahova yavalindilira vakole amalungi, navuzwa vadambiza yavo avanira vanyoore vulungi.

Isaya 5:7 Iomraidhean Croise

Litanga 4:10

Maku Yahova yateva, “Kigira ki umali kokora kindu kidamanu yiki? Amasahi ga amwavo woovo gwaniraa ku inzi kutura kumalova kuli mwoyo gulangiliraa kutunga kisaalia.

2 Samweli 7:10

Mali kotovola havundu kigira avandu vange Isiraeli, kandi mali kuvaviikaho, na valamenya havundu yaho, vugira kudambizwa kandi. Vasaza vu vutindi vavuli kuvatulira kandi, kuli vaakora ku maziambiri;

Ayubu 34:28

Kunangwa vaniga avadaka vaaniri ligali ku Nyasaye; naye yahulira lilira liavo kigira kwenya ovokonyi.

Zaburi 147:11

Navuzwa ayanziliraa yavo avamuhezaa luyali, kandi mu yavo avasuuviraa mu vuyanzi vwivwe vwa kazozo.

Zaburi 149:4

Yahova ayaanzizwa na vandu veve. Ahaanaa uluyali ku vahocha kigira liguuta liavo.

Zaburi 80:15

Hamba kohonyie, avandu vovo avuwaviika mu kivala yiki, kandi uvakole kuva ihiiri yi zinguru ligali.

Kutwula 3:7

Maku Yahova yavoola, “Ligali mali kolola uvusaaliri vwa vandu vange vaveeye navwo mu kivala cha Egebeti, kandi mali kuhulira lilira liavo liukwenya kosolwa kutura ku vadambizi vaavo.

Tsing'ano 21:13

Nusuula kuhuliriza kulianira liumundu mudaka, lianira liilio kwenya ovokonyi sililahulirizwa mba.

Kohelethu 4:1

Maku ndaalora vuchamu vwosi vwekoleka mu kivala yiki. Avandu vadaambizwa vaalira, nu mundu siyaaliho uwaali unyala kuvakonya mba. Siyaaliho nu mundu waali unyala kuvakonya, kigira avadamibzi vaavo vaali ni zinguru kuvavita.

Lwimbu lwa Solomoni 7:6

Ivi oveeye mulahi ligali, Oveeye uyanziza; vuyanzi vwuvwo vwosi voveeye vuduukiru.

Isaya 1:21

Lidaala linene iliali ing'inga indala lisuuvirifu kalunu liveeye ni miima kuli ji liraya! Ing'inga ndala liizula vandu valungi, navuzwa kalunu avalumindi vatigaye mulio.

Isaya 1:6

Kutura ku mitwi kuduuka ku virenge, sihaveeye ho nahavundu ahalamu ku miviri jinyu mba. Munyi mwizuyi zing'oma nuvukinduki nuvuvuni. Zingwagu zienyu siziogiziiywi anoho kovohelerwa mba. Amaguta sigavakiywi muzigwagu zienyu mba.

Isaya 27:2

Lidiku yilio, Yahova alakavoole ndi, “Mwimbi lwimbu kigira mulimi gwange mulahi gwa mazabibu!

Isaya 3:14

Alakalagira avakulundu kandi aviimiliri vavandu veve. Alombaa vivuni: “Mumali kulanya mulimi gwa amazabibu, kandi zinyumba zienyu ziizuye vindu via mwalanya kutura ku vadaka.

Isaya 3:15

Muvura vunyali kudambiza avandu vange, kandi mwenyoola uvuhinda kulwa avandu vadaka, Inzi mwami Yahova Wuvunyali mali kovora.”

Isaya 3:17

Navuzwa ndavaha amageri, ndavega mitwi jiavo, na valatigala nu luhale.”

Isaya 30:12

Navuzwa yaga nigo aga Nyasaye Mutakatifu wa Isiraeli avoora: “Musuraa aga inzi muvooleraa na musuuviraa mu vutindi kandi mu vugadi.

Isaya 46:12

“Mbulirizi munyi avandu vaveeye avahindagirizi, kandi avaveeye ihale kutura ku vohonyi.

Isaya 5:2

Yalima mulimi natulizamu amagina goosi; yataga mizabibu milahi ligali. Yumbaka munara gwu kulindilira ku hagati hi kizabibu, kandi yayava liliina lio kolomberamu iwaini kutura ku mazabibu. Yalindilira makuyu kwenga, navuzwa vuli likuyu liali lilulu.

Isaya 59:13

Kumali kwibaala ku ivi nu kwambakana ivi kandi nukusuula kolonda ivi, Nyasaye wiitu. Kumali kudambiza avandi nukugirung'ana koleka ivi. Zing'anagani zietu ziveeye ziuvugadi; na amakuva giitu gaveeye ovovehi vwere.

Isaya 59:14

Likalaga lirungi liviikiywi halovega, na uvulungi vusingiyi ihale. Agiligali gikigitaye nukuduvagwa mu viina; na uvusuuvirifu sivunyala konyoora ovogono muzio mba.

Isaya 59:4

Munyi muzizaa mukiyaro, navuzwa simuveeye nilikalaga liuvulungi kolovega lwinyu mba. Mweredaa ku ovovehi kuguuta ichiina. Mwetegekiza zing'anagani zienyu ziuvudamanu kusaliriza avandi.

Isaya 62:5

Nyasaye alasangalira munyi kuli muyaayi asangalira mwiha wa asereraa, kandi kuli mwiha asangalira muyaayi wa aselerangwa ku.

Jeremia 12:10

Avami vanyingi vageni vamali kwononyia mulimi gwi kizabibu change; vamali kuduvaganyia imilimi giange; vagirung'anyia kivala change chandayaanza kugwa changalangwi.

Jeremia 24:2

Kihinda chu kutanga chaali mu na makuyu amalahi ligali agatanga kwenga; kihinda cha kaviri, chaali na makuyu amadamanu ligali, agatanyala kulivwa.

Jeremia 50:46

Lwa Babiloni iligwa, nalive liyoga iliaza likore kivala choosi kodegera, kandi mwoyo gwi lilira liavo gulakahuliriki hagati hi zihiiri.”

Ezekieli 22:29

Avandu vi kivala yiki vamali kudambiza nu kunuura. Vamali kudambiza avadaka na vageni, kandi si vavakolera likalaga liveeye lirungi mba.

Hosea 10:1

Avandu va Isiraeli vaali kuli muzabibu munetu ugwama makuyu amanyingi. Lwa vaali ni linyola linyingi, nilwo lwa vumbaka uvwali vunyingi. Limeedeka liu vutugi vwi kivala chavo liavakola kolomba zitiru zia magina zindahi ziavasigamiraa.

Mika 6:12

Avatugi vinyu vanyaga vadaka, kandi munyi mwosi muveeye avagaadi.

Mika 6:8

Awa, Yahova umali kokovoolera agaveeye amalahi. Aga yenya kutura ku kunyi ni yaga: Kokora uvulungi, kumanyia uvuyanzi vutaveeye nekeheri, nokomenya mu liegehiza harara na Nyasaye wiitu.

Habakuk 1:3

Kigira ki ondeki ndore vudinyu kuli yivu? Wikuzira ndi kolola vudamanu kuli yivu? Vwoneku ni kivihiri vimali kungumberiza. Volembani kandi vulwani viveeye havundu hoosi.

Zefania 3:17

Yahova Nyasaye winyu aveeye harara na munyi. Zinguru zizie zilamuha liguuta. Yahova alayanzizwa na munyi kandi mu vuyanzi vwivwe, alamuha livamwoyo lihia. Alimba nukusangara kigira munyi.

Matayo 23:23

“O, vayaye kilaamo kenene keveeye ku munyi, avigizi vi Lilaga kandi Avafarisayo! Avagaadi munyi! Muhaanaa ku Nyasaye kidieli chi likomi kali izaka yi vitagwa vifunya mwayu ni vimuli, nu mudalasini, navuzwa muleki kugumira amigizu gaveeye amanene agi Lilaga kuli uvulungi, livelererwa, kandi uvusuuvirifu. Agene yaga nigo agamuduukira mukore vugira koleka agandi.

Luka 18:7

Kalunu, Nyasaye sialakalagira avandu avatovole veve uvulungi, avamwanira mbasu nuvudiku? Alalindagilira ko lohono kuvativulira lianira liavo?

Yohana 15:2

Vuli lusia oloveeye ku inzi ulutamaa makuyu alalotema, kandi vuli lusia lwamaa makuyu, alaluhalulira kunangwa ludase kwama amakuyu manyingi ligali.

Kwidzulitsa 15:9

Mutasuula kumwegobiza kindu kigira muhiga gwa magovi gasamifwa goveeye ahimbi mba. Mutaleka zing'anagani zindamanu kuli yizi zingili mu zing'anagani zienyu mba. Niiva musuraa kumwegobiza, alalira ku Yahova kigira munyi, na munyi mulanyoleka ni lihiolo.

Yakobo 5:4

Mukikiri kutunga imituungu josi ja avandu avayinziraa mu milimi jinyu. Huliri ku lielilira liavo kigira munyi! Lilira liayavo avagesaa mumilimi jinyu, Nyasaye Wuvunyali kuhulira.